Bienzedi 10:16 - MUKANDA WA MYIDI MUKULU

¹⁶ Kuenzekabi nanku misangu isatu. Pashishe kupingajabu tshintu atshi mu diulu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Bakenza nunku misangu isatu, tshintu bu tshilulu tshiakahingana lubilu mulu kabidi.

Bienzedi 10:16 Referans Kwoze

2 Korente 13:1

Nkadi pa kufika kuenu aku musangu muisatu bua kumonangana nenu. Mukanda wa tshijila udi wamba ne: “Badi mua kufunda muntu ku tshilumbu, amu padi bantu babidi nansha basatu batshijadika.”

Yowanane 21:17

Pashishe kumukonkaye tshiakasatu ne: — Simone, muana wa Yowanane, udi munnange anyi? Petro kubungama, bualu Yezu uvua umukonka tshiakasatu ne: “Udi munnange anyi?” Ke kumuandamunaye ne: — Mfumu, udi mumanye bionsu, udi mumanye mundi mukunange! Yezu kumuambila ne: — Ukube mikoku yanyi.

Genese 41:32

Paudi mulote ndota ayi mishindu ibidi ya momumue, umanye ne: Mvidi Mukulu mmumane kujadika bualu ebu, kabidi neabukumbaje lukasa.

Yezekiyele 11:24

Meme kumvua Mueyelu wa Mvidi Mukulu ungambula pa buloba, uya kumpingaja ku Babilone mu bantu bavua mu bupika. Nanku, Maweja-Nangila kena mundeje kabidi malu makuabu to.

Bienzedi 10:15

Kumvuaye tshiakabidi diyi, dimuandamuna ne: — Tshidi Mvidi Mukulu muambe ne: katshiena ne mikiya, wewe kuena mua kutshiamba ne: tshidi ne mikiya!

Bienzedi 10:17

Petro uvua ulubakana, ukeba kujingulula malu avuabu bamuleje. Diba adi bantu bavua Korneliyuse mutume, bakavua bamane kuebeja, bua babaleje ku nzubu kua Simone. Mpindiewu bakavua mene ku tshiibi tshia nzubu.