Bienzedi 1:25 - MUKANDA WA MYIDI MUKULU

²⁵ Apingane Yudase mu mudimu wa bupostolu. Bualu Yudase mmuushiye, muye ku wende muaba.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ bua kuangateye muaba mu mudimu eu ne mu bupostolo muakahonena Yudasa bua kuyeye ku muaba wandi muine.

Bienzedi 1:25 Referans Kwoze

1 Korente 9:2

Nansha bakuabu kabayi bitaba ne: ndi mupostolu, kadi buenu nuenu ndi mupostolu. Nanku dijadika dia ne: ndi mupostolu, ke nuenu mene, bualu nudi badisange ne Mfumu.

Rome 1:5

Kudiye ke kudi Mvidi Mukulu mumpeshe dipa dia kuikala mupostolu, bua meme kusaka bantu ba bisamba bionsu, bua bitabe Lumu lua Disanka, batumikile Mvidi Mukulu, bua dina dia Yezu dipete lumu.

Yowanane 17:12

Pamvua pamue nabu, mvua mubalame ku bukole bua dina diebe, dina diuvua mumpeshe. Mvua mubalame, nansha umue wa kudibu ki mmujimine to, pa kumusha uvua ne bua kujimina bua miaku ikumbane ivuabu bafunde mu Mukanda wa tshijila.

Ngalate 2:8

Bualu Mvidi Mukulu mmuenze, bua ngikale mupostolu bua bisamba bikuabu, amu muvuaye muenze bua Petro ikale mupostolu bua bena Yuda.

Yowanane 13:27

Diakamue Yudase mumane kuangata tshipese tshia diampa, diabolu kubuela munda muende. Ke Yezu kuambila Yudase ne: — Tshiudi musue kuenza, utshienze lukasa!

Matayi 26:24

Muana wa muntu neafue, mudi Mikanda ya tshijila kulongesha bualu buende. Kadi muntu wapangila Muana wa muntu, mmuena diakabi. Muntu awu kabavua nansha mua kumulela to.

Matayi 25:46

Bavua benza bibi aba, nebaye mu dinyoka dia tshiendelele. Bavua benza bimpe, nebaye mu muoyi wa kashidi.

Matayi 25:41

Pashishe mukalenga neambile bantu badi ku diende dia bakaji ne: “Umbukayi pandi, nuenu badi Mvidi Mukulu muele mulawu! Nuye mu kapia ka tshiendelele, kavuabu balongoluele diabolu ne batumibue bende!

Misambu 109:7

Palumbululaye bamupishe, ditendelela diende diandamuke bualu bubi!