Amosa 1:1 - MUKANDA WA MYIDI MUKULU

¹ Mu mukanda ewu mbafunde miaku ya Amosa, mumunyi wa nyama, wa mu musoku wa Tekowa. Maweja-Nangila uvua mumumanyishe malu avua atangila bukalenga bua bena Izrayele, bidimu bibidi kumpala kua tshikumina tshinene. Mu tshikondu tshiwa Uziya mukalenga wa bena Yuda, ne Yerobowame, muana wa Yowashe, mukalenga wa bena Izrayele,

Mukanda wa Nzambi Dihungila Dikulukulu ne Dihungila Dihia-dihia 2003

¹ Au mmei a Amosa, wakadi munkatshi mua balami ba mikoko ba ku Tekoa, akunvueye bualu bua Bena Isalele, mu matuku a Uziya, mukelenge wa Yuda, ne mu matuku a Yalobama, muana wa Yoasha, mukelenge wa Isalele, bidimu bibidi ku mpala kua kutaka kua buloba.

Amosa 1:1 Referans Kwoze

Zekâya 14:5

Nenunyemene mu tshibandabanda etshi, tshidi tshienzeka pankatshi pa mikuna, bualu netshialabale too ne ku Ashale. Nenunyeme muvua bankambua benu banyeme, pavua tshikumina tshienzeka, tshikondu tshivua Uziya mukalenga wa ditunga dia Yuda. Nanku Maweja-Nangila Mvidi Mukulu wanyi neafike, ne batumibue bende badi bamukuatshila mudimu.

Amosa 7:14

Ke Amosa kuandamuna Amashiya ne: — Tshiena muambi udibu bafuta nansha. Tshiena muntu uvua mu tshisumbu tshia bambi. Nyama indi mumune, ne bimuma bia mfiku bindi mpeta ku mitshi yanyi, ke bivua bindisha!

Yirmeya 6:1

Nuenu bena Binyamine, umbukayi mu Yerushalayime! Nunyeme bua kudipandisha. Elayi mpungi ku tshimenga tshia Tekowa. Elayi tshimunyi kulu pa mukuna wa Bete-Kereme, numanyishe bantu bualu. Bualu, dikenga dinene ne kabutu bidi binuvuila, bifumina luseke lua ku mutu kua ditunga.

2 Kulondolola 20:20

Patshiatshia kuyabu bonsu mu tshipela tshia Tekowa. Pa kuyabu, Yosafate kubambila ne: — Bena Yerushalayime, bena Yuda, ntelejayi! Tekemenayi kudi Maweja-Nangila Mvidi Mukulu wenu. Nenupete bukole. Tekemenayi kudi bambi bende. Nenutshimune mvita!

2 Kulondolola 11:6

ke Betleyeme, Etame, Tekowa,

1 Bakalenga 19:19

Eliya kumuka muaba awu, kusangana Elisha, muana wa Shafate udima budimi ne ngombe makumi abidi ne inayi misuikakaja ibidi ibidi. Elisha mene uvua udima ne tshisumbu tshia dikumi ne tshibidi. Pavua muambi Eliya upitshila pabuipi ne Elisha, kutekaye Elisha tshinkutu pambidi.

2 Samuele 14:2

Nanku kubikidishaye mukaji mutalame uvua ku Tekowa, umuambila ne: — Wenze bu muntu udi mu madilu. Uwale bilamba bia madilu. Kulabi manananshi to. Wikale bu mudi mukaji mushale mu madilu matuku a bungi.

Yirmeya 1:1

Mu mukanda emu, badi batuambila malu onsu adi Yirmeya, muana wa Ilkiya muambe, ne adiye muenze. Yirmeya uvua wa mu diku dia batuangaji. Batuangaji abu bavua basombela mu musoku wa Anatote, mu buloba bua bena Binyamine.

Yeshaya 1:1

Mu tshikondu tshivua Uziya, Yotame, Akaze, ne Izkiya, bakalenga ba Yuda, Yeshaya, muana wa Amose, uvua mumanyishe bantu malu avua Maweja-Nangila mumuleje, adi atangila bukalenga bua Yuda ne tshimenga tshia Yerushalayime.

2 Bakalenga 14:23

Amashiya, muana wa Yowashe, mumane kulala mu bukalenga bua bena Yuda bidimu dikumi ne bitanu, Yerobowame, muana wa Yowashe, kubuela mu bukalenga bua bena Izrayele mu Samariya. Kushalaye mu bukalenga bidimu makumi anayi ne tshimue.

1 Korente 1:27

Kadi bua kufuisha bena meji bundu, Mvidi Mukulu mmusungule bidi bantu batangila bu bia bupale. Bua kufuisha badi ne bukole bundu, mmusungule bidi bantu batangila bu bidi kabiyi ne bukole.

Mika 1:1

Telejayi bivua Maweja-Nangila muambile Mika, muena mu musoku wa Moreshete, mu tshikondu tshiwa Yotame, Akaze, ne Izkiya, bakalenga ba mu Yuda. Maweja-Nangila uvua mumuleje malu adi atangila bimenga bibidi: tshia Samariya ne tshia Yerushalayime.

Osheya 1:1

Mu mukanda ewu, mudi malu avua Maweja-Nangila muambile Osheya, muana wa Beyeri. Tshikondu atshi, Yerobowame, muana wa Yowashe, ke uvua mukalenga mu buloba bua Izrayele. Uziya, Yotame, Akaze ne Izkiya, ke bawa bakalenga mu buloba bua Yuda.

2 Bakalenga 14:21

Patshivua Azariya, muana wa Amashiya, ne bidimu dikumi ne bisambombu, bena Yuda kumusungula bua kupinganaye tatuende mu bukalenga.

Yirmeya 7:27

Nenku wewe Yirmeya, neuye kubambila bionsu ebi. Kadi kabakunteleja. Neubabikile mu dina dianyi bua badilengeje, kadi kabakukuandamuna to.

Ekesode 3:1

Moshe uvua udisha bimuna bia tatuende muenu Yetro, mutuangaji wa mu Madiyane. Dituku dikuabu kupitshilaye mu tshipela too ne ku Orebe, mukuna wa Mvidi Mukulu.

Matayi 4:18

Pavua Yezu wendakana ku muelelu wa Dijiba dinene dia Ngalileya, kumonaye balobi babidi, bana ba muntu umue. Umue uvua Simone, uvuabu binyika kabidi ne: Petro, mukuabu uvua Andre. Bavua baloba mu dijiba ne bukondu buabu.

Yirmeya 28:8

Nansha wewe, nansha meme, katuyi banji kukuata mudimu wa buambi, kuvua bambi kale. Bambi abu bavua bambila bantu ba mu matunga manene, ne ba mu makalenga manene, malu a Mvidi Mukulu. Bavua bapita kumanyisha amu bua mvita, makenga ne disama dia tshiambu.