Agayi 2:3 - MUKANDA WA MYIDI MUKULU

³ — Nganyi wa munkatshi muenu uvua mumone buimpe buvua nabu nzubu wa Mvidi Mukulu wa kale, pavuabu kabayi banji kumunyanga? Kadi tshinudi bamone lelu ntshinyi? Nzubu kena kabidi ne lumu nansha kakese.

Mukanda wa Nzambi Dihungila Dikulukulu ne Dihungila Dihia-dihia 2003

³ Muntu kai udi mushale munkatshi muenu wakamona nsubu eu mu butumbi buandi diambedi? Nudi numumona bu tshinyi mpindiu? Kena ku mesu kuenu bu tshintu tshia hatuhu, anyi?

Agayi 2:3 Referans Kwoze

Ezela 3:12

Batuangaji bavule, bena Levi, ne bamfumu ba meku, bonsu bantu bakole bavua bavuluka muvua nzubu wa Mvidi Mukulu wa kale, kudilabu bikole, pavuabu bamone bantu bibaka tshitaku tshia nzubu wa Mvidi Mukulu mupiamupia. Kadi bantu bakuabu ba bungi, bavua basanka, batuta bikashi.

Yezekiyele 7:20

Bavua baditambisha bua bintu bia mushinga bivuabu nabi. Bavua benza nabi mpingu ya kutendelela nayi mvidie mibi ya patupu. Ke padi Maweja-Nangila wamba ne: Biamu biabu ebi nebaatangile bu bintu bidi bikuatshisha muenge.

Agayi 2:9

Nanku nzubu mupiamupia wanyi ewu, neikale muimpe mupite wa kale. Kabidi nempeshe bantu banyi ditalala mu nzubu ewu. Meme Maweja-Nangila wa bukole buonsu, ndi ngamba nanku.

1 Kulondolola 22:5

Davide uvua wamba ne: “Shelomu wanyi utshidi muana mukese, kena muanji kujingulula bimpe mudi panu. Kadi nzubu wa kuashila Maweja-Nangila udi ne bua kuikala ne lumu mu matunga onsu, bualu kabena mua kumupita nansha ne nku bunene nansha ne nku lumu. Ke mundi musue kulongolola bintu bua kuibaka nabi nzubu ewu.” Ke muvua Davide mulongolole nanku bintu bia bungi bia kuibaka nabi, bangabanga ne lufu luende.

Ezela 3:11

Bavua bimba, batumbisha Maweja-Nangila, bapunguluja ne: “Maweja-Nangila udi muimpe, mmunange bena Izrayele kashidi!” Bena Izrayele kabidi bavua batumbisha Maweja-Nangila, bela mbila mikole. Bavua basanka, bualu bantu bavua bibaka tshitaku tshia nzubu wa Mvidi Mukulu.

Yeshaya 64:10

Nzubu webe wa Tshijila, muvua batatuetu bakutumbishila, nzubu wetu mulengele wa kutendelela, mbamoshe mujima kudi kapia. Muaba ewu utuvua banange bikole, ukadi mpindiewu dikolu.