Agayi 1:5 - MUKANDA WA MYIDI MUKULU

⁵ Meme Maweja-Nangila wa bukole buonsu, ndi nnuambila ne: Dikonkayi pa malu adi anuenzekela.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Kadi mpindiu Yehowa wa misumba udi wamba ne, Elanganai meji a bienzedi bienu.

Agayi 1:5 Referans Kwoze

Muadi 3:40

Tudikonkayi menemene bua nsombelu wetu, tupinganayi kudi Maweja-Nangila.

2 Korente 13:5

Dikonkayi! Nutshidi bena ditaba anyi? Ditetayi! Kristu utshidi munkatshi muenu anyi? Panudi kanuyi bamone nanku, nukadi bamuvile.

Agayi 1:7

Meme Maweja-Nangila wa bukole buonsu, ndi nnuambila tshiakabidi ne: Dikonkayi pa malu adi manuenzekele.

Luke 15:17

Kutuadijaye kuela meji, kudiambila ne: “Bena mudimu ba tatuanyi badi ne biakudia bipite bungi, kabayi mua kubidia, kubijikija. Meme apa nkadi mfua ne nzala!

Ngalate 6:4

Muntu yonsu akonkonone nsombelu wende. Pikala nsombelu wende muimpe, asanke bua bivuaye muenze, kayi udifuanyikija ne bakuabu.

Ekesode 9:21

Kadi balombodi bakuabu kabavua bangata miaku ya Maweja-Nangila ne mushinga. Bavua bashiya bena mudimu babu ne bimuna biabu mu mpata.

Danyele 10:12

Kuambaye kabidi ne: ‘Daniyele, kutshinyi nansha! Kubangila ku dituku diuvua mudipuekeshe ku mesu a Mvidi Mukulu, muikale ne muoyi wa kujingulula malu avua enzeka aa, Mvidi Mukulu mmumvue ditendelela diebe. Ke pandi mufike bua kukutuadila diandamuna.

Danyele 6:14

Pashishe bantu abu kuambila mukalenga munene ne: — Mukalenga, Daniyele, umue wa mu bapika ba mu ditunga dia Yuda, kena ukunemeka nansha wewe, nansha mukenji uudi muele. Udi utendelela Mvidi Mukulu wende misangu isatu ku dituku.

Yezekiyele 40:4

Kungambilaye ne: — Yezekiyele, tabala, uditelejile ne matshi ebe. Wikale ne ntema ku bionsu bindi nkuleja. Bualu bavua bakufila kuneku bua wewe kumona bionsu bindi nkuleja. Pashishe newambile bena Izrayele malu onsu audi mumone.

Yezekiyele 18:28

Neashale ne muoyi, bualu mmumone nuwuaye wenza bibi, mudilengeje. Nanku kakufua to.

Misambu 48:13

Nyungulukayi mukuna wa Siyone! Nubale tuleya tua mu tshimenga!

Ekesode 7:23

Mukalenga wa bena Ejipitu kubela nyima, upingana kuende. Kulengululaye bualu abu.

Agayi 1:4

Panudi nuenu basombe mu nzubu yenu milengeja bimpe, wanyi meme munyanguke, nudi nuenza bimpe anyi?

Agayi 1:6

Nuenu kukuna bintu bia bungi, kunowa bikese. Nudi nudia, kadi kanuena mua kuukuta. Nudi nunua maluvu, kadi nyota yenu kayena ijika. Nudi nuvuala bilamba, kadi numvua anu mashika. Muena mudimu udi upeta difutu, kadi didi dijika lukasa, bu mudi bintu bimata mu tshibombi tshitubuke!