Agayi 1:11 - MUKANDA WA MYIDI MUKULU

¹¹ Meme kunutumina minanga mu ditunga: pa mikuna, mu madimi a ntete ya kuenza bukula, a mionji ya nwinyo, a mitshi ya olive, ne mu madimi a bikunyibua bikuabu bionsu. Bantu ne nyama kukenga ku minanga ayi. Nanku, nuvua bakuate mudimu amu tshianana.”

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Nakabikila munanga bua kulua mu buloba, ne ha mikuna ne ha maminu ne ha nvinyo ne ha manyi, ne ha bintu bionso bidi buloba bulua nʼabi; ne kudi bantu ne nyama, ne ku midimu yonso ya ku bianza biabo.

Agayi 1:11 Referans Kwoze

Agayi 2:17

Meme kunyanga biakudia bionsu bia mu madimi enu: meme kukumisha, kubibolesha, kubinyangakaja ne mabue a mvula. Kadi kanuena bapingane kundi meme Maweja-Nangila to.

Dielulula 28:22

Nenunyane, nupeta mubidi luya ne biuja. Biakudia bienu nebiume ne munanga; nansha nebibole. Neanukengeshe nenku too ne panuabutuka bonsu.

2 Bakalenga 8:1

Dituku dikuabu, muambi Elisha kuambila mukaji, muena muana uvuaye mubishe ku lufu, ne: — Umuka munemu ne bena nzubu webe, nuye kusomba muaba unudi basue. Bualu Maweja-Nangila mmusue kutuma tshiyole tshia nzala mu ditunga dia bena Izrayele. Tshiyole atshi, tshikadi tshituadija anu mpindiewu. Netshinenge bidimu muanda mutekete.

1 Bakalenga 17:1

Muambi Eliya uvua mu musoku wa Tishebe, mu ditunga dia Ngilaade. Kuambilaye mukalenga Akabe ne: — Bu mudi Maweja-Nangila ne muoyi, Mvidi Mukulu wa bena Izrayele undi ngenzela mudimu, ndi ngamba ne: “Bidimu bidi kumpala ebi, lumuma kaluena mua kumata kabidi, mvula kena mua kuloka, amu meme mumulombe.”

Amosa 9:6

Mvidi Mukulu mmuibake nzubu yende mu diulu, mmubuikile buloba ne tshibuashibuashi. Mmubikile mayi, apatuke mu mayi manene, bua aatangalaje pa buloba. Dina diende ke Maweja-Nangila.

Amosa 7:4

Ke Maweja-Nangila Mvidi Mukulu kundeja bualu bukuabu: kubikilaye kapia kakole bua kanyoke bantu. Kapia kukamisha mayi onsu, nansha a muinshi mua buloba. Kakavua kashidisha ditunga dia bena Izrayele.

Amosa 5:8

Uvua muenze mitotu, tshidimina nzaji, mbua-nyama-ne-muntu. Udi ukudimuna midima, uyenza butoke bua mu dinda. Udi wandamuna munya, uwenza butuku. Udi ubikila mayi a mu mayi manene, wapuekesha pa buloba, ulokesha mvula. Dina diende Maweja-Nangila.

Muadi 1:21

Bantu kumvua mikemu yanyi. Kakuena nansha umue udi unsamba. Baluishi banyi bonsu mbamane kumvua lumu lua dikenga dianyi. Badi ne disanka bua paudi unkengesha. Dituku diuvua muambe difike, bua bapete pabu dikenga bu dianyi!

Yobe 34:29

Kadi padi Mvidi Mukulu kayi unyoka muntu, udi mua kumupisha nnganyi? Yeye musue kusokoma, udi mua kumumona nnganyi?

Yirmeya 14:2

Bena Yuda bonsu badi babungama, bimenga biabu bidi binyanguke. Badi mu bimenga badi basomba panshi kabayi ne disanka. Yerushalayime udi udila muadi, ulomba bua bamuambuluishe.

Malaki 3:9

Nuenu tshisamba tshijima, nudi bena diakabi, bualu nudi nunshima.

Malaki 3:11

Nenkandike bishi bua kabinyangi bia pa madimi, kabipangishi mionji yenu ya nwinyo bua kukuamayi. Meme Maweja-Nangila wa bukole buonsu ndi nnulaya nanku.

Agayi 2:19

Mu mayeba enu kanutshiena ntete ya kuenza bukula to. Mionji yenu ya nwinyo, mitshi ya mfiku, mitshi ya ngrenade, mitshi ya olive, kabivua bikuama to. Kadi biangatshile dituku dia lelu, nennusankishe. Mitshi yenu neakuame.