Abakuke 3:4 - MUKANDA WA MYIDI MUKULU

⁴ Udi upatuka, ukenka, ubalakana bu diba, tshianza tshiende tshidi tshiela nsese, ke muaba udi bukole buende.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Kubalakana kuandi kuakadi bu kukenka kua munya, nsasa ya munya yakahatuka mu tshianza tshiandi; munkatshi muai muakadi bukole buandi busokome.

Abakuke 3:4 Referans Kwoze

Matayi 17:2

Yezu kuandamuka mpala, balongi bende bamone. Mpala wende kukenka bu diba. Bilamba biende kutoka too.

Yobe 26:14

Ebi bidi amu midimu mikese ya Mvidi Mukulu itudi tutela, bualu ku bionsu bidiye muenze, bitudi bamanye mbikese. Udi mua kujingulula bunene buende nnganyi?

Ekesode 14:20

Nanku divuba divua dimane pankatshi pa mitanda ya bena Izrayele ne mitanda ya bena Ejipitu, ditokeshila bena Izrayele, difila midima kudi bena Ejipitu. Nanku butuku bujima baluishi kabavua mua kupetangana.

Didimanyisha 22:5

Butuku kabuakuikala kabidi to. Kabakukengela munya, nansha muendu. Bualu Maweja-Nangila Mvidi Mukulu neabakenkeshile butoke buende. Nebadie bumfumu kashidi.

1 Timote 6:16

Yeye nkayende kena ufua. Udi musombe mu butoke budi muntu kayi mua kusemena pabuipi. Muntu nansha umue ki mmuanji kumumona, kena kabidi mua kumumona. Lumu ne bukole bidi kudiye kashidi. Amene.

Nsumuinu 18:10

Maweja-Nangila udi bu nzubu udibu bakolesha ne bimana. Muntu muakane udi unyemena kudiye, udi upanduka.

Misambu 104:2

Udi muvuale butoke bu tshinkutu, udi muadije diulu bu ntenta.

Nehemya 9:12

Uvua mulombole bantu bebe, mu munya ne divuba dia muinshi, butuku ne dikunji dia kapia, divua ditokesha njila yabu.

Ekesode 13:21

Mu munya, Mvidi Mukulu uvua mu divuba kumpala kua bena Izrayele bua kubaleja njila. Kadi butuku uvua mu tshimunyi tshia kapia bua kutokeshila bena Izrayele njila. Ke muvuabu mua kuenda butuku ne munya.

Didimanyisha 21:23

Tshimenga katshiena tshikengela butoke bua diba, nansha bua ngondu, bualu butumbi bua Mvidi Mukulu budi butshitokesha; kabidi Muana wa mukoku ke muendu watshi.

Misambu 18:12

Kudibuikilaye ne midima mikole, mavuba makuatakane ne mayi kumujingila.

Yezekiyele 1:27

Meme kumona mubidi wende ukenka bu tshiamu tshiengelela, munyungulula kudi kapia. Kulu ne kuinshi kua tshimonu tshiende, kuvua kapia kavua katema bikole.

Yezekiyele 43:2

Diba adi meme kumona butumbi bua Mvidi Mukulu wa Izrayele bufume ku luseke ludi diba dipatukila. Diyi dia Mvidi Mukulu dikole, bu mutoyi wa mayi manene, divua dienda kumpala kuabu. Butumbi abu buvua butokesha kabidi buloba ne nkenka yabu.