Abakuke 2:8 - MUKANDA WA MYIDI MUKULU

⁸ Nuvua bibe bintu mu matunga mavule. Nanku bisamba bikuabu bionsu bia pa buloba nebibe bienu. Nebanunyoke, bualu nuvua bele mashi a bantu panshi, nuvua banyangakaje bimenga ne matunga.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Bualu bua wewe wakuhaula bintu bia bisamba bia bungi, difuka dia bantu badi bashala nebahaule bintu biebe, bualu bua kumatshisha kuebe kua mashi a bantu, ne tshimbambila tshiebe kudi buloba ne misoko yabo, ne kudi bantu bonso badi bashikamemu.

Abakuke 2:8 Referans Kwoze

Yeshaya 33:1

Wewe munyangi wa bintu bionsu, udi muena diakabi, bualu kabavua bakunyange wewe nenku to. Udi welela bakuabu tshitungu, padibu kabayi bakuelela wewe tshitungu! Pawamana kulekela kubutula bakuabu, nebakubutule ne wewe kabidi. Pawamana kutungila bakuabu tshitungu, nebakutungile ne wewe kabidi.

Abakuke 2:17

Nebanutape, munuvua penu batape mitshi ya mu metu a mu Lebanone. Nuvua bashipe nyama ya mu metu awu. Nanku nyama neyinukuatshishe bowa. Bionsu abi nebinuenzekele, bua mashi a bantu anuvua bele panshi, bua tshinyangu tshinuvua banyange bimenga ne matunga abu natshi.

Yirmeya 27:7

Matunga onsu neikale ku bumfumu buende, ku bumfumu bua muanende, ne bua muikuluende. Kadi tshikondu netshifike tshidi baluishi bakuata ditunga diende. Nedishale ku bumfumu bua matunga adi madipite ku bukole. Mukalenga wadi neikale ku diyi dia bakalenga badi bamupita bukole.

Didimanyisha 6:10

Kuelabu diyi dikole ne: “Mfumu wa Tshijila, udi ukumbaja biudi mulaye, nealumbuluishe ba pa buloba diba kaayi? Utshidi amu windila, kuyi unyoka bavua batushipe anyi?”

Zekâya 14:12

Kadi bantu bonsu bavua baye kuluisha Yerushalayime, bipupu biabatumina Maweja-Nangila bidi nenku: minyinyi yabu yapambidi neyibole, bobu batshikale ne muoyi; mesu abu neabolele mu bindokundoku biawu, ludimi luabu nelubolele mukana muabu.

Zekâya 1:15

Kadi bisamba bidi bisomba talalaa, biditemba, ndi mbifikile munda bikole. Bualu pamvua tshiyi muanji kufikila bena Izrayele munda bikole, biobi bivua bibabutula bibi.

Abakuke 2:10

Tshinyangu tshienu katshiena ne tshipeta; netshifuishe bena meku enu amu bundu. Panudi babutule bisamba bivule bia bantu, nudi badibutule anu nuenu nkayenu.

Yirmeya 51:48

Mu diulu ne pa buloba nebele amu mbila ya disanka, padi baluishi bafuma ku mutu kua ditunga bua kuya kubutula Babilone.” Ke Maweja-Nangila udi wamba awu.

Yirmeya 51:44

Maweja-Nangila udi wamba ne: “Nennyoke Baale, mvidie wa bena Babilone. Nemmulukishe bintu bionsu bivuaye mumine. Bisamba bia bantu kabiena bifika kabidi kudiye bua kumulambula. Bimana bia tshimenga tshia Babilone nebiupuke panshi.

Yirmeya 51:24

Kadi Maweja-Nangila udi wamba ne: Mpindiewu nenumone mundi mpingajila bena Babilone malu mabi onsu avuabu benzela Siyone.

Yirmeya 51:13

Wewe Babilone, udi muase ku muelelu wa musulu munene. Wewe udi ne biuma bivule, kuebe nkujika, wabutuku.

Yirmeya 51:8

Kadi dikopu edi kubafuka ku bianza, kudituuta panshi, kupandika tupese tupese. — Eyi, ashilayi Babilone muadi, numukebele buanga bua kumuondapa, ne udi mua kusanguluka!

Yirmeya 50:37

Bashipe nyama yabu ya tubalu, ne matempu abu a mvita. Bashipe bena mvita ba mu bisamba bikuabu bavua baluila bena Babilone mvita. Luzakalu ndubakuate! Bakaji nyangayi biuma biabu! Bipawulayi!

Yirmeya 50:28

Bantu bavua bapanduke mu mvita, bavua banyema mu ditunga dia Babilone, ke badi bafika mu Siyone, bela mbila ne: Maweja-Nangila Mvidi Mukulu wetu mmudisombuele. Mmunyoke bena Babilone bua nzubu wende wa tshijila uvuabu banyange.

Yirmeya 30:16

Kadi bonsu badi bakudia, nebabadie bobu kabidi. Bonsu badi bakupetula, nebaye bobu kabidi mu bupika. Bonsu badi bakunyenga bintu, nembanyenge bobu kabidi bintu. Badi bapawula bintu biebe, nebapawule bintu biabu kabidi.

Yeshaya 47:6

Mvua mufikile bantu banyi munda. Nenku meme kubadiwula. Meme kubafila mu bianza biebe. Kadi kuvua ne luse nansha lukese. Bakulakaje mene, uvua mubakengeshe bikole.

Yeshaya 33:4

Diba adi, netupawule bintu, mudi mpasu imata panshi, idia bisosa. Tudi tudiela pa bia baluishi betu, mudi mikumbi ikila pa bia mu madimi.

Misambu 137:8

Wewe Babilone wabutuki ewu, bantu bakupingajile bibi biudi mutuenzele, nebikale ne disanka!

Yirmeya 50:14

Nuenu bonsu bedi ba mikete, nufike, nuele mualu wa mvita. Nunyungulule tshimenga tshia Babilone, nutshiase mikete yenu, nutshiase anu kutshiasa, kanuyi nubala bungi bua mikete yenu. Bualu ke tshimenga tshivua tshitombokela Maweja-Nangila.

Yezekiyele 28:16

Utua musumbe bintu bitule, ubisumbisha. Ke tshitua tshikufikisha ku tshinyangu ne ku buenzavi. Ke pandi nkuipata pa mukuna wanyi, nkupingaja muaba wa bantu bakuabu bonsu. Mukerubine utua mukulame, wakuipatshi mutantshi mule ne mabue atua akenka.

Yezekiyele 39:10

Bantu kabakuya kukeba nkunyi mu mpata, nansha kabakukosa mitshi muitu to. Nebatemeshe kapia ne nkunyi ya mu bia mvita ebi. Nebibe pabu, nebanyangakaje bintu bia bantu bavua bibe biabu. Meme Maweja-Nangila Mvidi Mukulu ndi njadika nanku.

Amosa 3:10

Maweja-Nangila udi wamba ne: “Bena Samariya kabena bamanye kuenza bualu buimpe nansha bumue. Badi bunguija mu nzubu yabu ya bukalenga, biuma bipeta mu buivi ne dishipangana.”

Obadya 1:15

Bualu dituku, dindi meme Maweja-Nangila ndumbuluisha bantu bonsu, dikadi pa buipi. Nanku nebanuenzele bionsu binuvua benzele bantu bakuabu. Bubi buenu nebunupinganyine.

Nsumuinu 22:23

Bualu Maweja-Nangila neabakuile; kabidi neashipe badi babanyenga bintu.