3 Yone 1:9 - MUKANDA WA MYIDI MUKULU

⁹ Nkadi mufundile Tshisumbu tshia bena ditaba miaku mikese. Kadi Diyotrefeze, udi musue kuikala mfumuabu, udi ulengulula bindi ngamba.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Nakufundila ekelesia malu makuabo, kadi Diotelefe udi musue kuikala ku mpala munkatshi muabo, kena utuitabusha.

3 Yone 1:9 Referans Kwoze

Luke 9:48

ubambila ne: — Muntu udi wakidila muana ewu mu dina dianyi, mmungakidile meme mene. Udi ungakidila meme, udi wakidila kabidi uvua muntume. Bualu udi mushadile kunudi nuenu bonsu, ke udi mupite bonsu mene.

Marke 9:34

Kadi bobu kupuwa. Bualu pasuabu mu njila, bavua belangana mpata munkatshi muabu bua kumanya ne: wa kutudi udi mupite bakuabu nnganyi?

3 Yone 1:8

Nunku tuetu, bena ditaba, tudi ne bua kuambuluisha bantu ba mushindu ewu, bua tudisange nabu mu mudimu wabu wa kumanyisha bantu bulelela.

Rome 12:10

Nanganganayi, mudi bana ba muntu umue banangangana. Nunemekangane ne disuminyina.

Marke 9:37

— Muntu udi wakidila umue wa ku bana bakese aba mu dina dianyi, udi ungakidila meme. Muntu udi ungakidila, kena ungakidila amu meme, udi wakidila kabidi uvua muntume.

Matayi 7:8

Bualu muntu yonsu udi ulomba, udi upeta. Udi ukeba, udi usangana. Udi ukokola, badi bamunzuluile tshiibi.

Kolose 1:18

Tshisumbu tshia bena ditaba tshidi mubidi, Yeye udi mutu watshi. Kudiye ke kudi muoyi mupiamupia wa mubidi awu utuadija. Bualu Yeye ke Muanabute, wa kumpala muabu babishe ku bafue, bua kuikalaye wa kumpala mu bionsu.

2 Yone 1:9

Muntu yonsu udi kayi witaba ne dinanukila bidi Kristu ulongesha, kadi uya kua tshianana, kena ne Mvidi Mukulu to. Muntu udi witaba amu bidi Kristu ulongesha, udi ne Tatu, kabidi ne Muana.