3 Yone 1:8 - MUKANDA WA MYIDI MUKULU

⁸ Nunku tuetu, bena ditaba, tudi ne bua kuambuluisha bantu ba mushindu ewu, bua tudisange nabu mu mudimu wabu wa kumanyisha bantu bulelela.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Nunku butudi nʼabu mbua kusankidila bantu ba nunku, bua tuetu tulue benji nʼabo ba mudimu mu bualu bua bushua.

3 Yone 1:8 Referans Kwoze

3 Yone 1:10

Nanku pandi mfika, ne mmanyishe patoke malu mabi onsu adiye wenza, miaku mibi idiye untamba, ne malu adiye utushiminyina. Ku bilema ebi udi usakidila kabidi tshikuabu: kena wakidila bena ditaba badi batutantshila. Udi ukandika kabidi badi basue kubakidila, ukeba kubipata mu Tshisumbu tshia bena ditaba.

Filemone 1:24

Marke, Aristarke, Demase ne Luke, badi bakuata nanyi mudimu, badi banuela kabidi muoyi.

Filemone 1:2

pamue ne Tshisumbu tshia bena ditaba badi basangile mu nzubu muebe, kabidi ne muanetu wa bakaji Apiya, ne Arshipe, utudi nende mu mvita, tudi tunujingila bonsu ne:

1 Tesalonike 3:2

Tuvua banutumine Timote. Yeye ke muanetu utudi tukuatshila nende Mvidi Mukulu mudimu wa kumanyisha bantu Lumu lua Disanka lua Kristu. Tuvua banutumineye bua anukankamike, anukoleshe ku muoyi mu ditaba dienu.

Kolose 4:11

Yezu, udi dina dikuabu Yustuse, udi kabidi unuela muoyi. Ku bena Yuda amu bantu basatu aba, ke bavua bitabe Kristu. Tudi tukuata nabu mudimu wa kutantshisha Bukalenga bua Mvidi Mukulu. Bavua bakamba bikole be.

Filipe 4:3

Wewe kabidi, Sizikuse, muena mudimu nanyi wa diyi dimue, ndi nkulomba ne: ubambuluishe. Bualu bobu bavua bangambuluisha bikole bua kutangalaja Lumu lua Disanka, pamue ne Kleman, kabidi ne bena mudimu nanyi bakuabu bonsu. Mena abu adi mu mukanda wa muoyi.

2 Korente 8:23

Tite ke utudi tuendakana nende, tukuata kabidi nende mudimu bua kunuambuluisha. Bana hetu bakuabu badi bamufila ku luendu badi bamienampala ba Bisumbu bia bena ditaba. Badi bakuata mudimu amu bua lumu lua Kristu.

2 Korente 6:1

Nenku tuetu badi bakuatshi ba mudimu pamue ne Mvidi Mukulu, tudi tunubela bua dinanga divua Mvidi Mukulu mutuleje dipatule tshipeta.

Luke 11:7

Kadi mukuabu awu mu nzubu kumuandamuna ne: “Umfuile luse! Kumbelu nkukanga. Bana banyi ne meme tukadi bamane kulala. Tshiena ne mushindu wa kujuka, kukupesha mampa to.”

Matayi 10:40

— Muntu udi unuakidila, udi ungakidila meme. Udi ungakidila, udi wakidila ewu udi muntume.

Matayi 10:14

Mu nzubu yonsu, nansha mu tshimenga, muikalabu babenga kunuakidila, nansha kunuteleja, nupatukemu. Kadi nututule lupuishi lua ku makasa enu.

3 Yone 1:7

Bualu badi benza luendu lua kukuatshila Kristu mudimu, babenga diambuluisha dia bantu badi kabayi bena ditaba.

3 Yone 1:9

Nkadi mufundile Tshisumbu tshia bena ditaba miaku mikese. Kadi Diyotrefeze, udi musue kuikala mfumuabu, udi ulengulula bindi ngamba.

Misambu 94:16

Udi mua kunsungidila kudi bantu babi nnganyi? Udi mua kungakuila kudi benji ba malu mabi nnganyi?