2 Timote 3:12 - MUKANDA WA MYIDI MUKULU

¹² Bantu bonsu badi basue kuitaba Mvidi Mukulu ne muoyi umue, kudisanga ne Yezu Kristu, nebabakengeshe.

Mukanda wa Nzambi Dihungila Dikulukulu ne Dihungila Dihia-dihia 2003

¹² Ne bantu bonso badi basue kuikala bena kanemu mu Kilisto Yesu nebakengeshibue.

2 Timote 3:12 Referans Kwoze

1 Petro 3:14

Nudi amu bena diakalenga, nansha banukengesha bua malu mimpe anudi nuenza. Kanutshinyi bantu. Kanupampakanyi.

Bienzedi 14:22

Bavua bakolesha balongi ku muoyi, bua bananukile mu ditaba, babambila ne: — Tudinebua kumvua makenga mavule, bua tuetu kubuela mu Bukalenga bua Mvidi Mukulu.

Matayi 16:24

Pashishe Yezu kuambila balongi bende ne: — Pikala muntu musue kuenda nanyi mu njila, anji kudibenga, ambula wende mutshi mutshiamakane, andonde.

Yowanane 16:2

Nebanuipate mu nzubu ya kutendelela ya bena Yuda. Kabidi tshikondu netshifike tshikata bantu badi banushipa bela meji ne: tudi tukuatshila Mvidi Mukulu mudimu.

Yowanane 16:33

Mvua munuambile bionsu ebi bua nuikale ne ditalala, badisange nanyi. Nenukenge pa buloba. Kadi nukoleshe muoyi! Nkadi mumane kutshimuna ba pa buloba!

Marke 10:30

neapete misangu lukama mu matuku atudi aa, nzubu, bana babu ba balume, bana babu ba bakaji, bamamuende, bana ne madimi, kabidi ne makenga; pashishe mu matuku adi alonda neapete muoyi wa tshiendelele.

Tite 2:12

Dinanga edi didi ditulongesha mua kuela nyima ku malu mabi, ne ku nkuka ya pa buloba, bua tuikale bena meji, tuenze bidi Mvidi Mukulu musue, tumuitabe.

2 Petro 3:11

Bu mudi bionsu ne bua kubutuka nanku, nudi bumvue munudi ne bua kusomba panu. Nudi ne bua kuikala bantu ba tshijila, badi benza bidi Mvidi Mukulu musue.

1 Korente 15:19

Patudi tutekemena Kristu amu bua matuku atudi tusomba panu, diakabi dietu ndipite dia bantu bakuabu bonsu.

Didimanyisha 12:4

Kukombaye tshia bisatu tshia mitotu ya mu diulu ne mukila wende, uyimansha pa buloba. Uvua muimane kumpala kua mukaji ukavua pa kulela, bua kuminaye muana diakamue diba diapatukaye munda.

Didimanyisha 7:14

Meme kumuandamuna ne: — Mfumu wanyi, tshiena mumanye. Amu wewe ke udi mua kumanya. Ke kungambilaye ne: — mBantu bavuabu bakengeshe bikole, kadi kabayi bateketa. Bavua basukule mintumpu yabu, bayitokeshe mu mashi a Muana wa mukoku.

Tite 1:1

Meme Polu, muena mudimu wa Mvidi Mukulu, ne mupostolu wa Yezu Kristu, ndi mfunda mukanda ewu. Bavua bangimikile mudimu wa kufikisha ku ditaba bantu bavua Mvidi Mukulu musungule, ne wa kubamanyisha mudibu mua kunemeka Mvidi Mukulu mu bulelela bilondeshile ditaba diabu.

1 Timote 6:3

Padi muntu ulongesha malu adi kaayi umvuangana ne miaku milelela ya Mfumu wetu Yezu Kristu, nansha ne ditaba dietu,

1 Timote 3:16

Eyowa, muntu nansha umue kena mua kuela mpata ku bualu bunene busokome bua ditaba dietu! Uvua mudileje panu mu butekete bua muntu. Mueyelu wa Tshijila kumubingisha. Batumibue ba Mvidi Mukulu kumumona. Bantu kulongesha bualu buende mu bisamba bikuabu. Kumuitababu pa buloba. Kumuambulabu mu diulu.

1 Timote 2:2

Nudi ne bua kutendelela Mvidi Mukulu bua bakalenga ba matunga ne bua bamfumu bonsu, bua tumone mua kusomba talalaa mu bupole, kunemeka Mvidi Mukulu tshishiki, kuenza amu malu mimpe.

2 Korente 1:12

Tudi mua kuditemba, bualu kondu ken ka munda kadi kanjadikila ne: ndi bende panu, nangananga munkatshi muenu, ne muoyi wa didipuekesha, kanyi ndinga bann, balonde bidi Mvidi Mukulu wenza. Nanku tshivua tshindudika ki mmeji a bann nansha, kadi amu dinanga didi Mvidi Mukulu utunanga nadi.

Yowanane 17:14

Mvua mubapeshe diyi diebe. Ba pa buloba bavua babakina, bualu kabena ba pa buloba, bu mundi meme tshiyi wa pa buloba.

Matayi 23:34

Nanku telejayi: nennutumine bambi, bena meji, ne balongeshi ba bushuwa ba mikenji. Nenushipe bamue. Nenupopele bakuabu ba mitshi mitshiamakane. Nenutute banga mikaba mu nzubu yenu ya kutendelela. Nenubalondakaje ku tshimenga ne ku tshimenga.

Yoshua 17:14

Ndelanganyi ya Yozefe kukonka Yoshuwa ne: — Maweja-Nangila mmumane kutuela lupemba bua tuvulangane. Kadi udi utuabanyina tshitupa tshia ditunga amu tshimue bua tshinyi?

2 Korente 4:9

Badi banduisha, kadi Mvidi Mukulu kena utulekela nansha. Badi batuela panshi, kadi tudi tulandapuka.