2 Samuele 9:10 - MUKANDA WA MYIDI MUKULU

¹⁰ Wewe Siba, bana bebe ne bena mudimu bebe, nudimine Mefibaale madimi, bua kupetaye biakudia. Kadi netuikale tudia ne Mefibaale ku mesa anyi matuku onsu. Siba uvua ne bana ba balume dikumi ne batanu. Uvua ne bena mudimu makumi abidi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Wewe ne bana bebe balume ne bena mudimu bebe bonso nenumudimine budimi buandi; bûdi nʼabu mbua kulua ne bintu biudi uhuola, bua muana wa mukelenge webe ikale ne bia kudia; kadi Mefibosheta, muana wa mukelenge webe, neadie bidia ku mesa anyi tshiendelele. Siba wakadi ne bana ba balume dikumi ne batanu ne bahika makumi abidi.

2 Samuele 9:10 Referans Kwoze

2 Samuele 9:7

Davide kumuambila ne: — Kutshinyi to. Ndi nkuenzela bimpe mu dina dia tatuebe Yonatane. Ndi kupingajila maloba onsu avua a kakuebe Shawule. Newikale udia nanyi ku mesa matuku onsu.

2 Samuele 19:28

Kadi malu onsu adi muena mudimu wanyi mukuambile, mmunshiminyine. Nanku, mukalenga, wewe udi bu mutumibue wa Mvidi Mukulu, udi mua kuenza muudi musue.

Luke 14:15

Yezu mumane kuakula nanku, umue wa ku bantu bavua nende ku mesa kumuambila ne: — Muntu waya kudia mu Bukalenga bua Mvidi Mukulu mmuena diakalenga!

2 Bakalenga 25:29

Kukandikabu Yowakine bua kavuadi kabidi bilamba bia bena lukanu to. Nanku, Yowakine kutuadija kudia ku mesa ne mukalenga wa bena Babilone.

2 Samuele 16:3

Mukalenga Davide kumukonka kabidi ne: — Mefibaale, muikulu wa mfumuebe Shawule udi penyi? Siba kuandamuna ne: — Mmushale mu Yerushalayime. Bualu mmutekemene ne: mpindiewu bena Izrayele badi bamupingajila bukalenga bua kakuende Shawule.

2 Samuele 21:7

Mukalenga Davide kufuila Mefibaale, muana wa Yonatane, muikulu wa Shawule luse, bualu uvua mumane kutua ndondu wa bulunda ne Yonatane mu dina dia Maweja-Nangila.

1 Bakalenga 2:7

Uvuluke bana ba Barzilayi, wa mu ditunga dia Ngilaade. Bavua bangambuluisha dituku dimvua nnyema muanenu Absalome. Ubalame bimpe, bikale badia ku mesa ebe matuku onsu.

Yirmeya 52:34

Ke muvua Yoyakine upeta ku dituku dionsu bintu bionsu bivuaye nabi dikenga kudi mukalenga wa bena Babilone too ne ku lufu luende.

2 Samuele 19:18

Shimeyi uvua muye ne bena Binyamine tshinunu. Uvua muye kabidi ne Siba, muena mudimu wa mu nzubu mua Shawule, ne bana bende ba balume dikumi ne batanu, ne bena mudimu bende makumi abidi. Bantu aba bonsu kunyemena ku Yardene, bua kusambakena ne mukalenga Davide.