2 Samuele 12:2 - MUKANDA WA MYIDI MUKULU

² Mubanji uvua ne bimuna bia bungi, ngombe ne mikoku.

Mukanda wa Nzambi Dihungila Dikulukulu ne Dihungila Dihia-dihia 2003

² Muntu mubanji wakadi ne bisumbu bia mikoko ne bia ngombe bia bungi;

2 Samuele 12:2 Referans Kwoze

Yobe 1:3

Uvua ne mikoku binunu muanda mutekete, nyama ya tumelu binunu bisatu, nyama ya ngombe milume ne mikaji tshinunu, ya mpunde mikaji nkama itanu. Uvua kabidi ne bena mudimu bavule. Bantu bonsu bavua basombe ku luseke lua Palestine ludi diba dipatukila, amu yeye ke uvua mubapite ku bubanji ne ku biuma.

2 Samuele 15:16

Nanku, mukalenga Davide, bena nzubu wende, ne balombodi ba mu bukalenga buende, kumuka ku nzubu wa bukalenga ku makasa. Mukalenga Davide uvua mushiye anu bakaji bende bakuabu dikumi bua kulamabu nzubu wa bukalenga.

2 Samuele 12:8

Mvua mufile bena nzubu wa mfumuebe Shawule mu bianza biebe. Mvua mukupeshe bakaji ba mfumuebe Shawule. Meme kuteka bena Izrayele bonsu ne bena Yuda ku bumfumu buebe wewe. Bionsu abi kabivua bikumbana anyi? Meme ndi mua kukuenzela malu makuabu a bungi.

2 Samuele 12:1

Bualu buvua Davide muenze, buvua bufikisha Maweja-Nangila munda. Nanku Maweja-Nangila kutuma muambi Natane kudi Davide. Muambi Natane kufika ku nzubu kua Davide, umuambila ne: — Mu tshimenga tshikuabu, muvua bantu babidi, ewu mubanji, mukuabu mupela.

2 Samuele 12:3

Mupela uvua anu ne kana ka mukoku kamue, kavuaye musumbe. Uvua ukadishe, koku kenda kakola ku nzubu kua mupela awu pamue ne bana bende. Kana ka mukoku aku, kavua kadia ne mupela awu diampa dimue, kanua nende kabidi mabela dikopu dimue, kalala anu pabuipi ne mupela awu. Uvua mukengeleke anu bu muanende wa bakaji.