2 Samuele 11:2 - MUKANDA WA MYIDI MUKULU

² Dituku dikuabu dilolu, Davide mumane kuikisha, kujukaye bua kuololoka, wendakana ku musaka wa nzubu wende wa bukalenga. Kumonaye mukaji wowa mayi. Mukaji awu uvua muimpe mutambe.

Mukanda wa Nzambi Dihungila Dikulukulu ne Dihungila Dihia-dihia 2003

² Dilolo dikuabo hakabika Davidi ku bulalu buandi, yeye wakadi wendakana ku mutu kua nsubu wa mukelenge; hakadiye ku mutu kua nsubu, yeye wakatangila mukashi wowa mai; wakadi mukashi mulengele kumona.

2 Samuele 11:2 Referans Kwoze

Matayi 5:28

Kadi meme ndi nnuambila ne: muntu yonsu udi utangila mukaji wa bende, umualakana, mmumane kuenda nende tshiendenda mu muoyi wende.

Misambu 119:37

Lama mesu anyi kaatangidi bintu bia tshianana. Undombole panu bu muudi musue.

1 Yone 2:16

Bualu malu a panu ke majinga mabi a buntu buetu, lukuka lua bitudi tumona, kuditemba bua bitudi nabi. Malu onsu aa kaena afuma kudi Tatu, kadi kudi bukua panu.

Bienzedi 10:9

Butshia, patshivuabu mu njila, basemena pabuipi ne Yope, Petro kubanda ku tshibambalu tshia kulu kua nzubu, diba dia munda munya, bua kutendelela Mvidi Mukulu.

Nsumuinu 6:25

Kualakanyi buimpe bua mukaji wa bende. Mesu adiye ukulenguila, kaakulobeshi.

Yobe 31:1

Meme ne: tshiena mua kutangila nsongakaji, nansha kumualakana.

1 Petro 4:7

Nshikidilu wa bionsu ukadi pabuipi. Nusombe ne meji, batabale, bua numone mua kutendelela.

Nsumuinu 31:30

Bulenga bua mpala budi bushima, buimpe bua kuisu budi bujika. Amu mukaji udi witaba Maweja-Nangila ke utudi mua kutua makumbu.

Dielulula 22:8

Panudi nuasa nzubu mupiamupia, nuenze bimana binyungulule musaka wa nzubu awu. Bualu bu muntu mukuluke ku musaka mufue, nenupete tshilumbu.

Genese 3:6

Mukaji umona ne: mutshi uvua muimpe kumona, bimuma biawu bimpe bua kudia, bifuana kupa muntu lungenyi, kupolaye tshimuma, kudia. Tshikuabu kupeshaye bayende, awu pende kudia.

Matayi 10:27

Bualu bundi nnuambila mu midima, nubuambe patoke; bunudi numvua bamba mu musokoku, nubuambe, bantu bonsu bumvue.

Yirmeya 19:13

Nzubu ya mu Yerushalayime ne ya bakalenga ba mu Yuda neikale ne mikiya bu muaba ewu wa Tofete. Bualu kulu kua nzubu eyi bavua balambuilaku musenga wa kamonya, bua kutendelela tshituilu tshia mitotu, bavua balambuilamu mvidie ya bantu ba bisamba bikuabu milambu ya maluvu.”

Nsumuinu 19:15

Bufuba budi bubueja muntu mu dikenga. Udi ubika ne lulengu nealale ne nzala.

2 Samuele 4:7

Kuendabu butuku bujima, balonda njila wa mu tshibandabanda tshia Yardene.

Genese 34:2

Shekeme, muana wa Amore, mfumu wa bena Iti umona Diina, kumubuelelaye mu nzubu ku bukole.

Genese 6:2

Kadi, badi basombele mulu, kumonabu bana ba bakaji ba bantu babalengelela. Kusungulabu munkatshi muabu bakaji bavuabu basue kusela.

2 Samuele 4:5

Baana ne Rekabe, bana ba Rimone, muena mu musoku wa Beyerote, kuya kua Ishebaale. Kufikabu kumbelu munda munya. Kusanganabu Ishebaale mulale bua kuikisha.

1 Samuele 9:25

Pashishe kumukabu muaba wa tshijila, kupueka mu tshimenga. Samuwele kuyukila ne Shawule ku musaka wa nzubu.

Genese 39:6

Potifare uvua ne mudimu amu wa kudia. Uvua ulombola bintu biende bionsu uvua amu Yozefe. Yozefe uvua nsongalume wa mpala muimpe mutambe, mumanye mua kusomba ne bantu.

Matayi 24:17

Wikala ku musonga wa nzubu, katuluki bua kuangata bidi mu nzubu.

Genese 12:11

Pawaye ubuela mu ditunga dia Ejipitu, Abrame kuambila mukajende Sarayi ne: — Wewe udi ne mpala muimpe.

Dielulula 5:21

“Kanualakanyi tshintu tshia mukuenu: nansha mukajende, nzubu wende, ngombe wende, madimi ende, mupika wende mulume nansha mukaji, mpunde wende, nansha tshintu tshionsu tshia mu lubanza luende.”

2 Samuele 13:1

Malu makuabu avua menzeka pashishe. Absalome, muana wa Davide, uvua ne muanabu wa bakaji muimpe mutambe, dina diende Tamare. Amnone, muana mukuabu wa Davide, kunanga Tamare bikole.

2 Samuele 14:27

Absalome uvua ne bana ba balume basatu, ne muana wa bakaji umue. Dina dia muana wa bakaji awu divua Tamare. Tamare uvua muimpe mutambe.

Nsumuinu 7:8

Uvua upitshila mu musesu pabuipi ne muaba uvua munga mukaji usomba. Kuyaye mutangile ku nzubu wa mukaji awu.