2 Bakalenga 8:12 - MUKANDA WA MYIDI MUKULU

¹² Azayele kumukonka ne: — Muambi udi udila bua tshinyi? Muambi Elisha kuandamuna ne: — Ndi ndila bualu nkadi mumanye ne: neukengeshe bena Izrayele bikole. Newoshe bimenga biabu bidi bibaka ne bimana bikole. Neukose nsongalume yonsu muminu, uzaza bana bakese, upanda mafu a bakaji badi bimite.

Mukanda wa Nzambi Dihungila Dikulukulu ne Dihungila Dihia-dihia 2003

¹² Hazaele wakamuebesha ne, Mukelenge wanyi, udi udidila tshinyi? Yeye wakamuambila ne. Bualu bua ndi mumanye malu mabi audi muenzele Bena Isalele; wewe newoshe misoko yabo idi ne ngumbu ne kahia, wewe neushihe bansongalume babo ku miele ya nvita, wewe neukosolole bana babo bakese bituha bituha, neuhande bakashi babo badi ne mafu.

2 Bakalenga 8:12 Referans Kwoze

Nahume 3:10

Nansha bikale nanku, baluishi kukuata tshimenga, kuya ne benatshi mu bupika. Kushipelabu ne bana mene, ku mielelu ya misesu yonsu. Kusuikabu bamfumu bonsu nkanu. Bavua batshimuna, kuabanyanganabu bakulu ba tshimenga, bangata ewu bende ewu bende.

2 Bakalenga 15:16

Pashishe, Menaheme kuluisha tshimenga tshia Tapuwa, kushipa bena tshimenga atshi, kunyangakaja ditunga, biangatshile ku tshimenga tshia Tirsa too ne ku tshimenga tshia Tapuwa. Uvua uluisha tshimenga atshi, bualu kabavua bamunzuluile biibi to. Nanku, kupandaye bakaji bonsu bavua bimite mafu munda.

2 Bakalenga 13:3

Nanku, Maweja-Nangila kufikila bena Izrayele munda. Kubafilaye mu bianza bia Azayele, mukalenga wa bena Siriya, ne mu bianza bia Benadade, muana wa Azayele, matuku onsu avua bantu abu mu bukalenga.

2 Bakalenga 12:17

Makuta avua bantu bakuabu bafila bua mulambu wa kukobolola, kabavua baela mu mushete to. Bavua baangata kudi batuangaji.

Amosa 1:13

Teleja tshidi Maweja-Nangila wamba ne: “Ndi ndumbuluisha bena Amone, mbapisha bua malu mabi mavule, kadi nangananga, bualu mu mvita ivuabu baluangana mu ditunga dia Ngilaade, bua kutentamuna mikalu ya buloba buabu, bakapanda mafu a bakaji bavua nawu. Nanku tshiena mua kubafuila luse nansha! Nenkumbaje bindi mujadike ne:

Yeshaya 13:16

Nebazaze bana babu, bobu batangile. Nebapawule bintu biabu, nebabuelele bakaji babu mu nzubu ku bukole.

2 Bakalenga 13:7

Ku ndekelu, bena mvita ba mukalenga Yowakaze bavua babande pa nyama ya tubalu, bavua bashale anu makumi atanu, matempu a mvita anu dikumi. Bena mvita bavua benda ku makasa bavua bashale anu binunu dikumi. Bualu mukalenga wa bena Siriya uvua mushipe bena mvita ba mukalenga Yowakaze bapite bungi. Uvua mubabutule bonsu, bu mudibu badiata lupuishi mu njila.

Osheya 10:14

Nanku, diyoyi dia mvita, nediumvuike munkatshi muenu. Bimenga bienu bionsu, bivuabu bakoleshe ne bimana, nebabiupule, anu muvua mukalenga Shalmane mupule Bete-Arbele, muzaze bamamu musangu umue ne bana bavuabu balele.

Yeshaya 13:18

Nebase bansongalume mikete. Kabena bafuila bana ba ku dibele, nansha bana batekete bakuabu, luse to.”

2 Bakalenga 4:28

Mutantshi mukese, mukaji kuela diyi ne: — Meme mvua mukulombe muana wa balume anyi? Nansha! Meme mvua mukuambile ne: “Kuena mua kundaya bualu bua dishima!”

1 Bakalenga 18:13

Mukalenga wanyi Eliya, kabena bakuambila tshimvua muenze pavua mukalenga mukaji Yezabele ushipesha bambi ba Maweja-Nangila anyi? Kabena bakuambila mumvua musokoke bambi lukama mu mbuebue: emu makumi atanu, emu makumi atanu, mbapesha biakudia ne mayi a kunua anyi?

1 Bakalenga 19:17

Bantu bikale bapanduka mu mvita ya Azayele, Yehu neabashipe. Bantu bikale bapanduka mu mvita ya Yehu, Elisha neabashipe.

2 Bakalenga 13:22

Azayele, mukalenga wa bena Siriya, uvua mukengeshe bena Izrayele bikole, matuku onsu avua Yowakaze mu bukalenga.

2 Bakalenga 12:18

Tshikondu atshi, Azayele, mukalenga wa bena Siriya, kufika bua kuluisha tshimenga tshia Ngate. Yeye mumane kutshikuata, kudilongololaye bua kuluisha Yerushalayime.

Osheya 14:1

Nebanyoke bena Samariya bua buenzayi buabu, bualu mbatombokele Mvidi Mukulu wabu. Nebafue mu myita ne bana babu, nebatundule bakaji babu badi ne mafu.