2 Bakalenga 7:7 - MUKANDA WA MYIDI MUKULU

⁷ Nanku, butuku, bena Siriya kunyema bua kudisungidila, kushiya mitanda yabu ne bintu biabu bionsu, ntenta, nyama ya tubalu ne mpunde.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Nunku ha kajimbuʼa buenyi, bakajuka, bakanyema, bakashiya ntenta yabo ne tubalu tuabo ne nyama yabo ya mpunda ne tshitudilu tshiabo bu muakaditshi, bakanyema bua kuhandishabo mioyo yabo.

2 Bakalenga 7:7 Referans Kwoze

Nsumuinu 28:1

Muntu udi wenza bibi udi udinyemena nansha kakuyi muntu udi umuipata. Kadi muntu udi ulamata Mvidi Mukulu udi ne dikima bu kana ka ntambue.

Ebrewu 6:18

Kudi malu abidi adibu kabayi mua kushintulula, malu abidi adi Mvidi Mukulu kayi mua kuvila. Nanku malu abidi aa adi atukolesha bikole ku muoyi, bua tumone mua kutekemena ne muoyi mujima bivuabu batulaye.

Yeshaya 2:20

Dituku adi, mpingu ya tshiamu tshitoke ne tshia mpawungi, ivua bantu basonge bua kuyitendelela, nebayelele mpuku ne tupulukusu.

Nsumuinu 21:1

Muoyi wa mukalenga udi bu musulu wa mayi udi Maweja-Nangila utuma kuonsu kudiye musue.

Nsumuinu 6:5

Utuke mudi kabuluku kabafuka mu buteyi, nansha mudi nyunyi utuka ku budimbu.

Misambu 68:12

Maweja-Nangila udi wamba amu muaku umue. Bakaji kabayi kubala badi baya kuambila bantu ne:

Misambu 33:17

Kabalu kakena kasungidila muntu, bukole buaku kabuena buambuluisha mukabandi.

Yobe 18:11

Nseke yonsu, bowa budi bumukuata, budi bumuipata kuonsu kudiye uya.

Balombodi 7:21

Kuimanabu nseke yonsu ya mitanda. Muntu yonsu uvua pa muaba wende. Kadi mu mitanda bantu bonsu bavua banyema, bela mbila, batshina.

1 Bakalenga 10:29

Ditempu dia mvita dimue dia mu Ejipitu, divua ne mushinga wa nkanu mitoke ya mushinga mukole nkama isambombu. Nyama wa kabalu umue, uvua ne mushinga wa nkanu mitoke ya mushinga mukole lukama ne makumi atanu. Bangenda mushinga aba, bavua basumbila kabidi bakalenga ba bena Iti ne ba bena Siriya bintu abi.

1 Samuele 14:15

Bena Peleshete bavua bashala mu mitanda, ne bena mutumba nabu bonsu, kutshinabu bena Izrayele bikole. Bena mvita bonsu ba bena Peleshete, ne bavuabu bateke bua kutentekela ditunga, ne bavua bamanye mvita bikole, kutshina bikole, buloba mene kuzakala. Ke bena Peleshete bonsu kupapuka, bikale ne bowa bunene.

1 Bakalenga 20:20

Muena mvita yonsu wa kudibu, kushipa muluishi uvuabu baluangana nende. Ke bena Siriya kunyema. Bena Izrayele kutuadija kubalondakaja. Benadade kunyema, mubande pa nyama wa kabalu, pamue ne bantu bakuabu bavua babande pa nyama ya tubalu.