2 Bakalenga 3:11 - MUKANDA WA MYIDI MUKULU

¹¹ Kadi, Yosafate kukonka ne: — Muaba ewu, kakuena muambi udi mua kutuebejila malu kudi Maweja-Nangila anyi? Mulombodi wa bena mvita ba mukalenga wa bena Izrayele kuandamuna ne: — Tudi ne Elisha, muana wa Shafate. Yeye uvua wambuluisha muambi Eliya bikole.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Kadi Yehoshafata wakebesha ne, Kakuena muprofete wa Yehowa kunoko utudi mua kuebesha Yehowa dî mukana muandi, anyi? Umue wa bantu ba mukelenge wa Isalele wakamba ne, Elisha, muana wa Shafata, udiku, wakadi wela mai ha bianza bia Eliya.

2 Bakalenga 3:11 Referans Kwoze

1 Bakalenga 22:7

Kadi, mukalenga Yosafate kumukonka ne: — Munemu, kamuena muambi mukuabu wa Maweja-Nangila utudi mua kuebeja anyi?

1 Bakalenga 19:21

Elisha kupingana ku budimi buende. Muaba awu, kuangataye ngombe yende ibidi, ivuaye ukuata nayi mudimu, kuyilambulaye. Kuangataye ditempu, kukuatshisha nadi kapia bua kulamba munyinyi. Bantu bavua muaba awu, kubapeshaye munyinyi awu, kudiabu. Pashishe, Elisha kulonda Eliya, kushala muena mudimu wende.

Amosa 3:7

Eyowa, Maweja-Nangila Mvidi Mukulu kena wenza bualu, kayi muanji kubumanyisha bambi, bantu bende.

Misambu 74:9

Kakutshiena bidi bileja ne: wewe udi munkatshi muetu. Bambi kabatshiena bamanyisha malu. Kakuena wa kutudi udi mumanye ne: ebi nebijike diba kaayi.

1 Kulondolola 15:13

Musangu wa kumpala kanuvuapu. Ke pavua Maweja-Nangila Mvidi Mukulu wetu mutunyoke ne dinyoka dia lufu. Bualu katuvua balonde bulongolodi budiye musue.

1 Kulondolola 14:14

Davide kukonka tshiakabidi Mvidi Mukulu. Mvidi Mukulu kuandamuna ne: — Kuena mua kubaluisha mutangilangane nabu nansha. Londa njila mukuabu, usemene pabuipi nabu mu ditu dia mitshi ya mikokuliye.

1 Kulondolola 14:10

Davide kukonka Mvidi Mukulu ne: — Ndi mua kuluisha bena Peleshete anyi? Neubafile mu bianza bianyi anyi? Mvidi Mukulu kuitaba ne: — Eyowa, uye kubaluisha. Meme nembafile mu bianza biebe.

1 Kulondolola 10:13

Shawule uvua mufue bualu uvua mutombokele Maweja-Nangila. Uvua mubenge diyi diende. Uvua muye kutempa, bua mikishi imuambile malu avuaye uyikonka,

2 Bakalenga 2:25

Pashishe, Elisha kuya ku mukuna wa Karmele. Umuka ku mukuna wa Karmele, kupinganaye mu tshimenga tshia Samariya.

1 Timote 5:10

Bantu bajadike muvuaye muenze malu mimpe, muvuaye mukoleshe bana bende biakane, muvuaye muakidile benyi kuende, muvuaye muoweshe bena ditaba makasa, muvuaye muambuluishe bakengi, mukuate midimu mimpe yonsu.

Filipe 2:22

Nudi bamanye muvua Timote muleje patoke mudiye muntu wa muoyi umue. Bu mudi muana wambuluisha tatuende, ke mudiye ungambuluisha mu mudimu wa kutangalaja Lumu lua Disanka.

Balombodi 20:23

Maweja-Nangila kuitaba bua baye kuluangana. Nanku bena mvita ba bena Izrayele kupeta bukole. Kuelabu mualu wa mvita, anu muaba uvuabu bimanyine dituku dikuabu.

Balombodi 20:18

Bena Izrayele kuya ku Betele, kuebeja Mvidi Mukulu bua kumanya tshisamba tshia ku bisamba biabu tshivua mua kudianjila kuya kuluisha bena Binyamine. Maweja-Nangila kuleja tshisamba tshia Yuda.

Yoshua 9:14

Bena Izrayele kulengulula bua kukonka Maweja-Nangila tshilumbu tshia bantu aba. Kudiabu ne bintu bivuabu nabi.

Yoshua 1:1

Moshe, muntu wa Maweja-Nangila, mumane kufua, Maweja-Nangila kuambila Yoshuwa, muana wa Nune, uvua wambuluisha Moshe ne:

Genese 18:4

Banupeshe mayi, nowe ku makasa, nuikishe kuinshi kua mutshi ewu.

2 Bakalenga 3:10

Nanku, mukalenga wa bena Izrayele kuela lubila ne: — Diakabi! Maweja-Nangila ke udi mututume tuetu bonsu bakalenga basatu muaba ewu, bua kutufikisha mu bianza bia bena Mowabe!

2 Bakalenga 3:12

Yosafate kuandamuna ne: — Eyowa, mbimpe! Muntu awu, neatumanyishe tshidi Maweja-Nangila musue kutuambila. Diakamue, bakalenga aba, wa bena Izrayele, wa bena Yuda ne wa bena Edome, kuya kumonangana ne Elisha.

Yirmeya 37:17

Pashishe mukalenga Sedekiya kutuma muntu bua kukeba Yirmeya. Mukalenga uvua musue kumukonka malu mu musokoku mu nzubu wende wa bukalenga. Mukalenga kumukonka ne: — Udi ne malu a kungambila a kudi Maweja-Nangila anyi? Yirmeya kumuandamuna ne: — Eyowa, ngwowu aa: Nebakukuate, bakufile kudi mukalenga wa mu Babilone.

2 Kulondolola 18:6

Kadi, mukalenga Yosafate kukonka Akabe ne: — Munemu kamuena muambi mukuabu nansha umue, udi mua kutukonkela Maweja-Nangila anyi?