2 Bakalenga 23:2 - MUKANDA WA MYIDI MUKULU

² Kuyabu bonsu mu nzubu wa Maweja-Nangila. Bavua baye ne bantu bonsu ba mu Yerushalayime ne ba mu ditunga dia Yuda: batuangaji, bambi, ne bantu bakuabu bonsu. Mukalenga Yoshiya kubabadila bonsu mukanda wa ndondu uvuabu bangula mu nzubu wa Mvidi Mukulu.

Mukanda wa Nzambi Dihungila Dikulukulu ne Dihungila Dihia-dihia 2003

² Mukelenge wakabuela mu nsubu wa Yehowa ne bantu bonso ba mu Yuda ne bonso ba mu Yelushalema bakadi nʼandi, ne bakuidi ne baprofete ne bantu bonso, ne bakese ne banene; yeye wakababadila mei onso a mu mukanda wa tshihungidi wakasanganabo mu nsubu wa Yehowa mu matshu abo.

2 Bakalenga 23:2 Referans Kwoze

2 Bakalenga 22:8

Shafane mumane kuambila Ilkiya, mutuangaji munene, bionsu abi, Ilkiya kumumanyisha bua mukanda wa mikenji uvuaye muangule mu nzubu wa Maweja-Nangila. Kupeshaye Shafane mukanda awu. Shafane mumane kuubala,

Didimanyisha 20:12

Pashishe meme kumona bafue bonsu, baneme ne bashadile, bimane kulu kumpala kua nkuasa wa butumbi. Kubululabu mikanda. Kubululabu kabidi mukanda mukuabu, mukanda wa muoyi. Kulumbuluishabu bafue, bilondeshile malu avuabu benze, avuabu bafunde mu mikanda ayi.

Bienzedi 26:22

Kadi Mvidi Mukulu uvua mundame too ne ku lelu. Ke muntshidi mua kujadikila bantu bonsu, bana ne bakulumpe, malu a Mvidi Mukulu. Ndi ndongesha amu bivua bambi ne Moshe bamanyishe bantu ne:

Misambu 115:13

— Ele bantu bonsu, baneme ne bapele badi batendelela Mvidi Mukulu lupemba!

Yobe 3:19

Ku bafue, bantu banene ne bakese badi amu mushindu umue. Mupika kena ne mfumuende to.

Estere 1:5

Matuku awu mamane kupita, mukalenga kulambisha kabidi didia dikuabu dinene bua bantu bonsu baneme ne bapele, bavua basomba mu tshimenga tshia Shushane. Tshibilu etshi tshivua tshienzeka lumingu lujima mu lubanza lua bukalenga.

Nehemya 13:1

Mu tshikondu atshi, bavua babadila bantu bonsu mukanda wa mikenji ya Moshe. Dituku dikuabu kubalabu muaba uvuabu bafunde ne: Bena Amone, kabidi ne bena Mowabe, kabena mua kubuela mu tshisumbu tshia bantu badi batendelela Mvidi Mukulu to.

Nehemya 9:3

Pashishe, kuimanabu kulu meba asatu, bateleja dibala dia mukanda wa mikenji ya Maweja-Nangila Mvidi Mukulu wabu. Pashishe kuinyikabu mpala panshi meba asatu makuabu kumpala kua Maweja-Nangila Mvidi Mukulu, bua kulomba luse.

2 Kulondolola 17:9

Bavua bambule mukanda udi ne mikenji ya Maweja-Nangila. Kuendakanabu mu tshimenga tshionsu tshia bena Yuda bua kulongesha bantu.

2 Kulondolola 15:13

Nanku, muntu yonsu, muana nansha muntu mukole, mukaji nansha mulume, uvua ubenga Maweja-Nangila Mvidi Mukulu wa Izrayele, bavua ne bua kumushipa.

1 Bakalenga 8:9

Mu mushete amu, muvua anu mabue abidi avua ne mikenji. Moshe ke uvua muteke mabue awu mu mushete. Uvua muapete ku mukuna wa Sinayi pavua Maweja-Nangila utua ndondu ne bena Izrayele, mumane kubapatula mu Ejipitu.

1 Samuele 30:2

Bavua bakuate bakaji ne bantu bonsu bavua mu tshimenga, bakulumpe ne bana, bababueje mu nzubu wa lukanu. Kabavua bashipe muntu nansha umue to. Kadi bavua babakuata, baye nabu.

1 Samuele 5:9

Kadi, amu mushete ufika mu Ngate, Maweja-Nangila kuleja bena mu tshimenga atshi bukole buende. Kupapukabu bikole. Bena tshimenga atshi bonsu, bantu bakole ne bana batekete, kupetabu disama dia mulaka.

Dielulula 31:26

— Angatayi mukanda ewu wa mikenji ya Maweja-Nangila, nuuteke pabuipi ne mushete wa ndondu. Mukanda ewu, newikale ujadikila bena Izrayele ne: nansha bobu babenge Maweja-Nangila Mvidi Mukulu wabu, kadi yeye udi anu munkatshi muabu.

Genese 19:11

Pashishe kufofomijabu mesu a bonsu bavua ku tshiibi, bansongalume ne bantu bakole, bua bapange kumona tshiibi.

Yirmeya 34:8

Maweja-Nangila kuambila kabidi Yirmeya malu makuabu. Bualu mukalenga Sedekiya uvua mumvuangane ne bena mu Yerushalayime bua bapikule bapika babu.