2 Bakalenga 22:2 - MUKANDA WA MYIDI MUKULU

² Yoshiya uvua wenza malu adi Maweja-Nangila musue, anu bu muvua nkambua wende Davide muenze. Uvua ulonda tshilejilu tshiende menemene.

Mukanda wa Nzambi Dihungila Dikulukulu ne Dihungila Dihia-dihia 2003

² Wakenza malu mimpe ku mesu kua Yehowa, wakenda mu nshila yonso ya Davidi, nkambua wandi; kakasesuka ku tshianza tshia balume anyi ku tshianza tshia bakashi.

2 Bakalenga 22:2 Referans Kwoze

Yoshua 1:7

Wewe kolesha muoyi, kutshinyi to. Kumbaja bimpe mikenji yanyi yonsu ivua Moshe muntu wanyi mukuambile. Kulenguludi mukenji nansha umue. Nanku wewe muyikumbaje yonsu, neupete dikasa dimpe mu bionsu biudi wenza.

Dielulula 5:32

Moshe kuambila kabidi bena Izrayele ne: Nanku nukumbaje bionsu bidi Maweja-Nangila Mvidi Mukulu wenu munuambile, anu mudibi amu.

2 Bakalenga 18:3

Izkiya uvua wenza malu adi Maweja-Nangila musue, anu bu muvua nkambua wende Davide muenze.

1 Bakalenga 3:6

Shelomu kuandamuna ne: — Maweja-Nangila uvua muenzele tatu wanyi Davide, muntu webe malu mimpe a bungi, bualu Davide uvua mukuitabe muende muonsu, mukuenzele mudimu ne muoyi umue. Udi muenzele Davide bimpe, nansha kunyima kua lufu luende, bualu udi mumupe muana wa balume, udi mua kumupingana mu bukalenga. Ke mudibi bimueneka lelu.

Nsumuinu 20:11

Nansha muana, ku bidiye wenza, ukadi uleja muoyi udiye nawu. Mudimu udiye ukuata neuleje mudiye muakane, wa muoyi mulenga.

Nsumuinu 4:27

Uye amu buludi, kuyi ku dia balume nansha ku dia bakaji. Epuka malu mabi onsu.

2 Kulondolola 29:2

Izkiya uvua wenza malu adi Maweja-Nangila musue, anu bu muvua nkambua wende Davide muenze.

2 Bakalenga 16:2

Uvua anu ne bidimu makumi abidi, kushalaye mu bukalenga bidimu dikumi ne bisambombu mu Yerushalayime. Kadi Akaze kavua muenze malu avua Maweja-Nangila Mvidi Mukulu wende musue, bu muvuabu benza kudi nkambua wende Davide to.

1 Bakalenga 11:38

Wewe muteleje bionsu bingikala nkuambila, wewe mulonde njila ungikala nkuleja, wewe mungenzele bimpe, wewe mutumikile meyi anyi ne mikenji yanyi bingakupesha, bu muvua muntu wanyi Davide utumikila, nengikale nebe kashidi. Ndi nkulaya ne: ndelanganyi yebe neishale mu bukalenga kashidi anu bu mudi ndelanganyi ya Davide ishala mu bukalenga. Meme nenkupe bisamba bia bena Izrayele dikumi,

2 Kulondolola 17:3

Maweja-Nangila uvua nende, bualu Yosafate uvua muitabe Maweja-Nangila bu muvua nkambua wende Davide muenze ku ntuadijilu wa bukalenga buende. Kavua uya kudi mvidie Baale bua kumukonka malu to.

1 Bakalenga 15:5

uvua muenze malu mimpe avua asankisha Maweja-Nangila. Davide kavua mubenge kutumikila ku diyi dia Maweja-Nangila nansha dimue to. Bubi bua Davide buvua anu buvuaye muenzele Uriye, muena Iti.

2 Kulondolola 31:20

Bionsu bivua Izkiya wenza mu bukalenga buende bujima abi, bivua bimpe, biakane, bisankisha Maweja-Nangila.

2 Kulondolola 34:1

Yoshiya kubuela mu bukalenga muikale ne bidimu muanda mukulu. Kushalaye mu bukalenga bidimu makumi asatu ne tshimue mu Yerushalayime.

Sefanya 1:1

Telejayi bivua Maweja-Nangila muambile Sefanya mu tshikondu tshiwa Yoshiya, muana wa Amone, mukalenga wa Yuda. Sefanya uvua muana wa Kushi. Kushi uvua muana wa Ngedaliya. Ngedaliya uvua muana wa Amanya. Amanya uvua muana wa Izkiya.

1 Bakalenga 15:11

Asa kuenza malu mimpe avua asankisha Maweja-Nangila, muvua kakuende Davide muenze.

2 Bakalenga 12:3

Yowashe uvua wenza malu mimpe, usankisha Maweja-Nangila matuku onsu. Bualu mutuangaji Yoyada uvua mumulongeshe bimpe.

2 Bakalenga 14:3

Amashiya uvua muenze malu adi Maweja-Nangila musue. Kadi, kavua muenze menemene muvua nkambua wende Davide muenze to. Uvua muenze anu bu tatuende Yowashe.