2 Bakalenga 20:12 - MUKANDA WA MYIDI MUKULU

¹² Tshikondu atshi, mukalenga wa Babilone, Merodake-Baladane, muana wa Baladane, kumvua lumu lua disama dia Izkiya. Kumutuminaye bantu ne mukanda, ne bintu bia kumusankisha.

Mukanda wa Nzambi Dihungila Dikulukulu ne Dihungila Dihia-dihia 2003

¹² Ku tshikondo atshi Melodaka-baladana, muana wa Baladana, mukelenge wa Babulona, wakatumina Hezikiya mikanda ne bintu, bualu bua yeye wakunvua lumu ne, Hezikiya wakadi ne disama.

2 Bakalenga 20:12 Referans Kwoze

2 Kulondolola 32:31

Kadi pavua bamfumu ba bena Babilone batume bantu bua kumanya malu a dikema avua menzeke mu ditunga diende, Mvidi Mukulu uvua musue ne: Izkiya adienzele malu. Uvua muenze nanku bua kumuteta, bua kumanya muoyi udi Izkiya nawu.

Yeshaya 14:4

Diba adi nebimbe musambu wa kuseka nawu mukalenga wa bena Babilone, bambe ne: Kia! Ebi mbienzeke munyi? Mfumu wa tshikisu mmufue bishi? Kakukengesha kabidi muntu nansha umue.

Yeshaya 13:19

Bukalenga bua mu Babilone, budi bupite makuabu onsu ku buimpe. Bena Babilone badi babusankidila bikole. Kadi Mvidi Mukulu neabubutule, muvuaye mubutule kale Sodome ne Ngomore.

Yeshaya 13:1

Maweja-Nangila kutumina Yeshaya, muana wa Amose, mukenji bua amanyishe “Babilone” ne:

2 Samuele 10:2

Davide kuamba ne: “Ndi musue kuenzela Anune, muana wa Nakashe bimpe, bu muvue tatuende mungenzele.” Nanku, Davide kutuma balombodi ba mu bukalenga buende kudi Anune, bua kumusamba bua lufu lua tatuende. Balombodi ba mu bukalenga bua Davide bamane kufika mu ditunga dia bena Amone,

2 Samuele 8:10

Kutumaye muanende Yorame kudi mukalenga Davide bua kumuela muoyi ne tuasakidila, bualu uvua mutshimune Adadezere. Bualu Adadezere uvua muluishi wa Towu. Yorame kutuadila Davide bintu bienza ne tshiamu tshia mpawungi, ne tshiamu tshitoke tshia mushinga mukole, kabidi ne tshiamu tshikunze.

Genese 11:9

Badi babikila tshimenga atshi ne: Babele, bualu Maweja-Nangila uvua mubondakajilamu miakulu ya bisamba bionsu. Kabidi uvua mumuangalajilamu bantu pa buloba bujima.

Genese 10:10

Bimenga binene bia kumpala bivua ku bumfumu buende bivua: Bahele, Ereke, Akade ne Kalne mu ditunga dia Babilone.

2 Kulondolola 32:25

Kadi, Izkiya kavua wanyisha Mvidi Mukulu bua bionsu bivuaye mumuenzele. Uvua anu uditambisha. Nanku, Maweja-Nangila kumufikila munda, kufikila kabidi bena Yerushalayime, ne bena bukalenga bua Yuda munda.