2 Bakalenga 2:21 - MUKANDA WA MYIDI MUKULU

²¹ Elisha kuya ku mpokolu, kuela luepu mu mayi awu, wamba ne: — Maweja-Nangila, udi wamba ne: “Ndi mulengeje mayi aa. Kaena mua kushipa bantu kabidi, nansha kutudisha mafu to.”

Mukanda wa Nzambi Dihungila Dikulukulu ne Dihungila Dihia-dihia 2003

²¹ Yeye wakaya ku mishimi ya mai, wakelamu luehu wamba ne, Yehowa udi wamba ne, Nakalengesha mai a; lulu ne kuhoka kua mamuma kabiena bifumaku kabidi.

2 Bakalenga 2:21 Referans Kwoze

2 Bakalenga 4:41

Ke muambi kulombesha bukula, kubuela mu nsupu, kuambila muena mudimu wende ne: — Pesha bantu aba nsupu ewu, banue! Nanku bintu bivua mu luesu bikavua bimpe, bikumbane mua kubidia.

Lewitiki 2:13

“Nudi mua kuela luepu mu milambu yonsu ya bintu bia pa madimi. Bualu luepu ntshimanyinu tshia ndondu udi pankatshi penu ne Mvidi Mukulu. Nanku nuikale nuela luepu mu milambu yonsu.

Didimanyisha 21:4

Neabakuupule binsonji bionsu ku mesu. Lufu kaluakuikalaku kabidi, nansha madilu, nansha miadi, nansha dikenga. Bikulukulu nebishile bipiabipia muaba.’’

Yowanane 9:6

Yezu mumane kuamba nanku, kutuilaye mate ende panshi, kusopakaja kabidi ne bitotshi bikese, kulabaye pa mesu a mpofu bitotshi abi.

2 Bakalenga 6:6

Muambi Elisha kumukonka ne: — Tshisuyi ntshimate muaba kaayi? Muntu awu kumuleja muaba uvua tshisuyi tshimatshile. Ke muambi Elisha kukosa tshitupa tshia mutshi, kutshiela muaba uvua tshisuyi tshimatshile awu. Diakamue tshisuyi kulelematshi.

Marke 9:50

Luepu ntshintu tshimpe. Kadi padilu lutshipale, nebalutuishe kabidi bishi? Ikalayi batue bu badi ne luepu munda muenu. Sombayi ne ditalala munkatshi muenu.

Matayi 5:11

Padi bantu banupenda, banukengesha, nansha babenga bionsu binudi nuenza, amu bualu nudi balongi banyi, nudi bena diakalenga.

2 Bakalenga 2:20

Elisha kubambila ne: — Elayi luepu mu dilonga dipiadipia, numpeshe. Kumupeshabu.

2 Bakalenga 2:22

Nanku mayi kulengela. Atshidi mimpe too ne mpindiewu anu bu muvua Elisha muambe.