2 Bakalenga 2:12 - MUKANDA WA MYIDI MUKULU

¹² Elisha umona nanku, kuelaye lubila ne: — Tatu wanyi! Tatu wanyi! Wewe udi mupite matempu a mvita onsu ne babandi ba pa tubalu bonsu ba bena Izrayele. Pavua Elisha kayi mumone kabidi Eliya, kupandaye bilamba biende bipese bibidi.

Mukanda wa Nzambi Dihungila Dikulukulu ne Dihungila Dihia-dihia 2003

¹² Elisha wakamumona, wakela dî diandi ne, Tatu wanyi, tatu wanyi, dikalu dia Isalele ne badi benda ha tabalu tuadi! Yeye kakamutangila kabidi. Yeye wakavula bilulu biandi, wakabihanda bihese bibidi.

2 Bakalenga 2:12 Referans Kwoze

2 Bakalenga 13:14

Disama dia lufu kukuata muambi Elisha. Nanku, Yowashe, mukalenga wa bena Izrayele, kuya kudi muambi Elisha, kumupukila, udila, wamba ne: — Tatu wanyi! Tatu wanyi! Wewe udi mupite matempu a mvita ne babandi ba pa nyama ya tubalu bonsu ba bena Izrayele!

Didimanyisha 11:12

Pashishe bambi babidi kumvua diyi dikole dia mu diulu, dibabikila ne: “Bandayi kuneku!” Bobu kubuela mu divuba, kubanda munda mua diulu, bena lukuna babu batangile.

Efeze 4:8

Ke padi Mukanda wa tshijila wamba ne: “Diba divuaye mubande mulu, mmuye ne bena lukanu, mmuabanyine bantu mapa.”

2 Korente 5:4

Eyowa, patutshidi tusomba mu nzubu wetu wa panu ewu, tudi tutua mikemu bu bambule bujitu. Katuena basue kushiya mubidi wetu wa panu. Kadi tudi basue batubuikile ne mubidi wetu wa mu diulu, bua bidi ne bua kufua biandamuke bienze bia muoyi.

2 Korente 5:2

Patutshidi panu, tudi tutua mikemu mpindiewu, tujinga bua batubuikile ne nzubu wetu wa mu diulu.

Bienzedi 8:2

Bantu balamatshi ba Mvidi Mukulu kujika Stefane. Kudilabu bikole bua lufu luende.

Bienzedi 1:9

Yezu mumane kuamba nanku, kubandaye mu diulu, bobu batangile. Ke divuba kujika Yezu, kabayi bamumone kabidi to.

Yowanane 3:13

Muntu nansha umue kena muanji kubanda mu diulu, pa kumusha Muana wa muntu udi mufume mu diulu!

Luke 24:51

Patshivuaye ubela lupemba, kumukaye pavuabu bimane, kumuambulabu mu diulu.

Luke 2:15

Pavua batumibue babashiye, bapingane mu diulu, balami ba mikoku kuambilangana ne: — Tuyayi ku Betleyeme: tuye kumona bidi bienzekaku, bidi Maweja-Nangila mutumanyishe ebi.

Marke 16:19

Mfumu Yezu mumane kuyukila ne balongi bende nanku, kumuambulabu mu diulu, kusombaye ku dia balume dia Mvidi Mukulu.

Yeshaya 37:21

Pashishe muambi Yeshaya, muana wa Amose, kutuma muntu bua kuambila Izkiya ne: “Maweja-Nangila Mvidi Mukulu wa bena Izrayele udi wamba ne: Ndi mumvue muudi ulombela Senakeribe, mukalenga wa bena Ashure.

Yeshaya 37:15

Kutendelelaye, wamba ne:

Nsumuinu 30:4

Udi mubande mu diulu mua Mvidi Mukulu, kabidi mutulukemu nnganyi? Udi mukuate lupepele mu bianza biende nnganyi? Udi muvungile mayi mu tshilamba tshiende nnganyi? Udi mufundile buloba mikalu nnganyi? Dina diende nnganyi? Dina dia muanende nnganyi? Paudi mudimanye, udingambile!

Bienzedi 27:24

Kungambilaye ne: “Polu, kutshinyi to. Neumonangane ne Kezare. Bu mudi Mvidi Mukulu mukunange, neakupandishe ne bonsu baudi nabu mu majuwa emu.”

Yeshaya 37:4

Mukalenga wa bena Ashure, mmutume mulombodi wa bena mvita, mumuambuluishi, bua kupendabu Mvidi Mukulu wa muoyi. Eyowa, ndi njinga bua Maweja-Nangila Mvidi Mukulu webe umvue bipendu bionsu ebi, anyoke muntu uvua mumupende! wewe lombaku Maweja-Nangila, akuile bantu bende badi bashala ne muoyi.”

Muambi 7:19

Meji adi aludika bilenga udi nawu, bipite mudi balombodi dikumi mua kuludika tshimenga tshimue.

Nsumuinu 11:11

Bantu bakane badi basa tshimenga batshiela lupemba. Miaku mibi ya bena lonji idi itshibutula.

Yobe 22:30

Udi usungidila bantu badi kabayi ne bualu. Udi upandisha badi kabayi ne katoba ku bianza,

Genese 37:34

Yakobe kudipanda bilamba, kuvuala bilamba bikayabale, kuenza madilu a muanende matuku mavule.

2 Bakalenga 2:13

Pashishe, kuangulaye tshinkutu tshivua Eliya mumatshishe panshi. Kupinganaye ku muelelu wa Yardene, kuimana.

2 Bakalenga 5:13

Kadi bena mudimu ba Namane, kusemena pabuipi nende, bamukonka ne: — Mfumu, bu muambi Elisha mukuambile bua kuenza bualu bunene, kuvua mua kubuenza anyi? Kadi, udi ubenga bua kuenza tshidiye mukuambile, bua kuowa anu mayi, disama diebe kujikadi, bua tshinyi?

2 Bakalenga 6:21

Anu mukalenga wa bena Izrayele umona bena mvita abu bonsu, kukonkaye muambi Elisha ne: — Tatu wanyi, mbimpe kubashipa anyi?

Genese 5:24

Yeye mumane kudisanga ne Mvidi Mukulu nanku, Mvidi Mukulu kumuambula, kuya nende, Enoke kayi umueneka kabidi pa buloba to.

Balombodi 17:10

Mika kumuambila ne: — Usombe kuanyi, wikale tatu ne mutuangaji mu nzubu muanyi. Ku tshidimu tshionsu, nenkufute nkanu mitoke ya mushinga mukole dikumi. Neupete kabidi bilamba ne biakudia. Muena Levi kubuela mu nzubu,