2 Bakalenga 18:7 - MUKANDA WA MYIDI MUKULU

⁷ Maweja-Nangila uvua wambuluisha Izkiya. Izkiya uvua ne diakalenga mu bionsu bivuaye wenza. Izkiya kutombokela mukalenga wa bena Ashure, kubenga mua kushala ku bumfumu buende.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Yehowa wakadi nʼandi, wakamuvuisha diakalengele kuonso kuakayeye; yeye wakatombokela mukelenge wa Ashû, kakamukuatshila mudimu.

2 Bakalenga 18:7 Referans Kwoze

2 Bakalenga 16:7

Akaze kutuma bantu bua kuambila mukalenga wa bena Ashure, Tiglate-Pilesere ne: “Meme ndi bu mupika webe, nansha bu muanebe wa balume. Luaku, unsungidile mu bianza bia bakalenga ba bena Arame ne ba bena Izrayele badi banduisha aba.”

Rome 8:31

Tshituambe kabidi ntshinyi? Padi Mvidi Mukulu mutue ku tshietu, udi mua kubibenga kabidi nnganyi?

Misambu 60:12

Amu wewe Mvidi Mukulu ke udi mua kuenza nanku. Kadi wewe kutubenga, kuyi musue kabidi kuenda netu mu mvita.

Matayi 28:20

Nubalongesha kabidi mua kukumbaja bionsu bimvua munuambile. Manyayi ne: Meme nengikale nenu matuku onsu, too ne ku ndekelu kua bidimu.

Misambu 1:3

Udi bu mutshi udi bantu bakuna ku muelelu wa mayi. Mutshi awu udi ukuama bimuma pa tshikondu tshiabi. Mabeji awu kaena mua kufubidila. Bionsu bidi muntu wa nanku wenza bidi amu ne tshipeta.

2 Kulondolola 32:30

Izkiya ke uvua mujibikile mushiku wa mpokolu wa Ngikone, bua mayi apuekele muinshi mua buloba, aye ku luseke ludi diba dibuelela, afike ne munda mua Tshimenga tshia Davide. Izkiya uvua ne diakalenga mu bionsu bivuaye wenze.

2 Kulondolola 31:21

Pavua Izkiya ulongolola nzubu wa Mvidi Mukulu, ukuata mudimu bua bantu banemeke meyi ne mikenji bia Mvidi Mukulu, uvua wenza muende muonsu bua amanye tshidi Mvidi Mukulu musue. Uvua muenze nanku ne muoyi wende mujima. Mvidi Mukulu uvua umuambuluisha.

1 Samuele 18:14

Nanku, Davide uvua ne diakalenga mu midimu yonsu iwaye wenza, bualu Maweja-Nangila uvua umuambuluisha.

Matayi 1:23

“Nsongakaji utshidi kamama neimite difu, nealele muana wa balume. Nebamuinyike dina ne: Emanuwele,” (mmumue ne: “Mvidi Mukulu udi netu.”)

Misambu 46:11

Udi wamba ne: “Lekelayi mvita! Numanye ne: Meme ke Mvidi Mukulu: Ndi ku mutu kua bisamba ne kua buloba bujima!”

2 Kulondolola 15:2

Kuyaye kumonangana ne Asa bua kumuambila ne: — Mukalenga Asa ne nuenu bonsu bena Yuda, ne bena Binyamine, nunteleje! Maweja-Nangila neikale nenu anu panuikala bamuitabe. Nuenu bamukebe, nenumupete. Nuenu bamubenge, yeye kabidi neanubenge.

2 Bakalenga 18:20

Udi wela meji ne: paudi wakula ufuna bua mvita, udi ne bukole ne meji a mua kuluangana. Paudi mutomboke apu, udi mutekemene nganyi bua kukuambuluisha?

1 Samuele 18:5

Misangu yonsu, ivua Shawule utuma Davide mu mvita, Davide uvua amu utshimuna. Ke muvua Shawule mumuteke mfumu, mulombodi wa bena mvita bende. Bena mvita bonsu, ne balombodi ba bena mvita ba mukalenga Shawule kusanka bikole bua bualu ebu.

2 Samuele 8:6

Davide kuteka balombodi ba bukalenga buende mu Siriya. Bena Siriya kushala ku bumfumu bua Davide. Kubalambuishaye bitadi. Ke mushindu uvua Maweja-Nangila mupeshe Davide bukole bua kutshimuna mvita yonsu nanku.

Genese 21:22

Matuku awu, Abimeleke ne Pikole, mulombodi wa bena mvita bende, kufika kudi Abrahame, bamuambila ne: — Mvidi Mukulu udi ukuambuluisha mu bionsu biudi wenza.

2 Samuele 8:14

Davide kuteka balombodi ba bukalenga buende mu Edome. Bena Edome kushala ku bumfumu bua Davide. Ke mushindu uvua Maweja-Nangila mupeshe Davide bukole bua kutshimuna mvita yonsu nanku.

2 Bakalenga 18:14

Pashishe, Izkiya, mukalenga wa Yuda kutuma mukenji kudi mukalenga wa bena Ashure uvua mu tshimenga tshia Lakishe, umuambila ne: — Meme ndi muenze bibi! Lekela kunduisha muaba ewu. Ndi muitabe bua kufuta mushinga onsu uudi undomba. Mukalenga wa bena Ashure kulomba Izkiya tshiamu tshitoke tshia mushinga mukole kilo binunu tshitema, ne tshiamu tshia mpawungi kilo nkama tshitema.

Yeshaya 33:6

Bena tshisamba tshia Maweja-Nangila, nenusombe mu ditunga ne mimuemue. Kuikala bena meji, kumanya Mvidi Mukulu, ke biuma bidi bitufikisha ku lupandu. Kutshina Maweja-Nangila, ke buenu bubanji!

Yeshaya 36:5

Udi wela meji ne: paudi wakula ufuna mvita, udi upeta meji ne bukitu bua kuluangana anyi? Paudi muntombokele apu, uudi mutekemene bua akuambuluishe nnganyi?

Balombodi 1:19

Maweja-Nangila nkayende uvua muambuluishe bena Yuda. Ke pavuabu bakuata miaba ya pa mikuna. Kadi kupangilabu mua kuipata bantu bavua base mu mpata, bualu bobu aba bavua ne matempu a mvita a biamu.

2 Bakalenga 17:3

Shalmanazere, mukalenga wa bena Ashure, kufika bua kumuluisha. Osheya kudifila kudiye, kumulambula milambu ya ku tshidimu ku tshidimu.