2 Bakalenga 1:14 - MUKANDA WA MYIDI MUKULU

¹⁴ Ndi mumanye ne: kapia kavua kafuma mu diulu ke kavua kabutula balombodi ba bena mvita babidi ba kumpala, ne bantu bavuabu nabu. Nanku, ndi nkusengelela, kunshipi to!

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Mona, kahia kakafuma mu diulu diambedi kakosha tupitene tubidi ne bantu batu makumi atanu makumi atanu; kadi witabushe bua muoyo wanyi wikale wa mushinga mukole ku mesu kuebe.

2 Bakalenga 1:14 Referans Kwoze

Bienzedi 20:24

Kadi kushala ne muoyi kakuena ne mushinga kundi. Tshidi ne mushinga tshidi anu kujikija mudimu wanyi, kukumbaja mudimu uvua Mfumu mungomekele: ke kukobola Lumu lua Disanka lua mudi Mvidi Mukulu mutunange, mutufuile luse.

Nsumuinu 6:26

Mukaji muena tshiendenda, badi bamufuta amu tshiakudia tshikese. Kadi bua mukaji wa bende, muntu neajimije bionsu bidiye nabi.

Misambu 116:15

Maweja-Nangila udi ubungama bikole, padi bantu badi bamulamata bafua.

Misambu 72:14

Neabepule ku tshinyangu ne kabutu, bualu udi ubananga, musue bua bashale ne muoyi.

Misambu 49:8

Kadi kakuena udi mua kupikula muoyi wa muntu mukuabu, nansha kudipikula wende yeye mene kudi Mvidi Mukulu.

1 Samuele 26:24

Bu mundi muangate muoyi webe ne mushinga, Maweja-Nangila angate kabidi muoyi wanyi ne mushinga, ansungidile mu makenga onsu.

1 Samuele 26:21

Shawule kuandamuna ne: — Ndi muenze bibi! Muananyi Davide, pingana, tshiena nkuenzela bibi kabidi to. Bualu butuku ebu, udi munnemeke, kuena munshipe to. Meme ndi anu bu muntu udi kayi ne lungenyi. Ndi mutupakane bikole.

2 Bakalenga 1:13

Musangu muisatu, mukalenga Akaziya kutuma kabidi mulombodi mukuabu ne bena mvita makumi atanu. Kubandabu pa mukuna. Anu bamone Eliya, mulombodi wa bena mvita kutuaye binu panshi, utendakena Eliya, wamba ne: — Muambi wa Mvidi Mukulu, kunshipi, kabidi kushipi bantu aba makumi atanu bandi nabu!

2 Bakalenga 1:15

Mutumibue wa Maweja-Nangila kuambila Eliya ne: — Tuluka, uye nende, kutshinyi to. Muambi Eliya kutuluka, kuya ne mulombodi wa bena mvita kudi mukalenga Akaziya.