2 Bakalenga 1:10 - MUKANDA WA MYIDI MUKULU

¹⁰ Eliya kuandamuna ne: — Bu mundi muambi wa Mvidi Mukulu, ndi ndomba bua kapia kafume mu diulu kanubutule: wewe ne bantu makumi atanu banudi nabu! Diakamue, kapia kufuma mu diulu, kubutula mulombodi wa bena mvita, ne bantu makumi atanu bavuaye nabu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Eliya wakambila kapitene ka bantu bandi makumi atanu ne, Bingikala muntu wa Nzambi, kahia kafume mu diulu, kakuoshe ne bantu makumi atanu badi nʼebe. Kahia kakafuma mu diulu kakamuosha ne bantu bandi makumi atanu.

2 Bakalenga 1:10 Referans Kwoze

Luke 9:54

Balongi bende Yakobe ne Yowanane bamona nanku, kuambabu ne: — Mfumu, udi musue tutume diyi mu diulu, kapia kapueke, kababutule anyi?

Danyele 3:25

Ke mukalenga kuamba ne: — Kadi ndi mmona bantu banayi kabayi basuike, bendakana mu kapia, kabayi ne bualu, muntu nansha umue kayi ne mputa. Mpala wa muntu muinayi udi mufuanangane ne mpala wa mvidie.

Ebrewu 12:29

Bualu Mvidi Mukulu wetu udi kapia kadi kubutula.

Danyele 3:22

Bilondeshile diyi dikole divua mukalenga mutume, bavua batemeshe kapia kapite bukole mu tshikutu. Nenku ndimi ya kapia aka kushipa bantu bavua baye kuela Shadrake, Meshake ne Abede-Nego mu tshikutu.

Didimanyisha 11:5

Pikala muntu ukeba kubakengesha, kapia nekapatuke mukana muabu, kabutule bena lukuna babu. Nenku muntu wakeba mua kubakengesha, nebamushipe mushindu awu.

Misambu 106:18

Kapia kuoshaku bena tshisumbu tshiabu, ludimi lua kapia kuvingutula bantu babi.

Yobe 1:16

Muntu awu utshivua wakula, muena mudimu mukuabu kufika kabidi bua kumanyisha ne: “Nkuba mmushipe mikoku ne bena mudimu bebe, mmubioshe bionsu. Amu meme nkayanyi ke udi munyeme bua kukumanyisha bualu ebu.”

Bienzedi 12:19

Erode kubambila bua bamukebe. Kadi nanshabu kumusangana to. Ke Erode kutuma diyi, bua balumbuluishe basolayi balami abu, babashipe. Pashishe kumukaye mu Yudeya, bua kuya kusomba amue matuku mu Kezareya.

Matayi 21:41

Kumuandamunabu ne: — Kakumvuila bantu babi aba luse to. Neabashipe bonsu. Neashile bantu bakuabu budimi buende, bua bamupeshe pa diba tshiende tshitupa tshia bimuma bidibu banowa.

Danyele 6:24

Mukalenga wa bakalenga muwule tente ne disanka, kutuma diyi bua bapatule Daniyele mu buina. Pakamupatulabu, bakamusangana kayi ne mputa nansha umue pambidi, bualu uvua mutekemene kudi Mvidi Mukulu wende.

Misambu 105:15

“Kanulengi bantu bandi mujidile, kanuenzedi bantu banyi bibi nansha!”

2 Kulondolola 36:16

Kadi bena Izrayele kuseka bambi ba Mvidi Mukulu, kubalembakaja, kulengulula meyi a Mvidi Mukulu. Nanku, Maweja-Nangila kubafikila munda, kubanyoka bikole kabayi mua kupanda to.

1 Bakalenga 22:28

Mika kuandamuna ne: — Wewe mupingane katakata, nanku Maweja-Nangila kena muambe bualu mukana muanyi to.

Dibadika 16:35

Pashishe Maweja-Nangila kutuma kapia. Kubutulaku bantu bonsu nkama ibidi ne makumi atanu, batshikale ne muoyi. Ke bavua balambula musenga wa kamonya.

Dibadika 11:1

Dituku dikuabu bena Izrayele bavua bajana Maweja-Nangila bikole. Maweja-Nangila umvua nanku, kufikaye munda. Kapia ka Maweja-Nangila kutema munkatshi muabu, kuosha tshitupa tshia mitanda.

2 Bakalenga 1:11

Mukalenga Akaziya kutuma kabidi mulombodi wa bena mvita mukuabu, ne bena mvita makumi atanu, kudi Eliya. Mulombodi wa bena mvita kuambila Eliya ne: — Muambi wa Mvidi Mukulu, tuluka! Ke mudi mukalenga Akaziya mutume diyi!

Lewitiki 10:2

Diakamue kapia kufuma kudi Maweja-Nangila, kubosha, kubashidisha muaba awu.