1 Yone 5:1 - MUKANDA WA MYIDI MUKULU

¹ Muntu yonsu udi witaba ne: Yezu udi Kristu, udi muana wa Mvidi Mukulu. Muntu yonsu udi unanga tatu, udi unanga kabidi ne bana bende.

Mukanda wa Nzambi Dihungila Dikulukulu ne Dihungila Dihia-dihia 2003

¹ Muntu yonso udi witabusha ne, Yesu udi Kilisto udi muledibue kudi Nzambi; ne muntu yonso udi unanga wakamulela udi unanga kabidi wakuledibua kudiye.

1 Yone 5:1 Referans Kwoze

1 Yone 2:29

Nudi bamanye ne: Kristu ki mmuenze bualu bubi nansha bumue. Nanku nudi ne bua kumanya kabidi ne: muntu yonsu udi wenza malu mimpe, udi muana wa Mvidi Mukulu.

Yowanane 8:42

Yezu kubandamuna ne: — Bu Mvidi Mukulu muikale Tatuenu bulelela, nuvua mua kunnanga. Bualu meme ndi mutumine kudi Mvidi Mukulu. Ndi panuapa mu dina diende. Tshiena mudivuile mu dina dianyi to. Kadi yeye ke uvua muntume.

1 Yone 4:7

Balunda banyi, tunangangane, bualu dinanga didi difume kudi Mvidi Mukulu. Muntu yonsu udi unanga, udi muana wa Mvidi Mukulu, kabidi mmumanye Mvidi Mukulu.

1 Yone 3:14

Tudi bamanye ne: tudi bapatuke mu lufu, bua kubuela mu muoyi. Tudi bajadike nanku, bualu tudi tunanga bana hetu. Udi kayi unanga, utshidi mu lufu.

1 Yone 5:4

Bualu muana yonsu wa Mvidi Mukulu udi mua kutshimuna bukua panu. Nanku netutshimune bukua panu, amu patudi tuitaba.

1 Yone 4:20

Muntu udi wamba ne: “Ndi munange Mvidi Mukulu,” kadi ukina muanabu, mmuena dishima. Bualu kena mua kunanga Mvidi Mukulu udiye kayi umona, padiye ukina muanabu udiye umona.

1 Yone 3:9

Muntu yonsu udi muana wa Mvidi Mukulu, udi ulekela kuenza malu mabi, bualu bukole bua muoyi budi bufuma kudi Mvidi Mukulu budi munda muende. Bu mudi Mvidi Mukulu Tatuende, kena mua kutungunuka ne dienza malu mabi to.

Yowanane 3:3

Yezu kumuandamuna ne: — Ndi nkuambila bulelela ne: muntu nansha umue kena mua kumona Bukalenga bua Mvidi Mukulu kabayi bamulele tshiakabidi.

Matayi 16:16

Simone Petro kuandamuna ne: — Wewe udi Kristu, Muana wa Mvidi Mukulu udi ne muoyi.

1 Yone 2:10

Amu muntu udi unanga muanabu, ke udi wenda mu butoke. Nanku munda muende kamuena bualu nansha bumue budi mua kufikisha muntu mukuabu ku dienza bibi to.

Yowanane 15:23

Muntu udi unkina, mmukine kabidi ne Tatu wanyi.

1 Yone 4:2

Munudi mua kumanya ne: Mueyelu ewu ngwa Mvidi Mukulu, mudi nenku: muntu yonsu udi ujikula patoke ne: Yezu Kristu mmudienze muntu menemene, udi ne Mueyelu wa Mvidi Mukulu.

1 Petro 1:3

Tutumbishayi Mvidi Mukulu, Tatu wa Mfumu wetu Yezu Kristu! Bu mudiye ne luse luvule, mmutupe muoyi mupiamupia pa kubisha Yezu Kristu ku bafue. Ke mutudi mua kutekemena bikole,

Yakobe 1:18

Ku disua diende mmutupe muoyi ku muaku wende mulelela, bua tupete muaba wa kumpala munkatshi mua bifukibua biende bionsu.

Yowanane 6:69

Mpindiewu tudi tuitaba, tumanya ne: wewe ke wa Tshijila udi mufume kudi Mvidi Mukulu.

1 Yone 3:17

Pikala muntu muena biuma mumone muanabu mu dikenga, kadi upapija muoyi wende, mmunyi mudiye mua kuamba ne: ndi munange Mvidi Mukulu?

Bienzedi 8:36

Baya too, kufikabu muaba uvua mayi. Muena Kushe kuambila Filipe ne: — Ke mayi aa. Tshidi tshikandika bua kuntuamu ntshinyi? [

Yowanane 1:3

Mvidi Mukulu uvua mufuke bintu bionsu ne Muaku. Kakuvua tshintu nansha tshimue tshivua Mvidi Mukulu kayi mufuke ne Muaku.

1 Yone 5:5

Udi mua kutshimuna bukua panu nnganyi? Amu muntu udi witaba ne: Yezu udi Muana wa Mvidi Mukulu.

1 Yone 5:18

Tudi bamanye ne: muana wa Mvidi Mukulu nansha umue kena utungunuka ne dienza dia malu mabi, bualu Muana wa Mvidi Mukulu udi umulama. Nanku Muena bubi kena mua kumuenzela bualu.

Luke 7:5

Udi munange tshisamba tshietu. Yeye mene ke uvua muibakishe nzubu wetu wa kutendelela.

Bienzedi 8:37

Filipe kumuandamuna ne: — Pawikala muitabe ne muoyi webe mujima, badi mua kukutua mu mayi. Ke muntu awu kuandamuna ne: — Ndi ngitaba ne: Yezu-Kristu ke Muana wa Mvidi Mukulu!]