1 Yone 2:5 - MUKANDA WA MYIDI MUKULU

⁵ Kadi muntu udi utumikila muaku wa Mvidi Mukulu, ke muntu udi unanga Mvidi Mukulu muende muonsu. Tshidi mua kutujadikila ne: tudi mu bobumue ne Mvidi Mukulu, ngetshi:

Mukanda wa Nzambi Dihungila Dikulukulu ne Dihungila Dihia-dihia 2003

⁵ Kadi muntu utu walama dî diandi, bulelela, dinanga dia Nzambi diakumana kukumbana munda muandi tshishiki. Mu bualu ebu tudi bamanye ne, Tudi munda muandi;

1 Yone 2:5 Referans Kwoze

Yowanane 14:23

Yezu kumuandamuna ne: — Muntu udi munnange, neakumbaje bindi ngamba. Tatu wanyi neamunange. Tatu wanyi ne meme netuye kudiye, netusombe munda muende.

Yowanane 14:21

Muntu udi ulama mikenji yanyi, uyitumikila, ke udi munnange. Muntu udi munnange, Tatu wanyi neamunange. Meme kabidi nemmunange, nendileje kudiye.

Luke 11:28

Kadi Yezu kumuandamuna ne: — To! Badi bateleja muaku wa Mvidi Mukulu, baukumbaja, ke bena diakalenga!

1 Yone 3:24

Muntu udi utumikila mikenji ya Mvidi Mukulu, udi ushala munda mua Mvidi Mukulu, ne Mvidi Mukulu udi ushala munda muende. Tudi bajadike mudi Mvidi Mukulu ushala munda muetu, bualu mmutupe Mueyelu wende wa Tshijila.

Misambu 119:2

Bantu badi balonda mikenji yende, bamutumikila ne muoyi wabu mujima, badi ne disanka!

Didimanyisha 14:12

Ke padi bantu ba Mvidi Mukulu, badi bakumbaja mikenji yende, kabidi bitaba Yezu, ne bua kunanukila, kulama lutuulu.

1 Yone 5:2

Tudi bamanye mutudi banange bana ba Mvidi Mukulu, patudi tunanga Mvidi Mukulu, tulonda kabidi mikenji yende.

Yowanane 15:5

Ndi mutshi wa nwinyo. Nuenu nudi matamba. Muntu udi ushala mudisange nanyi, kabidi undi ndisanga nende, neakuame bimuma bia bungi. Bualu nuenu kanuyi nanyi, kanuena mua kuenza bualu nansha bumue.

Yezekiyele 36:27

Nenteke Mueyelu wanyi munda muenu. Nenku nennuambuluishe bua nuitabe meyi anyi, nulame mikenji imvua munupe, nuyikumbaja.

1 Yone 4:18

Mu dinanga kamuena bowa. Dinanga dia menemene didi diumusha bowa. Nanku muntu udi ne bowa, kena ne dinanga dia menemene. Bualu udi ne bowa, udi utshina dinyoka.

Misambu 119:146

Ndi nkubila, fika ungambuluishe, ndame meyi ebe.

2 Korente 5:17

Padi muntu udisanga ne Kristu, ukadi muntu mupiamupia: bikulukulu mbimane kushila bipiabipia muaba.

Didimanyisha 12:17

Nyoka kufikila mukaji munda bikole. Kuyaye kuluisha ndelanganyi ya mukaji ivua mishale. Ke bantu bonsu badi batumikila mikenji ya Mvidi Mukulu, bitabe malu malelela avua Yezu mumanyishe.

1 Yone 5:20

Tudi bamanye ne: Muana wa Mvidi Mukulu mmufike. mMutupeshe lungenyi, bua mmanye Mvidi Mukulu mulelela. Tudi mu bobumue ne Mvidi Mukulu mulelela kudi Muanende Yezu Kristu. Yezu Kristu ke Mvidi Mukulu mulelela. Yeye ke muoyi wa kashidi.

1 Korente 1:30

Kadi Mvidi Mukulu mmunusange ne Yezu Kristu. mMuenze Kristu meji etu. Kristu udi utubingisha kumpala kua Mvidi Mukulu, utuenza bantu bende ba tshijila, utupikula kabidi ku bubi.

Rome 8:1

Nanku mpindiewu kabena bapisha kabidi badi badisanga ne Yezu Kristu.

Yakobe 2:22

Udi mumone ne: ditaba dia Abrahame ne bivuaye muenze bidi bienda pamue. Ditaba diende divua dienda dishindama tshishiki ku malu avuaye wenza.

2 Korente 5:21

Kristu kavua muenze bualu bubi to. Kadi Mvidi Mukulu mmuteke bubi buetu pambidi pende, bua amone mua kutubingisha kumpala kuende, patudi badisange ne Kristu.

Yowanane 6:56

Udi udia mubidi wanyi, unua mashi anyi, udi ne muoyi munda muanyi, meme kabidi ndi ne muoyi munda muende.

Muambi 8:5

Muntu udi witaba diyi diende, kakumona bualu bubi to. Kadi muntu wa meji udi mumanye bidiye ne bua kuenza, kabidi diba didiye ne bua kubienza.

Misambu 106:3

Badi bakosa nsambu biakane, ne badi benza malu makane misangu yonsu badi ne disanka.

Nsumuinu 8:32

“Kadi mpindiewu, bana banyi, ntelejayi. Panuikala nulonda mibelu yanyi, nenupete diakalenga.

Misambu 119:4

Wewe Maweja-Nangila, udi mumanyishe bantu mikenji yebe, bua bayilame.

Nsumuinu 28:7

Muana udi ulama mikenji ya Mvidi Mukulu mmuana wa lungenyi. Kadi muana udi wendakana ne balunda babi udi ufuisha tatuende bundu.

Misambu 105:45

bua kulondabu mikenji yende, ne kulonda malongesha ende. Tumbishayi Maweja-Nangila, Aleluya!

1 Yone 4:17

Pikala dinanga dimueneka menemene munda muetu, netuikale ne dikima dituku dia Tshilumbuluilu. Bualu nsombelu wetu wa panu mmufuanangane ne wa Yezu Kristu.

2 Yone 1:6

Dinanga dindi ngamba didi nenku: tulonde mikenji ya Mvidi Mukulu. Mukenji, munudi baupete biangatshile ku ntuadijilu, udi ne: nunangangane.