1 Yone 2:1 - MUKANDA WA MYIDI MUKULU

¹ Bana banyi, ndi nnufundila malu aa, bua kanuenji bibi. Kadi pikala muntu wenza bibi, tudi ne mutulumbuluidi wetu kudi Tatu: ke Yezu Kristu udi kayi ne tshilema.

Mukanda wa Nzambi Dihungila Dikulukulu ne Dihungila Dihia-dihia 2003

¹ Bana banyi bakese, ndi nufundila malu â bua nuenu kanuenji bibi. Bienza muntu mukuabo bibi, tudi ne Muakuidi kudi Tatu, Yesu Kilisto udi muakane;

1 Yone 2:1 Referans Kwoze

1 Timote 2:5

Mvidi Mukulu udi umuepele. Mudi kabidi mutuangaji umuepele pankatshi pa Mvidi Mukulu ne bantu, ke muntu Yezu Kristu.

Rome 8:34

Nanku udi mua kubapisha nnganyi? Muntu nansha umue! Bualu Yezu Kristu mmufue, mubike kabidi. Udi ku dia bukole dia Mvidi Mukulu, utuakuila.

Yowanane 14:6

Yezu kumuandamuna ne: — Ndi njila, ndi bulelela, ndi muoyi. Muntu nansha umue kena mua kuya kudi Tatu kayi mupitshile kundi.

2 Korente 5:21

Kristu kavua muenze bualu bubi to. Kadi Mvidi Mukulu mmuteke bubi buetu pambidi pende, bua amone mua kutubingisha kumpala kuende, patudi badisange ne Kristu.

1 Yone 4:4

Kadi nuenu, bana banyi, nudi bantu ba Mvidi Mukulu. Nukadi batshimune bambi ba dishima. Bualu Mueyelu udi munda muenu udi ne bukole bupite bua mueyelu udi munda mua bena panu.

1 Yone 3:18

Bana banyi, katuena mua kunangangana amu ne mayuki ne miaku bia patupu. Kadi tudi ne bua kuleja dinanga dietu patoke ku bitudi tuenza.

1 Yone 3:7

Bana banyi, muntu kanushimi! Muntu udi wenza malu makane, udi muakane, mudi Yezu Kristu muakane.

Yowanane 8:11

Mukaji kuandamuna ne: — Mulongeshi, kakuena muntu uvua mumpishe. Ke Yezu kumuambila ne: — Nansha meme kabidi tshiena nkupisha to. Udi mua kumuka, kadi kuenji kabidi bualu bubi to.]

Ebrewu 9:24

Bualu Kristu kena mubuele muaba wa tshijila muasa kudi bantu, uvua amu tshimfuanyi tshia muaba mulelela. Kadi mmubuele mu diulu menemene, mudiye udileja kumpala kua Mvidi Mukulu bualu buetu.

1 Yone 3:5

Nudi bamanye ne: Yezu Kristu wakamueneka bua kumusha bubi. Munda muende kamuena bubi to.

Efeze 2:18

Bualu bua Kristu, tuetu bonsu, bena Yuda ne bantu ba bisamba bikuabu, bonsu basanga kudi Mueyelu wa Tshijila, tudi mua kusemena pabuipi ne Mvidi Mukulu.

Yowanane 6:27

Kanukuatshi mudimu bua biakudia bidi binyanguka. Kadi nuenze mudimu bua biakudia bidi bishala, bifikisha bantu ku muoyi wa kashidi. Muana wa muntu neanupe biakudia abi, bualu Mvidi Mukulu Tatu mmumutue tshitampi tshia bumfumu buende.

Yezekiyele 3:21

Kadi wewe mudimuje muntu muakane bua alekele bibi, yeye muitabe bua kubilekela, neashale ne muoyi bualu bua mibelu yebe. Nanku wewe pebe kuakufua to.

1 Petro 3:18

Bualu Kristu mene mmufue musangu umue bua kashidi, bualu bua mibi ya bantu. Yeye, uvua kayi ne bualu, mmufuile bena tshibawu, bua kunufikisha kudi Mvidi Mukulu. mBamushipe, bualu uvua muntu. Kadi mbamubishe ku bafue ku bukole bua Mueyelu wa Tshijila.

Efeze 4:26

Panudi ne tshiji, kanuenji bibi. Tshiji tshienu katshinengi too ne ku dilolu.

Ngalate 4:19

Bana banyi basuibue, bu mudi mukaji ukenga bua kulela muana, ke mundi nkenga tshiakabidi bualu buenu, bua Kristu amueneke patoke munda muenu.

Yowanane 5:36

Kadi meme, malu adi ajadika bulelela buanyi mmapite avua ajadika bulelela bua Yowanane. Malu andi ngenza, adi Tatu mumpeshe bua kuenza, ke adi ajadika bulelela buanyi, aleja kabidi ne: Tatu mmuntume.

Luke 10:22

“Tatu wanyi mmumpeshe bintu bionsu. Kakuena muntu udi mumanye Muana, anu Tatu nkayende. Kakuena muntu udi mumanye Tatu, anu Muana nkayende, kabidi ne bantu badi Muana musue kumanyisha Tatuende.”

1 Petro 2:22

Kristu kavua muenze malu mabi. Bantu kabavua bamumvue musangu nansha umue wakula miaku ya dishima.

1 Korente 15:34

Mbimpe nupete tshiakabidi meji mempe. Lekelayi kuenza malu mabi. Bamue ba kunudi kabena bamanye Mvidi Mukulu to, ke bundu buenu!

Yowanane 5:14

Pashishe Yezu kusambakena ne muntu awu mu nzubu wa Mvidi Mukulu. Kumuambilaye ne: — Teleja. Disama diebe ndijike mpindiewu. Kuenji bualu bubi kabidi, bua bualu bupite bubi kabukukuatshi nansha.

Zekâya 9:9

Yerushalayime, sanka bikole! Wewe tshimenga tshia Siyone, ela tunkunduluila! Tangila mudi mukalenga webe ukuvuila. Udi uvua kukusungidila, kukosa nsambu pa yoyi. Kadi kena uditambisha to! Udi mubande pa nyama wa mpunde, pa muana wa mpunde mukaji.

Yakobe 1:27

Bantu badi banemeka Mvidi Mukulu Tatu menemene, ke badi bambuluisha bana ba nshiya, ne bakaji bakamba, mu makenga abu, badilama ku bubi buonsu budi bufuma panu.

Misambu 4:4

Numanye ne: Maweja-Nangila mmusungule muntu udi umulamata. Pandi mmubikila, udi unteleja.

1 Yone 5:21

Bana banyi, kanubuelakanyi ne mvidie ya dishima!

Yakobe 3:9

Tudi tuela nalu Maweja-Nangila Tatu wetu tuasakidila. Kadi tudi tutshipa nalu bantu badi Mvidi Mukulu mufuke ku tshimfuanyi tshiende.

Rome 6:15

Kadi bualu ebu budi bishi? Tuye kuenza malu mabi, bualu katuena kabidi ku bumfumu bua mikenji, kadi amu bua dinanga divua Mvidi Mukulu mutuleje anyi? Nansha kakese!

Yowanane 13:33

Bana banyi, ntshidi nenu kabidi amu bua meba makese. Nenunkebe. Kadi ndi nnuambila mpindiewu bimvua muambile bena Yuda ne: kanuena mua kuya kundi nya.

1 Timote 3:14

Ndi nkufundila mukanda ewu, kadi ndi ntekemena kufika bua kumonangana nebe matuku makese aa.

Yowanane 21:5

Yezu kubakonka ne: — Bana banyi, nudi bakuate mishipa anyi? Bobu kumuandamuna ne: — To.

Yowanane 14:16

Nendombe Tatu bua anupe udi mua kunuambuluisha, Mueyelu wa bulelela bua wikale nenu kashidi.

Bienzedi 7:52

Kudi muambi uvua bankambua benu kabayi bakengeshe anyi? Bavua bashipe bantu bavua babamanyishe ne: Muena buakane neafike. Ke Yeye unudi bapangile, bashipe kabidi mpindiewu!

Rome 5:10

Tuvua baluishi ba Mvidi Mukulu. Kadi ku lufu lua Muanende, Mvidi Mukulu mmupingaje diulu vuangana pankatshi petu nende. Nanku mpindiewu bamane kupingaja diumvuangana pankatshi petu nende, netupete lupandu ku muoyi wa Muanende.

1 Yone 5:17

Tshilema tshionsu mbubi. Kadi kudi bubi budi kabuyi bufikisha ku lufu.

3 Yone 1:4

Tshidi tshipite kunsankisha, mpandi ngumvua ne: bana banyi badi benda mu njila wa bulelela.