1 Timote 6:5 - MUKANDA WA MYIDI MUKULU

⁵ dielangana mpata ne munanunanu ne bantu badi ne lungenyi lunyanguke, kabatshiyi bamanye bulelela. Bualu badi bela meji ne: kuenzela Mvidi Mukulu mudimu mmuaba wa kupeta biuma.

Mukanda wa Nzambi Dihungila Dikulukulu ne Dihungila Dihia-dihia 2003

⁵ ne kutandangana kua bantu badi ne meshi abo moneka, ne bualu bulelela bumushibua munda muabo, badi batshinka ne, Buimpe bua Nzambi ntshihetelu tshia luhetu.

1 Timote 6:5 Referans Kwoze

2 Timote 3:5

Nebamueneke ku mesu bu bantu badi bitaba Mvidi Mukulu, kadi mundamunda muabu kabayi bamanye bukole bua badi bamuitaba. Nanku umuke kudi bantu abu!

2 Petro 2:3

Bu mudibu ne lukuka lua biuma, balongeshi ba dishima aba nebanuelele nsumuinu ifuma ku meji a bantu, bua bapete bintu bienu. Kadi Mukoshi wabu wa nsambu ukadi mumane kujadika tshibawu tshiabu. Neababutule lukasa, kayi ujingakana.

Tite 1:11

Nanku ubakandike, ubabuikidije mukana, bualu badi bajula bimvundu mu meku majima, balongesha malu adi kaayi makane, anu bua kupeta biuma mushindu mubi.

2 Timote 3:8

Bu muvua Yanese ne Yambrese batombokele Moshe, ke mudi bantu abu babenga bulelela. Lungenyi lua bantu abu ndunyanguke. Ditaba diabu didi patupu.

1 Timote 6:6

Bulelela, kuenzela Mvidi Mukulu mudimu nekunemeshe muntu, padiye usanka ne bidiye nabi.

1 Timote 3:3

Kikadi munuavi, nansha musue mvita. Kadi ikale muena bupole, muntu wa disanka, kayi mutshima wa biuma.

Matayi 23:13

— Nuenu balongeshi ba mikenji ne Baparushe, nudi bena diakabi, bualu nudi bena mpala ibidi! Nudi nupangisha bantu, bua kababuedi mu Bukalenga bua mu diulu. Nuenu mene kanuena numubuela. Kanuena nansha banyishe bua babuelemu kudi badi bakeba kubuela. [

Matayi 12:33

— Wewe musue kupeta bimuma bimpe, wikale ne mutshi muimpe. Wewe ne mutshi mubi, neupete bimuma bibi. Bualu badi bamanyina mutshi ku bimuma biawu.

1 Timote 1:6

Bantu bakuabu badi bapambuke mu njila ewu, baditua ku mpata ya tshianana.

Didimanyisha 18:3

Bualu tshimenga etshi tshivua tshinuishe bisamba bionsu maluvu atshi, maluvu makole a buendenda buatshi bubi. Bakalenga ba pa buloba bavua benza natshi malu a bundu.’ Bangenda mushinga ba pa buloba bavua banema ne bintu bimpe kabiyi kubala, bivuatshi nabi.”

Yuda 1:11

Bantu abu mbena diakabi. mBabuele mu njila wa Kayine; mbapambuke mu njila, bu Balaame, bua lukuka lua biuma. mBabutuke, bualu bavua batomboka, bu muvua Kora muenze.

2 Petro 2:15

Badi bantu bapambuke. mBumuke mu njila mululame bua kulonda njila mubi, uvuabu balonda kudi Balaame, muana wa Bozore, uvua munange makuta avuabu ne bua kumufuta bua malu ende mabi.

1 Timote 3:8

Bambuluishi ba balombodi kabidi badi ne bua kudinemeka. Bikale kabidi bena diyi dimue. Kabikadi banuavi, nansha bantu badi bakeba kupeta biuma mu njila mibi.

2 Tesalonike 3:6

Bana hetu, tudi Umulomba mu dina dia Mfumu Yezu Kristu ne: umbukayi kudi bana hetu bonsu badi kabayi bakuata mudimu,

Matayi 21:13

Pashishe kubambilaye ne: — Mikanda ya tshijila idi yamba ne: “Nebi-nyike nzubu wanyi ne: ngwa ditendelela.” Kadi nuenu nukadi bamuandamune muaba wa buivi!

Yezekiyele 33:31

Nanku bantu ba mu tshisamba tshianyi badi basangila bua kukuteleja. Badi bakuteleja, kadi kabena benza biudi ubambila to. Badi benza anu bidibu basue, balonda majinga abu.

Yirmeya 8:10

Maweja-Nangila udi wamba ne: Bakaji babu, nembafile kudi bakuabu. Madimi abu, nengafile kudi badimi bakuabu. Bualu bantu bonsu, bana ne bantu bakole, badi amu ne lukuka lua biuma. Muambi ne mutuangaji, bonsu badi anu badingangana.

Yirmeya 6:13

Bualu bantu aba bonsu, bana ne bantu bakole, badi amu ne lukuka lua bintu, bakeba biuma ne buivi. Bambi ne batuangaji mene badi amu badinga bantu.

Yeshaya 56:11

Badi kabidi bu mbua idi ne lumpukusu, idi idia kayiyi yukuta. Badi amu ne dina patupu dia balami ba mikoku! Kadi kabena bajingulula bualu nansha bumue. Badi benza amu mudibu basue. Muntu yonsu wa kudibu udi udikebela amu tshiende tshidiye ujinga.

Didimanyisha 18:13

bintu bishilangane bia kulunga nabi biakudia; manananshi, musenga wa kamonya; maluvu, mafuta, bukula ne ntete ya kuenza bukula; ngombe ne mikoku, nyama ya tubalu ne matempu; bapika ne bantu bakuabu bena mudimu.

1 Korente 11:16

Kadi pikala muntu musue kutontolola bindi ngamba, tshintu tshimuepele tshindi musue kuamba tshidi amu ne: nansha tuetu, nansha Bisumbu bia bena ditaba, katuena ne tshibidilu tshikuabu, patudi tutendelela Mvidi Mukulu.

1 Timote 4:7

Kadi ubenge nsumuinu ya butshimbakane, idi ibengangana ne ditaba. Enza amu muebe muonsu bua ulamate Mvidi Mukulu.

1 Timote 4:8

Manaya a kuibidija mubidi adi mimpe, alengelela bantu, kadi amu kakese. Kadi kutumikila Mvidi Mukulu kudi kubambuluisha mu bionsu, bualu kudi kutulaya muoyi bua mpindiewu, ne bua matuku atshidi kumpala.