1 Timote 5:6 - MUKANDA WA MYIDI MUKULU

⁶ Kadi mukaji mukamba utshidi ne milowu, nansha yeye ne muoyi, mmufue.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Kadi yeye wa mu lufuila udi ukeba anu bua kudisankisha udi mufue hatshidiye ne muoyo.

1 Timote 5:6 Referans Kwoze

Yakobe 5:5

Nuvua basombe pa buloba mu biuma ne masanka. Nudi nudia nuondoloka. Kadi dituku dia kunushipa dikadi pabuipi.

Didimanyisha 18:7

Numubungamije, munukengeshe, bilondeshile muvuaye uditemba bua lumu ne bubanji bivuaye nabi. Uvua udiamba ne: ‘Meme apa ndi Mukalenga mukaji. Tshiena mukamba to. Makenga kaakunkuata to.’

Didimanyisha 3:1

— Fundila mutumibue wa Tshisumbu tshia bena ditaba ba mu Sardeze ne: “Udi ne mieyelu muanda mutekete ya Mvidi Mukulu, ne mitotu muanda mutekete, udi wamba ne: Ndi mumanye bionsu biudi wenza. Ndi mumanye mudi bantu bela meji ne: udi ne muoyi, eku wewe mufue.

Luke 15:24

Bualu muananyi ewu ukavua mufue, mmubiike ku lufu. Ukavua mujimine, mbamumonyi.” Kutuadijabu kusanka.

Luke 15:32

Kadi tuvua ne bua kuenza tshibilu etshi, kusanka, bualu muanenu ewu ukavua mufue, mmubiike ku lufu; ukavua mujimine, mbamumonyi.”

Efeze 5:14

Bualu bidibu basokolola patoke, bidi bienza butoke. Ke mudibu bamba ne: “Wewe udi mulale, tabala, juka ku bafue. Kristu neakuludike mu butoke buende.

Efeze 2:1

Kale nuvua bafue bua bilema bienu, ne bua mibi yenu.

Luke 15:13

Munkatshi mua matuku makese muana muakunyi kupana bintu biende bionsu, kuya ne makuta ku ditunga dia kule. Kuine aku uvua wenza buenzayi, utulakaja biuma biende.

Matayi 8:22

Yezu kumuandamuna ne: — Katuye, lekela bafue bajike bafue babu.

Kolose 2:13

Ku kale nuvua bafue, bualu kabavua banuteke panshi, momumue ne: nuvua badine mu bubi. Kadi mpindiewu Mvidi Mukulu mmunubishe pamue ne Kristu. mMutujimijile mibi yetu yonsu.

Efeze 2:5

Ke muvuaye mutubishe pamue ne Kristu, diba dituvua bafue bua malu etu mabi. mMutupandishe amu ku luse luende patupu.

Luke 12:19

Nengambe ne: Disanka kaayi! Ndi ne bintu bivule bidi mua kungambuluisha bidimu ne bidimu. Mpindiewu ndi mua kuikisha, kudia, kunua, kuondoloka.”

Luke 7:25

Nenku tshinuvua baye kumona ntshinyi? mMuntu muvuale bilenga anyi? Kadi badi bavuala bilamba bilenga, basanka ne bintu bia mushinga mukole, badi basomba mu nzubu minene ya bakalenga.

Muadi 4:5

Bavua badia bimpe, bakadi bafua ne nzala mu misesu. Bavua badia bimpe, buukuta misangu yonsu, bakadi bangula bintu bia ku dyala.

Yirmeya 6:2

Tshimenga tshia Siyone ntshimpe tshitambe. Kadi nebatshibutule.

Yeshaya 47:1

Maweja-Nangila udi wamba ne: Wewe Babilone, tuluka mu nkuasa webe wa lumu. Somba mu lupuishi. Eyowa, somba panshi pa buloba, bualu kutshiena mukalenga mukaji to. Udi mujimije mianzu yebe, kabatshiena bakuinyika ne: “Babilone, mukaji mulengele”, “Babilone, nsongakaji muimpe”.

Yeshaya 22:13

Kadi nuenu kusanka amu kusanka, kushipa ngombe, kukosa mikoku mitu, kudia minyinyi, kunua maluvu… Nuenu kuamba ne: “Tudiayi, tunuayi, bualu malaba netufue.”

Nsumuinu 29:21

Mupika uudi wengeleka biangatshile ku buana, ku ndekelu neakebe kupiana bintu biebe bionsu.

1 Samuele 25:6

Numuambile ne: “Tshidimu etshi tshikulengelele!

1 Samuele 15:32

Ke Samuwele kutuma diyi bua bafike ne Agage, mukalenga wa bena Amaleke. Agage kufika ne disanka bualu uvua wela meji ne: “Ndi mumane kupanda ku lufu.”

Dielulula 28:56

Diba adi, mukaji wa muoyi muimpe, wa kanemu, neenze mushindu wa momumue. Uvua mubanji, kavua musue kuenda nansha ku makasa. Kadi mpindiewu newoshe bayende ne bana badiye mushale nabu ba balume ne ba bakaji, disu dia lonji.

Dielulula 28:54

Diba adi, muntu wa kunudi udi ne muoyi muimpe, wa kanemu, newoshe muanabu, nansha bana badiye mushale nabu, nansha mukajende, disu dia lonji.

Luke 16:19

— Kuvua muena biuma uvuala bilamba bimpe bia mushinga mukole. Dituku dionsu uvua udia bilenga, usanka.

Genese 2:17

Kadi kuena mua kudia bimuma bia mutshi wa kujingulula malu mempe ne malu mabi. Dituku divuadia bimuma bia mutshi awu, tshiebe ndufu.”

2 Timote 3:6

Bamue ba kudibu badi babuela mu nzubu ya bende, batekesha bakaji bena bitabataba, badi banyingalala bua mibi ivuabu benze kale, batua eku ne eku ne majinga a mishindu yonsu.