1 Timote 5:1 - MUKANDA WA MYIDI MUKULU

¹ Kubedi mukulumpe ne lonji nansha. Kadi uyukile nende, mumutangile bu tatuebe. Uyukile ne bansonga, mubatangile bu bana benu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Kubedi muntu mununu, kadi umutendekene bu tatu webe mukuledi; usengelele bansongalume bu bena mulongo webe;

1 Timote 5:1 Referans Kwoze

Lewitiki 19:32

“Panudi numona muntu mukulumpe, nujuke kulu ne kanemu. Nuleje munudi nunnemeka. Bualu meme ndi Maweja-Nangila Mvidi Mukulu wenu.

Tite 2:2

Longesha bantu bakulakaje bua badilame bimpe, badinemeke, bikale bena meji, bashindame mu ditaba, mu dinanga ne mu lutuulu.

1 Petro 5:1

Bindi ngakula mpindiewu, bidi bitangila bantu ba munkatshi muenu badi bakulu ba Tshisumbu tshia bena ditaba. Meme kabidi ndi mukulu. Mvua mumone ne anyi abidi makenga a Kristu. Nendisange kabidi nende mu butumbi buende bukadi pa kumueneka. Nanku ndi ngambila bakulu ne:

Ngalate 6:1

Bana hetu, bu mudi Mueyelu unulombola, nuenu bajikile muntu wenza bualu bubi, numupingaje mu njila mululame ne miaku mimpe. Yonsu wa kunudi amanye ne: badi mua kunteta ne meme kabidi.

Tite 2:6

Ubele kabidi bansonga bua bikale ne meji.

Matayi 23:8

Kadi nuenu kabanubikidi ne: “Mulongeshi.” Bualu nudi bonsu bantu bamue. Mulongeshi wenu udi amu umue.

1 Timote 5:17

Bakulu badi balombola bimpe Tshisumbu tshia bena ditaba, mbakumbanyine mafutu misangu ibidi, nangananga badi batata bua kumanyisha bantu muaku wa Mvidi Mukulu, kubumvuijawu.

Rome 13:7

Nulambuile bonsu binudi ne bua kubalambuila. Nulambule tshitadi kudi udi utshilambuisha. Nufute binudi ne bua kuhita. Nutshine unudi ne bua kutshina. Nunemeke unudi ne bua kunemeka.

Bienzedi 15:4

Bamane kufika mu Yerushalayime, kubakidilabu kudi Tshisumbu tshia bena ditaba, bapostolu ne bakulu. Ke bobu kubalondela bionsu bivua Mvidi Mukulu muenze mu bianza biabu.

Bienzedi 14:23

Bavua bateka bakulu mu Tshisumbu tshionsu tshia bena ditaba. Bamane kujila biakudia, kutendelelabu Mvidi Mukulu amue matuku. Pashishe kubatekabu mu bianza bia Mfumu, uvuabu bitabe.

Didimanyisha 4:4

Nkuasa ya butumbi mikuabu makumi abidi ne inayi ivua miele nkuasa wa butumbi awu munkatshi. Bakulu makumi abidi ne banayi bavua basombe mu nkuasa ayi, bavuale bilamba bitoke, basa ne bilulu bia bukalenga bienza ne mpawungi.

3 Yone 1:1

Meme Mukulu, ndi mfundila Ngayuse wanyi, undi mupite kunanga, mukanda ewu.

2 Yone 1:1

Meme Mukulu, ndi mfundila Mukaji musungula kudi Mvidi Mukulu, kabidi ne bana bende, mukanda ewu. Ndi mupite kununanga. Tshiena mununange amu meme nkayanyi to. Banunange kabidi kudi bonsu badi bamanye bulelela.

Yakobe 5:14

Padi umue wa kunudi usama, abikile bakulu ba Tshisumbu tshia bena ditaba. Bamulombele kudi Mfumu, bamufite manyi mu dina dia Mfumu.

Yakobe 3:17

Kadi meji a kulu kaena kalema. Adi akeba bupole, akidila bantu bimpe, aleja musangelu, afuila bantu luse, enza malu mimpe mavule. Kaena adiwula muntu, kaena ne mioyi ibidi.

Bienzedi 20:17

Pavua Polu mu Milete, kutumaye bantu mu Efeze bua kubikila bakulu ba Tshisumbu tshia bena ditaba.

Bienzedi 15:6

Ke bapostolu ne bakulu kusangila bua kutangila tshilumbu atshi.

Dielulula 33:9

Bena levi mbakunange wewe Maweja-Nangila, bipite mudibu bananga baledi babu, bena meku abu, nansha bana babu badibu balele. Ke muvuabu bakumbaje mikenji yebe, banemeke nanku ndondu webe.

1 Timote 5:2

Uyukile ne bakaji bakulumpe, mubatangile bu bamamuebe; ne bansongakaji, mubatangile bu bana benu ba bakaji, baudi ne bua kunemeka.