1 Timote 4:7 - MUKANDA WA MYIDI MUKULU

⁷ Kadi ubenge nsumuinu ya butshimbakane, idi ibengangana ne ditaba. Enza amu muebe muonsu bua ulamate Mvidi Mukulu.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Kadi uhidie nsumuinu ya malu a hatuhu a bakashi bakulukashi. Udienzeshe bua kuheta malu a buimpe bua Nzambi.

1 Timote 4:7 Referans Kwoze

1 Timote 1:4

Kabakebi kumanya mianu ne mena mulongulongu bia bankambua, bidi bijula amu milandu ya patupu. Bionsu abi kabiena bitungunuja mudimu wa Mvidi Mukulu wa kusungidila bantu. Muntu udi upeta lupandu amu ku ditaba.

2 Timote 2:16

Epuka ku biakulakula bia patupu bidi bibengangana ne ditaba. Bualu badi babiakula nebumbuke ku kakese ku kakese kudi Mvidi Mukulu.

Tite 2:12

Dinanga edi didi ditulongesha mua kuela nyima ku malu mabi, ne ku nkuka ya pa buloba, bua tuikale bena meji, tuenze bidi Mvidi Mukulu musue, tumuitabe.

Tite 3:9

Kadi lekela kuelangana mpata ya tshianana, kulondolola ndelanganyi mulongulongu ya bankambua, matandu ne mpata bia pa mikenji. Ebi kabiena biambuluisha nansha kakese.

Ebrewu 5:14

Kadi biakudia bikole mbifundile bantu bakole. Bobu bakadi bibidile kujingulula bidi bimpe ne bidi bibi mu malu amonamonabu.

2 Timote 2:23

Kadi ubenge mpata ya bupale ne butshimbakane. Umanye ne: ndekelu wayi udi amu matandu.

2 Timote 4:4

Kabakuteleja kabidi malu malelela to. Nebaabenge bua kuteleja ne ntema yonsu mianu.

1 Timote 6:11

Kadi wewe, muntu wa Mvidi Mukulu, epuka ku bionsu abi. Enza tshidi Mvidi Mukulu musue, umulamate, ulonde amu njila wa ditaba, wa dinanga, wa lutulu ne wa bupole.

Bienzedi 24:16

Ke pandi ngenza muanyi muonsu, bua kondu kanyi ka munda kikale katalale kumpala kua Mvidi Mukulu ne kua bantu.

1 Timote 6:20

Timote wanyi, lama biakane tshivuabu bakupeshe. Epela biakulakula bia bantu badi baluisha ditaba, badiamba ne: tudi ne dimanya, padibu kabayi bamanye.

Tite 1:14

Kabalamatshi kabidi ku nsumuinu ya bena Yuda, nansha ku mikenji ivuabu bele kudi bantu badi babenga bulelela.

2 Timote 3:12

Bantu bonsu badi basue kuitaba Mvidi Mukulu ne muoyi umue, kudisanga ne Yezu Kristu, nebabakengeshe.

1 Timote 3:16

Eyowa, muntu nansha umue kena mua kuela mpata ku bualu bunene busokome bua ditaba dietu! Uvua mudileje panu mu butekete bua muntu. Mueyelu wa Tshijila kumubingisha. Batumibue ba Mvidi Mukulu kumumona. Bantu kulongesha bualu buende mu bisamba bikuabu. Kumuitababu pa buloba. Kumuambulabu mu diulu.

1 Timote 2:10

Kadi badilengeje ne malu mimpe adibu benza. Ke bidi bakaji badi banemeka Mvidi Mukulu ne bua kuenza.

1 Timote 1:9

Tuvuluke ne: kabavua belela bantu ba malu mimpe mikenji to, kadi anu benzavi, bantomboji, bena lonji, bantu babi, bantu badi kabayi batshina Mvidi Mukulu, nansha tshintu tshia tshijila. mBayelele kabidi bantu badi bashipa tatuabu nansha mamu, bashipianganyi bakuabu,

1 Timote 4:8

Manaya a kuibidija mubidi adi mimpe, alengelela bantu, kadi amu kakese. Kadi kutumikila Mvidi Mukulu kudi kubambuluisha mu bionsu, bualu kudi kutulaya muoyi bua mpindiewu, ne bua matuku atshidi kumpala.

1 Timote 6:3

Padi muntu ulongesha malu adi kaayi umvuangana ne miaku milelela ya Mfumu wetu Yezu Kristu, nansha ne ditaba dietu,

1 Timote 6:5

dielangana mpata ne munanunanu ne bantu badi ne lungenyi lunyanguke, kabatshiyi bamanye bulelela. Bualu badi bela meji ne: kuenzela Mvidi Mukulu mudimu mmuaba wa kupeta biuma.

2 Timote 3:5

Nebamueneke ku mesu bu bantu badi bitaba Mvidi Mukulu, kadi mundamunda muabu kabayi bamanye bukole bua badi bamuitaba. Nanku umuke kudi bantu abu!