1 Timote 3:7 - MUKANDA WA MYIDI MUKULU

⁷ Ikale kabidi ne lumu luimpe kudi bantu badi kabayi bena Kristu, bua kabamupepeji. Tshianana udi mua kupona mu mateyi a diabolu.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Bualu bukuabo, budiye nʼabu mbua kuikala ne lumu luimpe kudi badi kabai munkatshi mua bena ditabusha; bua kahonyi biandi mu malu adi avuisha bihendu ne mu buteyi bua diabolo.

1 Timote 3:7 Referans Kwoze

2 Korente 8:21

Tudi tukeba kuenza ki ngamu bidi Mfumu mua kuanyisha, kadi kabidi bidi bantu mua kuanyisha.

2 Timote 2:26

Nanku nebapete tshiakabidi meji malenga. Nebumuke ku mateyi a diabolu uvua mubakuate, mubenzeje muvuaye musue.

Kolose 4:5

Badi kabayi bena ditaba, sombayi nabu bimpe. Kanujimiji diba patupu.

1 Timote 6:9

Kadi bantu badi basue kunema amu kunema, nebabuele mu matetshibua. Nkuka yabu mibi mivule neyibakuatshishe mu buteyi, neyibabutule, neyibajimije kashidi.

1 Tesalonike 4:12

Nanku nebanunemeke kudi badi kabayi bena Kristu. Bujitu bua malu enu kabuakuikala pambidi pa muntu nansha umue to.

2 Korente 6:3

Katuena basue bua nupetele pa kujanyina mudimu wetu. Ke mutudi katuyi basue kulenduisha muntu nansha umue.

1 Korente 10:32

Kadi kanulenduishi nansha muena Yuda, nansha muntu wa mu tshisamba tshikuabu, nansha Tshisumbu tshia bena ditaba.

Bienzedi 6:3

Nenku bana betu, sungulayi munkatshi muenu bantu ba lumu luimpe muanda mutekete, badi buwule ne Mueyelu wa Tshijila, kabidi ne meji. Netubateke ku mudimu ewu.

Tite 2:8

Akula miaku amu milenga, idibu kabayi mua kudiwula. Nanku baluishi bebe nebafue bundu, bualu kabena bapeta bualu bubi bua kutujana nabu.

Tite 2:5

Babalongeshe mudibu mua kuikala bena meji, ba munda mutoke, badi bakuata midimu ya nzubu ne mankenda. Bikale kabidi bantu ba muoyi muimpe, badi batumikila babayabu, bua muntu kapendi muaku wa Mvidi Mukulu.

1 Tesalonike 5:22

Bengayi malu mabi a mishindu yonsu.

1 Timote 5:14

Ke pandi musue bua bansongakaji badi bafuishe balume, baye ku mabaka, balele bana, bakuate midimu ya mu nzubu, bua baluishi hetu kabamonyi pa kutujanyina.

1 Korente 5:12

Bualu tshiena mua kulumbuluisha badi kabayi mu tshisumbu tshietu.

Bienzedi 22:12

Momu amu muvua muntu, diende Ananiyase, munangi wa Mvidi Mukulu, uvua ukumbaja bimpe mikenji yetu. Bena Yuda bonsu ba mu tshimenga atshi bavua bamuanyisha.

Bienzedi 10:22

Bantu kuandamuna ne: — Korneliyuse, mulombodi wa tshisumbu tshia basolayi, mmututume. Udi muntu muimpe, muitabi wa Mvidi Mukulu. Bena Yuda bonsu badi bamuanyisha. Mutumibue wa Mvidi Mukulu mmumulombe, bua akubikidishe kuende, umvue malu audi mua kumuambila.

Marke 4:11

Ke Yezu kubandamuna ne: — Nuenu, Mvidi Mukulu mmunumanyishe malu masokome a Bukalenga buende. Kadi bantu bakuabu badi bumvua malu onsu aa bu badi babambilawu mu nsumuinu,

1 Samuele 2:24

Bana banyi, lekelayi kuenza nanku! Tshijanu tshienu tshindi mumvue mukana mua bantu ba Maweja-Nangila tshidi tshibi tshitambe.

3 Yone 1:12

Bonsu badi banyisha Demetriyose. Bulelela mene budi bumubingisha Tuetu kabidi tudi tujadika buimpe bua malu ende. Wewe kabidi udi mumanye ne: bitudi tujadika mbilelela

1 Timote 3:6

Kena mua kuikala muntu mupiamupia mu Tshisumbu tshia bena ditaba, bualu udi mua kuditambisha. Diba adi nebamufundile tshibawu tshiakapeta diabolu.