1 Timote 2:5 - MUKANDA WA MYIDI MUKULU

⁵ Mvidi Mukulu udi umuepele. Mudi kabidi mutuangaji umuepele pankatshi pa Mvidi Mukulu ne bantu, ke muntu Yezu Kristu.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Bualu bua Nzambi udi umue, ne mutuanganyi umue udiku hankatshi ha Nzambi ne bantu, nyeye muntu mene, Kilisto Yesu;

1 Timote 2:5 Referans Kwoze

Ngalate 3:20

Kadi katuena tukengela muntu pankatshi, padi, udi ukuata mudimu, muikale amu umue. Nanku Mvidi Mukulu udi ukuata mudimu nkayende.

1 Korente 8:6

Kadi buetu tuetu kudi Mvidi Mukulu amu umuepele, Tatu, Mufuki wa bionsu. Tudi ne muoyi panu, bua kuya kudiye. Kudi kabidi Mfumu umuepele, Yezu Kristu. Bionsu bidiku ku bukole buende. Tudi bapete muoyi amu kudiye.

Ebrewu 9:15

Ke padi Kristu mutuangaji bua ndondu mupiamupia, bua badi Mvidi Mukulu mubikile bapete bilenga bia kashidi bivuaye mulaye bantu bende. Badi mua kubipeta, bualu muntu mumane kufila. Ku lufu luende elu, mutupikule bantu ku bilema bivuabu benze, patshivuabu mu tshikondu tshia ndondu wa kumpala.

Ebrewu 7:25

Ke padiye mua kusungidila, mpindiewu ne matuku onsu, bonsu badi bapitshila kudiye bua kusemena pabuipi ne Mvidi Mukulu. Bualu yeye udi ne muoyi kashidi bua kubakuila kudi Mvidi Mukulu.

Dielulula 6:4

“Nuenu bena Izrayele, telejayi: Maweja-Nangila, Maweja-Nangila nkayende, ke Mvidi Mukulu wetu. Kakuena mukuabu to.

Ebrewu 12:24

Nudi basemena pabuipi ne Yezu, mutuangaji wa ndondu mupiamupia, kabidi pabuipi ne mashi ende atota mamate panshi, adi akula ne diyi dipite dia Ebele.

Yowanane 1:14

Muaku kudienza muntu. Kusombawu munkatshi muetu. Uvua muwule ne dinanga kabidi ne bulelela. Tuetu kumona butumbi buawu. Butumbi ebu ke budi Muana mulela umue upeta kudi Tatuende.

Yeshaya 44:6

Maweja-Nangila, mukalenga wa bena Izrayele, udi uludika, ulama bantu bende. Yeye ke Maweja-Nangila muena bukole buonsu. Udi ukuambila, wewe Izrayele, ne: “Meme ndi wa kumpala, ndi kabidi wa ndekelu. Kakuena Mvidi Mukulu mukuabu, amu meme.

Rome 10:12

Nanku kakuena dishilangana pankatshi pa bena Yuda ne bantu ba bisamba bikuabu. Bonsu badi ne Mfumu wa momumue, udi upesha bonsu badi bamubikila bilenga biende.

Yowanane 17:3

Muoyi wa tshiendelele udi nunku: bua bakumanye wewe Mvidi Mukulu umue mulelela, bamanye kabidi Yezu Kristu uuvua mutume.

Ebrewu 8:6

Kadi mpindiewu, Yezu mmupete mudimu mupite wabu. Bualu Yezu udi mutuangaji wa ndondu mupite bunene, udi mushindame pa malaya mapite buimpe.

Efeze 4:6

Mvidi Mukulu udi umue, udi Tatu wa bantu bonsu. Udi ku mutu kua bonsu, ukuata mudimu kudi bonsu, usomba munda mua bonsu.

1 Korente 8:4

Nuvua bangebeje ne: tudi mua kudia minyinyi ivuabu balambule mvidie anyi? Tudi bamanye bimpe ne: mvidie mikuabu kayenaku to. Mvidi Mukulu udi amu umue.

Yobe 9:33

Kakuena muntu udi mua kuimana pankatshi petu, bua kutulumbuluisha bonsu babidi, kukosa nsambu yetu.

Matayi 1:23

“Nsongakaji utshidi kamama neimite difu, nealele muana wa balume. Nebamuinyike dina ne: Emanuwele,” (mmumue ne: “Mvidi Mukulu udi netu.”)

Didimanyisha 1:13

Munkatshi muabi muvua tshintu bu muntu, muvuale muntumpu mutue ne ku makasa, musuike mukaba wa mpawungi pa tshiadi.

Matayi 1:1

Mena a bankambua ba Yezu Kristu, muana wa ku ndelanganyi ya Davide ne ya Abrahame, adi nunku:

Bienzedi 4:12

Kakuena lupandu kudi munga muntu to. Bualu panu ponsu Mvidi Mukulu kena mupe bantu dina dikuabu didi mua kutusungila.

Rome 1:3

Uvua mulukumbaje kudi Muanende Mfumu wetu Yezu Kristu, uvuabu balele ne mubidi wa muntu mu diku dia mukalenga Davide;

1 Timote 6:13

Kumpala kua Mvidi Mukulu, udi upa bintu bionsu muoyi, kumpala kua Yezu Kristu, uvua mujukule ditaba diende ne miaku milenga kumpala kua Ponsiyo-Pilate, ndi nkulomba ne:

1 Yone 2:1

Bana banyi, ndi nnufundila malu aa, bua kanuenji bibi. Kadi pikala muntu wenza bibi, tudi ne mutulumbuluidi wetu kudi Tatu: ke Yezu Kristu udi kayi ne tshilema.

Luke 14:22

Ke muena mudimu kupingana, wamba ne: “Mfumu, ndi muenze muonsu muudi muambe. Kadi nkushale kabidi muaba.”