1 Timote 1:12 - MUKANDA WA MYIDI MUKULU

¹² Ndi ngela Mfumu wetu Yezu Kristu tuasakidila, bualu uvua mumpeshe bukole bua meme kumukuatshila mudimu. Ndi muele tuasakidila, bualu uvua mungangate ne mushinga, muanyishe bua meme kumuenzela mudimu,

Mukanda wa Nzambi Dihungila Dikulukulu ne Dihungila Dihia-dihia 2003

¹² Ndi musakidile Kilisto Yesu Mukelenge wetu mene, wakampa bukole bualu bua yeye wakambala bu muntu udi mua kueyemenyibua, wakanteka ku mudimu wandi;

1 Timote 1:12 Referans Kwoze

Filipe 4:13

Bu mudi Kristu unkolesha, ndi mua kupitshila mu bionsu amu bimpe.

2 Timote 4:17

Kadi Mfumu uvua pabuipi nanyi. Uvua munkoleshe mu maboku, bua mmone mua kukobola Lumu lua Disanka amu mudilu, kulumvuija bantu bonsu ba bisamba bikuabu. Mvidi Mukulu mmumpandishe mukana mua nyama wa ntambue.

Kolose 1:25

Ndi nkuatshila Tshisumbu tshia bena ditaba mudimu, bilondeshile mudimu udi Mvidi Mukulu mungimikile bualu buenu. Uvua mumpeshe mudimu wa kumanyisha Lumu lua Disanka amu mudilu.

Filipe 2:11

batonde patoke ne: Yezu Kristu udi Mfumu! Ke mudibu batumbisha Mvidi Mukulu Tatu.

2 Korente 4:1

Mvidi Mukulu mmutufuile luse, mutupeshe mudimu ewu. Ke patudi katuyi mua kuteketa mu maboku.

1 Korente 7:25

Ndi ngandamuna ku nkonku yenu ya pa bantu badi kabayi mu dibaka. Bindi ngamba ebi ki mbia kudi Mfumu to. Ndi mfila meji mundi mumone. Bu mudi Mfumu mumfuile luse, nudi amu mua kuitaba bindi ngamba.

Bienzedi 9:22

Kadi Shawule uvua amu ulongesha ne bukole ku dituku ku dituku. Pavuaye uleja bena Yuda bavua basomba mu Damase ne miaku ya mu Mukanda wa tshijila ne: Yezu udi Kristu, Musungidi wetu, kabavua bamona pa kumuandamuina.

Bienzedi 9:15

Ke Mfumu kumuandamuna ne: — Uye. Bualu muntu awu ke tshiamu tshia mudimu tshindi musungule, bua kumanyishaye bisamba bikuabu, bakalenga ba matunga, ne bena Izrayele, dina dianyi.

Bienzedi 16:15

Kumutuabu mu mayi, yeye ne nzubu wende mujima. Pashishe kutulombaye ne: — Panuikala bamone ne: ndi ngitaba Mfumu menemene, nuvua kusomba kuanyi. Kutusengelelaye bikole. Tuetu kushisha kuitaba.

1 Timote 1:11

Dilongesha edi didi difuma ku Lumu lua Disanka lundi ne bua kukobola. Lumu lua Disanka elu ludi lutumanyisha butumbi bua Mvidi Mukulu, udi mpokolu wa diakalenga dietu.

1 Korente 15:10

Kadi bu muvua Mvidi Mukulu munnange, nkadi bu mundi emu. Dinanga diende divua dikuata mudimu munda muanyi. Ndi mukuate mudimu mupite bapostolu bakuabu bonsu. Uvua ukuata mudimu awu ki mmeme to, kadi Mvidi Mukulu pamue nanyi, bualu uvua munnange.

Yowanane 5:23

bua bantu bonsu banemeke Muana bu mudibu banemeka Tatu. Udi kayi unemeka Muana, kena unemeka Tatu uvua mumutume.

1 Korente 3:5

Kadi Apolose mene nnganyi? Polu kabidi nnganyi? Tudi amu bena mudimu ba Mvidi Mukulu, bayua banufikisha ku ditaba. Yonsu wa kutudi udi ukumbaja mudimu udi Mfumu mumufundile.

Ngalate 3:26

Bualu nudi bana ba Mvidi Mukulu, panudi nuitaba, nudisanga ne Yezu Kristu.

Ngalate 3:28

Nanku nansha wewe muena Yuda nansha muntu wa tshisamba tshikuabu, nansha wewe mupika nansha muntu udi udienzela malu mudiye musue, nansha wewe mulume nansha mukaji, ebi bionsu kabiena ne bualu. Nudi nuenza bonsu tshintu tshimue, panudi badisange ne Kristu.

1 Timote 1:1

Meme ndi Polu, mupostolu wa Yezu Kristu ku diyi dia Mvidi Mukulu, Musungidi wetu, ne ku diyi dia Yezu Kristu utudi tutekemena.

1 Timote 1:2

Timote, muananyi menemene mu ditaba, ndi nkufundila mukanda ewu, nkujingila ne: dinanga, luse, ne bupole, bia kudi Mvidi Mukulu Tatu ne Mfumu wetu Yezu Kristu, bishindame mu muoyi webe.

1 Timote 6:13

Kumpala kua Mvidi Mukulu, udi upa bintu bionsu muoyi, kumpala kua Yezu Kristu, uvua mujukule ditaba diende ne miaku milenga kumpala kua Ponsiyo-Pilate, ndi nkulomba ne:

2 Timote 2:2

Biuvua mumvue meme mulongeshe, bantu ba bungi bavua babiumvue, babijadike. Nanku ubilongeshe bantu ba nsongu, badi bamanye mua kubilongesha bakuabu.

Tite 1:4

Wewe Tite udi muananyi mulelela mu ditaba didi didisanga nebe. Ndi nkufundila mukanda ewu, nkujingila ne: dinanga ne bupole bia kudi Mvidi Mukulu Tatu ne Yezu Kristu, Musungidi wetu, bishindame munda muebe.

Filemone 1:9

ndi musue amu kukusengelela, bua dinangangana dietu dimueneke patoke. Meme Polu nkadi mukulakaje. Ndi kabidi mu lukanu, bualu ndi muitabe Yezu Kristu.

Matayi 20:4

Kubambilaye ne: “Nuenu kabidi nuye kukuata mudimu mu budimi buanyi bua nwinyo. Nennutete difutu dikumbane.”