1 Samuele 5:3 - MUKANDA WA MYIDI MUKULU

³ Butshia dinda, bena mu tshimenga tshia Asdode babika, kusanganabu lupingu lua Dagone ludishinda panshi kumpala kua mushete wa Maweja-Nangila. Kujulabu lupingu, kuapingaja muaba uvualu.

Mukanda wa Nzambi Dihungila Dikulukulu ne Dihungila Dihia-dihia 2003

³ Hakatshiabu bakabika Bena Ashedodo, monai, Dagona wakadi mudishinde mutue mpala hanshi ku mpala kua mushete wa Yehowa. Bakakuata Dagona, baka-mushikika mu muaba wandi kabidi.

1 Samuele 5:3 Referans Kwoze

Yeshaya 19:1

Badi bamanyisha malu adi atangila “Ejipitu”. Maweja-Nangila ukadi ufika mu Ejipitu, muimane pa divuba didi diya lukasa. Mvidie ya tshianana ya mu Ejipitu, neizakale kumpala kuende. Bena Ejipitu nebatekete mu maboku.

Yeshaya 46:7

Pashishe badi bambula mvidie wabu pa makaya abu, baya kumuteka pa muaba wende. Mvidie udi ushalapu, kayi unyunga. Nansha bobu bamubikila, kakuandamuna to. Kena usungidila muntu udi mu dikenga. Lupandu kaluena kule to

Sefanya 2:11

Maweja-Nangila neabakuatshishe bowa. Neabutule nwidie yonsu ya pa buloba. Diba adi, bantu bonsu, nansha badi basomba kule kupite, nebamutendelele, muntu yonsu muaba udiye usomba.

Marke 3:11

Pavua mikishi mibi imumona nanku, ivua ipona panshi ku makasa ende, yela mbila ne: “Udi Muana wa Mvidi Mukulu!”

Yirmeya 10:8

Bantu bonsu badi anu bidingidingi. Tshidi mvidie ya mitshi mua kubalongesha ntshinyi?

Yeshaya 41:7

Muena mudimu wa mabaya udi ukolesha mufudi wa mpawungi ku muoyi. Mufudi udi ukolesha nsenda wa biamu ku muoyi. Udi wanyisha mudimu wende, wamba ne: “Udi muenze bimpe!” Pashishe badi bashindika lupingu, balupopela ku tshitekelu ne misonsu.

Yeshaya 40:20

Kadi muntu mupele menemene, udi kayi mua kukumbaja mushinga wa lupingu, udi usungula mutshi, udi kauyi mudie kudi bishi. Pashishe udi ukeba muena mudimu muimpe, udi mumanye mua kusonga lupingu, ludi luimane bimpe, kaluyi lutenkakana.

Misambu 97:7

Bundu bukuate bonsu badi batendelela mvidie, ne badi badianyisha bua mvidie ya tshianana. Mvidie yonsu idi itumbisha Maweja-Nangila.

Ekesode 12:12

“Butuku abu, meme Maweja-Nangila nempitshile mu ditunga dia Ejipitu. Nenshipe bamuanabute bonsu ba bantu ne ba nyama. Kabidi nembutule mvidie idi bena Ejipitu batendelela.

1 Samuele 6:5

Nanku nuenze bintu bidi bileja disama dia mulaka. Nuenze kabidi mpingu ya mpuku idi inyangakaja ditunga dienu. Nutumbishe Mvidi Mukulu wa bena Izrayele. Misangu mikuabu nealekele kunukengesha nuenu, mvidie yenu ne ditunga dienu dijima.

1 Samuele 6:1

Mushete wa tshijila wa Maweja-Nangila kushala mu ditunga dia bena Peleshete ngondu muanda mutekete.

1 Bakalenga 18:26

Bambi ba Baale, kuangata ngombe uvuabu babapesha. Kulongololabu mulambu. Pashishe, kulombabu kapia kudi Baale biangatshile ku dinda too ne munda munya, bamba ne: “Mvidie Baale wetu utuitabe!” Bavua baja maja, banyunguluke tshilambuilu tshivuabu bibake. Kadi, mvidie Baale kena mubandamune diyi nansha dimue to.

Misambu 115:7

idi ne bianza, kayena ilenga, idi ne makasa, kayena yenda. Idi ne muminu, kayena ipatula diyi.