1 Samuele 4:10 - MUKANDA WA MYIDI MUKULU

¹⁰ Bena Peleshete kuluangana ne bena Izrayele. Bena Peleshete kupita bena Izrayele bukole. Bena Izrayele kunyema kupingana kuabu. Bavua bashipe bena mvita ba bena Izrayele bapite bungi, binunu makumi asatu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Bena Peleshete bakaluangana, bakahita Bena Isalele bukole: muntu yonso wakanyema lubilu ku ntenta wandi; ba bungi bakafua, bualu bua bakashiha Bena Isalele bakadi benda ku makasa binunu makumi asatu.

1 Samuele 4:10 Referans Kwoze

2 Bakalenga 14:12

Bena mvita ba bena Izrayele, kutshimuna bena mvita ba bena Yuda. Bena mvita ba bena Yuda bonsu kunyema, kupingana kuabu.

1 Samuele 4:2

Bena Peleshete kuela mualu wa mvita bua kuluisha bena Izrayele. Mvita kupita bukole. Bena Peleshete kubutula bena Izrayele, kushipa bantu bu binunu binayi mu mvita ayi.

Dielulula 28:25

Maweja-Nangila neambuluishe baluishi benu bua banutshimune. Panuikala bayile njila umue bua kubaluisha, nenubanyeme, nupingane mu njila muanda mutekete mishilangane. Bakalenga bonsu ba pa buloba nebatshine, pamonabu bionsu bidi binuenzekela.

Lewitiki 26:17

Nennukengeshe. Baluishi benu nebanutshimune, banutshimbakaje. Nenudinyemene, kakuyi muntu unuipata.

2 Samuele 18:17

Kuambulabu tshitalu tshia Absalome, kutshimansha mu tshiina tshinene tshiwa mu ditu amu. Pashishe kunguijabu mushiki munene wa mabue pa tshitalu atshi. Diba adi, bena mvita ba Absalome kunyema, muntu yonsu kuya ku nzubu kuende.

Misambu 78:9

Bantu ba mu tshisamba tshia Efrayime, bavua baluangana ne mata a miketa, bakanyema mvita mu dituku adi.

2 Kulondolola 25:22

Bena mvita ba bena Izrayele kutshimuna bena mvita ba bena Yuda. Nanku bena mvita ba bena Yuda bonsu kunyema, kupingana kuabu.

2 Kulondolola 13:17

Abiya ne bena mvita bende kushipa bena Izrayele bikole, kushipa bantu binunu nkama itanu bavua bamanye mvita bikole.

1 Bakalenga 22:36

Diba dimane kubuela, kuelabu mbila mu mitanda ne: — Muntu yonsu apingane mu tshimenga tshiende, aye ku nzubu kuende,

1 Bakalenga 12:16

Bena Izrayele ba ku mutu, bamane kumvua ne: mukalenga Robowame kena muitabe dilomba diabu, kuandamunabu ne: — Davide katuena nende bualu, katuena basue kulonda muana wa Ishayi to! Bena Izrayele, tupinganayi ku nzubu yetu; wewe muntu wa ku ndelanganyi ya Davide, shala ne bukalenga buebe mpindiewu! Ke bena Izrayele kumuka muaba awu.

2 Samuele 20:1

Mu Ngilgale, muvua muntu mukuabu mutshimbakane, muena Binyamine, dina diende Sheba, muana wa Bikri. Sheba uvua wela mpungi, wamba ne: — Davide katuena nende bualu to, katuena basue kulonda muana wa Ishayi to! Bena Izrayele, pinganayi ku nzubu yenu!

2 Samuele 19:8

Juka mpindiewu, udikoleshe. Uye kusamba bena mvita bebe bua kupetabu bukole. Wewe kuyi muye kudibu, ndi nditshipa mu dina dia Maweja-Nangila ne: muena mvita nansha umue kena mua kukuenzela mudimu kabidi dituku nansha dimue to. Nanku, wewe neupete dikenga dikole, dipite makenga onsu audi mumane kukenga, biangatshile ku buana buebe.

2 Samuele 18:7

Bena mvita ba Davide kutshimuna bena mvita ba Absalome. Dituku adi, mbashipe bantu bapite bungi bu binunu makumi abidi.

Dielulula 28:15

Kadi panuikala kanuyi nuitaba, kanuyi nutumikila meyi ne mikenji bia Maweja-Nangila Mvidi Mukulu wenu, bindi nnumanyisha lelu ebi, neanunyoke mushindu ewu:

Yirmeya 7:12

Nuye ku Shilo, muaba wanyi wa tshijila umvua nsomba kale. Nenumone mundi munyangakaje muaba ewu bua buenzavi bua bantu banyi bena Izrayele.

1 Samuele 3:11

Maweja-Nangila kuambila Samuwele ne: — Nenkengeshe bena Izrayele bikole. Dikenga adi nedikemeshe bikole bantu badi badiumvua.