1 Samuele 27:9 - MUKANDA WA MYIDI MUKULU

⁹ Davide ne bantu bavuaye nabu, kubutula matunga a baluishi abu. Kabawa bashiyamu muntu mulume nansha mukaji, ne muoyi to. Kuangatabu mikoku, ngombe, nyama ya mpunde, nyama ya tumelu, ne bilamba. Kupinganabu ne bintu abi kudi mukalenga Akishe.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Davidi wakabutula misoko ei, kakashiya nansha mulume nansha mukashi ne muoyo; wakaya ne mikoko ne ngombe ne nyama ya mpunda ne tumelo ne bilulu biabo, wakahingana kudi Akisha.

1 Samuele 27:9 Referans Kwoze

1 Samuele 15:3

Nanku mpindiewu, wewe Shawule, uye kubaluisha, ubabutule ne bintu bionsu bidibu nabi. Kubafuidi luse to. Ushipe bantu ne nyama bionsu: balume, bakaji, bana batoke, ngombe, mikoku, nyama ya tumelu ne ya mpunde.”

1 Samuele 15:7

Ke Shawule kutshimuna bena Amaleke, kubipata biangatshile ku Avila too ne ku Shure, luseke ludi diba dipatukila lua ku Ejipitu.

Yoshua 6:21

Kushipabu bantu ba mu tshimenga atshi: balume, bakaji, bantu bakole ne bana batekete. Kushipabu too ne ngombe, mikoku ne mpunde.

Ekesode 15:22

Moshe kumuka ne bena Izrayele ku Mayi manene makunze, kuya mu tshipela tshia Shure. Kuendabu mu tshipela matuku asatu, kabayi bapeta mayi a kunua.

Genese 25:18

Ndelanganyi ya Ismayele ivua miase pankatshi pa Avila ne Shure. Shure udi pabuipi ne Ejipitu, mu njila wa ku Ashure. Ndelanganyi ayi kayivua misombe muaba umue ne ndelanganyi mikuabu ya Abrahame to.

Genese 16:7

Agare ufika mu tshipela, pabuipi ne mpokolu wa mayi uvua mu njila wa ku Shure, kusambakenaye ne mutumibue wa Maweja-Nangila.

1 Samuele 15:8

Shawule kushipa bantu bonsu, kushiya amu mukalenga wabu Agage. Kumuelaye mu lukanu.

Yobe 1:3

Uvua ne mikoku binunu muanda mutekete, nyama ya tumelu binunu bisatu, nyama ya ngombe milume ne mikaji tshinunu, ya mpunde mikaji nkama itanu. Uvua kabidi ne bena mudimu bavule. Bantu bonsu bavua basombe ku luseke lua Palestine ludi diba dipatukila, amu yeye ke uvua mubapite ku bubanji ne ku biuma.