1 Samuele 27:8 - MUKANDA WA MYIDI MUKULU

⁸ Patshi wa Davide ne bantu bavuaye nabu mu Siklaje, kuluishabu bisamba ebi: bena Ngeshure, bena Ngirzi nansha bena Amaleke, mmumue ne bantu bonsu bavua basombe muaba awu kuonsu eku, mu buloba bua luseke lua ku Shure, too ne ku mukalu wa ditunga dia Ejipitu.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Davidi ne bantu bandi bakaya, bakahaula bintu bia Bena Geshû ne Bena Gêze ne Bena Amaleka: aba bakadi bena buloba ba diambedi, bakadi bashikama mu nshila udi uya ku Shû tô ne ku buloba bua Ejipitu.

1 Samuele 27:8 Referans Kwoze

Yoshua 13:2

bu mudi matunga a bena Peleshete, ne a bena Ngeshure,

Yoshua 13:13

Kadi bena Izrayele kabavua bipata bena Ngeshure ne bena Maaka to. Nenku bantu abu batshidi basomba munkatshi mua bena Izrayele too ne mpindiewu.

Balombodi 1:29

Bena Efrayime kupangila mua kuipata bena Kenaane bavua base mu Ngezere. Ke muvua bena Kenaane aba basomba munkatshi mua bena Efrayime nanku.

Yoshua 16:10

Bena Efrayime kabavua bipata bena Kenaane bavua mu Ngezere to. Bobu aba batshidi basomba too ne lelu munkatshi mua bena Efrayime. Kadi bena Efrayime bavua benzeja bena Kenaane aba midimu mishilangane.

1 Kulondolola 2:23

Kadi bakalenga ba bena Ngeshure ne ba bena Arame kunyenga misoku ya Yayire, ne tshimenga tshia Kenate, pamue ne misoku ivua natshi mutumba. Misoku yonsu ivua makumi asambombu. Bavua basamu kudi ndelanganyi ya Makire, tatuende wa Ngilaade.

2 Samuele 15:8

Pantshivua mu Ngeshure mu Siriya, mvua mulaye Maweja-Nangila ne: Pawikala mmupingaje mu Yerushalayime, nenkulambule milambu ku Ebrone.

2 Samuele 14:32

Absalome kuandamuna ne: — Bualu mvua mukubikile, wewe kubenga. Meme mvua musue kukutuma kudi mukalenga Davide bua wewe kumuambila ne: “Ndi mumuke ku Ngeshure bua tshinyi? Bivua bimpe bua meme kusomba amu ku Ngeshure!” Mpindiewu, ndi musue kufika ku nzubu kua mukalenga. Pangikala muenze bibi, mukalenga anshipe!

2 Samuele 14:23

Yowabe kujuka, kuya ku Ngeshure. Kupinganaye ne Absalome ku Yerushalayime.

1 Samuele 30:1

Matuku mamane kupita abidi, Davide ne bantu bavuaye nabu kufika mu tshimenga tshia Siklaje. Kadi bena Amaleke bavua bamane kuluisha bantu bavua basombe mu ditunga dia bena Yuda, ne bena mu tshimenga tshia Siklaje. Bena Amaleke bavua bosha tshimenga tshia Siklaje, batshinyangakaje.

Ekesode 17:8

Bena Amaleke kufika mu Refidime bua kuluisha bena Izrayele.

Ekesode 15:22

Moshe kumuka ne bena Izrayele ku Mayi manene makunze, kuya mu tshipela tshia Shure. Kuendabu mu tshipela matuku asatu, kabayi bapeta mayi a kunua.

Yoshua 12:5

Bumfumu buende buvua butuadija ku mukuna wa Ermone, buya ku Salka, ku ditunga dijima dia Bashane, too ne ku mikalu ya bena Ngeshure ne ya bena Makati, ne ku tshitupa tshia ditunga dia Ngilaade, too ne ku ditunga dia mukalenga Sihone wa mu Eshebone.

1 Samuele 29:6

Nanku mukalenga Akishe, kubikila Davide umuambila ne: — Bu mudi Maweja-Nangila ne muoyi, ndi mukunange bikole. Mvua mumone ne: udi ukumbana bua tuetu kuya nebe mu mvita. Bualu biangatshile dituku diuvua mufike kuanyi too ne mpindiewu, tshiena muanji kumona wewe muenze bualu bubi to. Kadi, bamfumu bakuabu ba bena Peleshete kabena bakunange to.

2 Samuele 3:3

Muana muibidi udi Kilabe, muana wa Abigayile, muena mu Karmele, mukaji mukamba uvua Nabale mushiye. Muana muisatu udi Absalome, muana wa Maaka, muana wa Talmayi, mukalenga wa bena Ngeshure.

2 Samuele 3:22

Mutantshi mukese, Yowabe kufika ne bena mvita bavua balame Davide. Yowabe uvua ufuma ku mvita, mumane kupawula bintu bipite bungi. Abnere katshivua kabidi kua Davide mu Ebrone to. Bualu mukalenga Davide ukavua mumane kulayangana nende anu bimpe, bua aye, bantu kabayi bamutatshisha.

2 Samuele 8:12

(Bena Siriya, bena Mowabe, bena Amone, bena Peleshete ne bena Amaleke). Ke nuwuaye mujidila kabidi bintu bionsu bivuaye munyenga Adadezere.

Dibadika 13:29

Bena Amaleke mbase kuinshi kua ditunga. Bena Iti, bena Yebusa ne bena Amore mbase pa mikuna. Bena Kenaane mbase ku muelelu wa Mayi manene a pankatshi pa matunga, ne wa musulu wa Yardene.

Dibadika 14:45

Bena Amaleke ne bena Kenaane kupueka ku mukuna uvuabu basombe. Kuluanganabu ne bena Izrayele, kubatshimuna, kubipata too ne ku Orma.