1 Samuele 23:4 - MUKANDA WA MYIDI MUKULU

⁴ Davide kukonka Maweja-Nangila tshiakabidi, Maweja-Nangila kuandamuna ne: — Juka, uye mu tshimenga tshia Keyila! Nemfile bena Peleshete mu bianza biebe.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Hashishe Davidi wakebesha Yehowa tshiakabidi. Yehowa wakamukudimuna dî ne, Juka, uye ku Kila, bualu bua meme nenfile Bena Peleshete mu tshianza tshiebe.

1 Samuele 23:4 Referans Kwoze

Balombodi 7:7

Maweja-Nangila kuambila Ngideyone ne: — Uye ne bantu aba nkama isatu badi balaka mayi. Kadi bantu bakuabu bonsu bapingane kuabu.

Yoshua 8:7

Diba adi, nuenu nenujuke miaba inudi basokome. Nenukuate tshimenga, bualu Maweja-Nangila Mvidi Mukulu wenu udi munupatshi.

2 Bakalenga 3:18

Kadi, bualu ebu mbualu bukese kudi Maweja-Nangila. Yeye neafile kabidi ditunga dia bena Mowabe mu bianza bienu.

2 Samuele 5:19

Davide kukonka Maweja-Nangila ne: — Ndi mua kuya kuluisha bena Peleshete anyi? Maweja-Nangila neubafile mu bianza bianyi anyi? Maweja-Nangila kuitaba ne: — Eyowa, uye kubaluisha! Nembafile mu bianza biebe bulelela.

1 Samuele 28:6

Shawule kukonka Maweja-Nangila tshia kuenza. Kadi Maweja-Nangila kena mumuandamune nansha mu tshilota, nansha ku Urime ne Tumime, nansha kudi muambi.

Balombodi 6:39

Ngideyone kuambila Mvidi Mukulu ne: — Kumfikidi munda to. Ndi musue kukulomba kabidi tshintu musangu wa ndekelu. Ndi musue kumona kabidi tshimanyinu anu ne tshiseba. Mpindiewu, tshiseba nkayatshi tshikale tshiume, lumume luikale pa buloba buonsu budi muaba awu!

1 Samuele 10:22

Kukonkabu kabidi Maweja-Nangila ne: — Muntu ewu mmufike muaba ewu anyi? Maweja-Nangila kuandamuna ne: — Nuye kutangila munkatshi mua mabuki, ke muaba udiye musokome.

1 Samuele 23:2

Ke Davide kukonka Maweja-Nangila ne: — Ndi ne bua kuluisha bena Peleshete aba anyi? Maweja-Nangila kuandamuna ne: — Eyowa, ubaluishe! Nanku neusungidile bena Keyila.

1 Samuele 23:3

Bantu bavua Davide nabu, kumuambila ne: — Tangila, munemu mu bena Yuda, tudi bamane kuikala ne bowa! Kadi, tuetu baya mu tshimenga tshia Keyila bua kuluisha bena Peleshete, nebikale bibi bitambe.

1 Samuele 23:5

Nanku, Davide ne bavuaye nabu, kuyabu mu tshimenga tshia Keyila, kuluisha bena Peleshete. Kubatshimunabu, kushipabu bantu ba bungi ba kudibu. Kunyengabu bimuna biabu. Ke muvua Davide musungidile bena mu tshimenga tshia Keyila nanku.

1 Samuele 30:8

Davide kukonka Maweja-Nangila ne: — Meme mulondakaje bivi aba, nembapete anyi? Maweja-Nangila kuitaba ne: — Eyowa, balondakaja, neubapete. Neusungidile bantu badibu bakuata.

2 Samuele 2:1

Bionsu ebi bimane kupita, Davide kukonka Maweja-Nangila ne: — Ndi mua kuya kusomba mu tshimenga tshikuabu tshia ku bimenga bia Yuda anyi? Maweja-Nangila ne: — Eyowa. Davide kumukonka kabidi ne: — Ndi mua kuya mu tshimenga kaayi? Maweja-Nangila kuandamuna ne: — Udi mua kuya mu Ebrone.

Balombodi 7:9

Butuku abu, Maweja-Nangila kuambila Ngideyone ne: — Juka, uye kubunda bena Madiyane badi mu mitanda yabu. Bualu meme ndi nkupeshabu.

1 Kulondolola 14:10

Davide kukonka Mvidi Mukulu ne: — Ndi mua kuluisha bena Peleshete anyi? Neubafile mu bianza bianyi anyi? Mvidi Mukulu kuitaba ne: — Eyowa, uye kubaluisha. Meme nembafile mu bianza biebe.