1 Samuele 2:23 - MUKANDA WA MYIDI MUKULU

²³ Mutuangaji Eli kukonka bana bende ne: — Bualu bundi mumvue ebu budi munyi? Bantu bonsu badi banujana bua buenzayi buenu. Nudi nuenza nanku bua tshinyi?

Mukanda wa Nzambi Dihungila Dikulukulu ne Dihungila Dihia-dihia 2003

²³ Yeye wakabakonka ne, Bualu kai nudi nuenza malu â? Nakunvua lumu lua malu mabi anudi nuenzela bantu aba bonso.

1 Samuele 2:23 Referans Kwoze

Filipe 3:19

Kadi nebabutuke, bualu mvidie wabu ke difu diabu. Badi baditemba mu bivua mua kubafuisha bundu. Badi bela meji anu ku bia panu.

Bienzedi 14:15

— Bana betu, tshinudi nuenza nunku ntshinyi? Tudi amu bantu bu nuenu. Tudi tunumanyisha Lumu lua Disanka, bua nulekele nwidie yonsu ya tshianana eyi, nupingane kudi Mvidi Mukulu wa muoyi, udi mufuke diulu, buloba, mayi manene, ne bionsu bidimu.

Bienzedi 9:4

Kuponaye panshi. Kumvuaye diyi dimuebeja ne: — Shawule, Shawule, udi unkengeshila tshinyi?

Yirmeya 8:12

Bantu aba, kabena banyingalala to, kabena ne bundu nansha bukese bua buenzavi buabu. Kabena bamanye mua kutonda bubi buabu. Nanku Maweja-Nangila udi wamba ne: nebabutuke pamue ne bena Izrayele bakuabu, nebadishinde panshi musangu umue, ne bonsu bandi nyoka.

Yirmeya 3:3

Nanku meme Maweja-Nangila, ndi mubenge bua mvula kaloki nansha ku ntuadijilu nansha ku ndekelu kua tshidimu. Kadi, wewe ne tshitunu udi wenda amu tshiendenda, kuyi utonda bubi buebe.

Yeshaya 3:9

Bu mudibu bakosa nsambu ne kansungansunga, nebabafunde ku tshilumbu. Bu muvua bantu ba mu tshimenga tshia Sodome benza, ke mudi bena Yuda benza buenzavi, munda munya, kabayi babusokoka. Eyowa, mbena diakabi, bualu badi badilongoluela kabutu kabu!

1 Bakalenga 1:6

Kadi tatuende Davide kavua umutandisha bua bionsu abi to. Kawa nansha ukonka Adoniya tshivuaye wenzela bionsu abi to.

1 Samuele 2:22

Mutuangaji Eli uvua mumane kukola mukulakaje. Bavua bamuambila muvua bana bende benzela bena Izrayele bibi, kabidi muvuabu babuelela bakaji mu nzubu. Bakaji abu ke bavua benza mudimu mu mushiku wa ntenta wa kusambakena.

1 Samuele 2:24

Bana banyi, lekelayi kuenza nanku! Tshijanu tshienu tshindi mumvue mukana mua bantu ba Maweja-Nangila tshidi tshibi tshitambe.