1 Samuele 2:1 - MUKANDA WA MYIDI MUKULU

¹ Ane kutendelela Maweja-Nangila, wamba ne: Maweja-Nangila mmunsankisha bikole. Ndi ne disanka bua bionsu bidi Maweja-Nangila mungenzela, tuambilambila, tuafua bundu. Ndi ne musangelu, Mvidi Mukulu mmungambuluishe.

Mukanda wa Nzambi Dihungila Dikulukulu ne Dihungila Dihia-dihia 2003

¹ Hana wakatendelela, wakamba ne, Mutshima wanyi udi utumbishibua mu Yehowa; lusengu luanyi ludi lubandishibua mu Yehowa. Mukana muanyi mudi mudiundishibua kudi bakadi nʼanyi lukuna: bualu bua meme ndi nsanka mu luhandu luebe.

1 Samuele 2:1 Referans Kwoze

Misambu 13:5

Kuanyishi bua baluishi banyi baditambishe ne: tuamutshimunyi, nansha bua bankinyi badiela mulu ne: tudi bamutekeshe.

Filipe 4:6

Kanusampakenyi bualu nansha bumue. Kadi mu malu onsu nutendelele Mvidi Mukulu, nulombe bionsu binudi nabi dijinga. Nubilombe ne muoyi wa dianyisha.

Misambu 92:10

Bua baluishi bebe, Maweja-Nangila, bobu nebajimine, ne bonsu badi bakengesha bakuabu, nebatangalake.

Misambu 89:17

Badi badianyisha bualu udi Mvidi Mukulu wabu, badi baditumbisha matuku onsu, bua muoyi webe umue.

Filipe 4:4

Sankayi matuku onsu, bualu nudi badisange ne Mfumu. Ndi ngambulula ne: sankayi.

Misambu 20:5

Akupe bionsu biudi ujinga, akumbaje biudi wipatshila!

Misambu 9:14

Maweja-Nangila ungambuluishe, tangila mudi baluishi banyi bankengesha bikole. Ungumushe ku kandondu ka bafue.

Misambu 35:9

Kadi meme nensanke, ntshionkomoke, bualu Maweja-Nangila neansungule.

Filipe 3:3

Bualu badibu bateka panshi menemene mu bulelela ntuetu, ki mbobu nansha. Bualu tuetu tudi tutendelela Mvidi Mukulu ku bukole bua Mueyelu wende. Tudi tuditemba amu bua Yezu Kristu. Katuena tutekemena ku bidi bantu benza.

Rome 5:11

Ki ngamu nanku to! Kadi tudi mua kuditumbisha kabidi munda mua Mvidi Mukulu, bualu bua Mfumu wetu Yezu Kristu, uvua mupingaje mpindiewu diumvuangana pankatshi petu ne Mvidi Mukulu.

Abakuke 3:18

Kadi nansha nanku, ndi nsanka, bualu Maweja-Nangila udi ungambuluisha, ndi nsanguluka, bualu udi unsungidila.

Misambu 118:14

Maweja-Nangila ke buanyi bukole, udi ungambuluisha.

Misambu 89:24

Nensunsule baluishi bende, yeye mutangile, nentape badi bakeba kumushipa.

Ekesode 15:21

Miriyame kuambila bena Izrayele ne: Imbilayi Maweja-Nangila musambu: mmuleje bukole budiye nabu, mmubutule tubalu ne bavua babandapu!

Ekesode 15:1

Pashishe, Moshe ne bena Izrayele kuimbila Maweja-Nangila musambu, bamba ne: Nengimbile Maweja-Nangila musambu: mmuleje bukole budiye nabu! Mmubutule mu mayi tubalu ne bavua babandapu.

1 Petro 1:8

Kanuyi banji kumona Yezu Kristu, nudi numunanga; kanuyi numumona mpindiewu, nudi numuitaba. Ke panudi nusanka nutshionkomoka kabiyi mua kuamba.

Misambu 51:15

Badi bakutombokela, nembalongeshe mudibu mua kukulengelela, bua badilengeje, bitabe ku diyi diebe.

Misambu 18:2

Maweja-Nangila, ndi mukunange, Wewe udi bukole buanyi.

Abakuke 3:1

Ke ditendelela dia Abakuke, didibu bimba bu musambu wa miadi:

Misambu 75:10

Kadi meme tshiakupuwa to. Nengimbile Mvidi Mukulu wa Yakobe misambu, mmanyishe bantu bionsu bivuaye muenze.

Misambu 71:8

Ndi nkuimbila misambu, nkutumbisha! nkusamuna matuku anyi onsu.

Didimanyisha 18:20

Wewe diulu, sanka, bua padi tshimenga etshi tshibutuke. Nuenu bantu ba Mvidi Mukulu, nuenu bapostolu ne bambi, tuayi tshianga! Bualu Mvidi Mukulu mmutshifundile tshibawu tshia bubi buvuatshi tshinuenzele!

Luke 1:69

Kutupatuilaye Musungidi wa bukole, mu ndelanganyi ya mukalenga Davide, muntu wende.

Nehemya 11:17

Muvua kabidi: Mataniya, muana wa Mika, Mika uvua muana awa Zabdi, Zabdi uvua muana wa Ashafe. Mataniya ke uvua utuma misambu mu nzubu wa Mvidi Mukulu diba dia kutendelela. Muanabu Bakbukiya ke uvua tshindonda tshiende. Abda uvua muana wa Shamuwa, Shamuwa uvua muana wa Ngalate, Ngalate uvua muana wa Yedutune.

Dielulula 33:17

Yozefe apete lumu! Udi mukole bu ngombe mulume, udi ne nsengu ibidi bu ya nyama wa mbowa, ya kutshimuna nayi bisamba bikuabu, kubipata too ne ku ndekelu wa buloba. Lusengu lumue ke bantu binunu ne binunu ba bena Efrayime, lukuabu ke bantu nkama ne nkama ba bena Menashe.”

Yobe 16:15

Tshilamba tshia lufuila tshidi pambidi panyi diba dionsu. Ndi nsomba mu lupuishi, tshiyi kabidi ne bukole.

Misambu 148:14

Kupeshaye tshisa tshiende lumu, kutshizangika. Kutumbishaye bantu badi bamulamata, kutumbisha tshisa tshiende tshijima tshia bena Izrayele. Tumbishayi Maweja-Nangila, Aleluya!

1 Samuele 1:6

Bu muvua Ane kayi mulele muana, Penina mukaji muibidi wa Elkana, uvua wenza muende muonsu bua kukengesha mukenende, umufuisha bundu.

1 Samuele 1:7

Nanku ku tshidimu tshionsu, pavua Elkana ne bakaji bende baya mu nzubu wa Mvidi Maweja-Nangila, Penina uvua anu uluisha mukenende Ane bundu. Tshidimu tshikuabu, pavua Ane udila, ubenga mua kudia,

2 Kulondolola 20:27

Bantu bonsu ba mu Yerushalayime, ne bena Yuda bakuabu, pamue ne Yosafate uvua ubalombola, kupinganabu mu Yerushalayime ne disanka. Maweja-Nangila uvua mubasankishe, bualu uvua mubapandishe mu bianza bia baluishi babu.

Misambu 21:2

Mukalenga udi usanka, utua tshianga, bualu wewe Maweja-Nangila uvua umuambuluisha, yeye kutshimuna!

Misambu 89:18

Wewe ke udi bukole buabu butambe bunene, udi ujula mpala yetu mulu ku diambuluisha diebe.