1 Samuele 19:4 - MUKANDA WA MYIDI MUKULU

⁴ Yonatane mumane kutumbisha Davide kudi tatuende Shawule bua malu mimpe a Davide, kumuambilaye kabidi ne: — Wewe mukalenga, kuena mua kuenzela muntu webe Davide bibi to. Bualu Davide kena muanji kukuenzela bibi to. Bionsu bidiye wenza bidi anu bua kukuambuluisha wewe.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Yonatana wakatumbisha Davidi kudi tatu wandi Shaula, wakamuambila ne, Mukelenge kenzedi muntu wandi Davidi bualu bubi, bualu bua yeye kena muanze kukuenzela wewe bibi, ne bualu bua malu onso akakuenzeleye adi matambe buimpe;

1 Samuele 19:4 Referans Kwoze

Yirmeya 18:20

Badi mua kupingaja bubi pa buimpe anyi? Apu badi bateya buteyi bua kunkuata. Kadi vuluka mumvua muimane kumpala kuebe bua kubakuila, bua kaubafikidi munda.

Genese 42:22

Rubene kubavuluija ne: — Mvua munuambile ne: kanuenzedi muana ewu bibi to. Nuenu kubenga kunteleja. Mpindiewu bakadi batusombuela, bua lufu luende.

Nsumuinu 17:13

Muntu udi upingaja bubi pa buimpe buvuabu bamuenzele, dikenga kadiena diumuka ku nzubu kuende to.

1 Samuele 20:32

Yonatane kukonka ne: — Udi ne bua kufua bua tshinyi? Tshidiye muenze tshibi ntshinyi?

Misambu 35:12

Badi bampingajila bibi pa bimpe, tshiyi ne udi ungakuila!

1 Samuele 22:14

Akimeleke kuandamuna ne: — Mukalenga, munkatshi mua bena mudimu bebe, mudiku muntu mukuabu udi mukulamate bu mudi Davide anyi? Davide udi muku webe, kabidi udi mfumu wa bena mvita badi bakulama. Bantu bonsu badi mu nzubu muebe, badi bamutumbisha bikole.

1 Korente 8:12

Panudi nuenzela bana benu bibi, nushipa kondu kabu ka munda kadi katekete, nudi nuenzela Kristu mene bibi.

2 Kulondolola 6:22

“Padibu bafunda muntu ne: mmuenzele mukuende bibi, badi mua kufika nende mu nzubu webe emu, bua kuditshipaye kumpala kua tshilambuilu tshiebe, bua ajadike mudiye kayi ne bualu.

1 Samuele 2:25

Pikala muntu muenzele muntu mukuabu bibi, Mvidi Mukulu udi mua kulumbulula tshilumbu atshi. Kadi pikala muntu muenzele Maweja-Nangila bibi, udi mua kulumbulula tshilumbu nnganyi? Kadi bana ba mutuangaji Eli, kabawa bangata mibelu ya tatuabu ne mushinga to. Bualu Maweja-Nangila uvua mumane kujadika bua bafue.

Genese 9:6

Udi upumuna mashi a muntu, nebapumune ende kudi muntu, bualu mbafuke muntu mufuanangane ne Mvidi Mukulu.

1 Yone 3:15

Muntu yonsu udi ukina muanabu mmushipianganyi. Nudi bamanye ne; mushipianganyi kena ne muoyi wa kashidi munda muende.

Misambu 59:4

Bena tshikisu badi bangalamina, bakeba kunshipa. Kadi meme tshiena muenze bualu bubi. Maweja-Nangila, tshiena mukutombokele.