1 Samuele 19:10 - MUKANDA WA MYIDI MUKULU

¹⁰ mutantshi mukese, Shawule kuela Davide difuma, bua kumubambakaja ku tshimana. Kadi, difuma kupanga Davide, kukuata mu tshimana. Davide kunyema muikala amu katakata. Butuku abu,

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Shaula wakakeba kuasa Davidi difuma dimusompoke dikuate mu tshimanu tshia nsubu; kadi Davidi wakehela, wakumuka ku mesu kua Shaula, difuma diakakuata mu tshimanu tshia nsubu; Davidi wakanyema, wakahanduka butuku ebu.

1 Samuele 19:10 Referans Kwoze

1 Samuele 20:33

Shawule kuela difuma bua kuasa Yonatane. Nanku, Yonatane kumanya ne: tatuende Shawule mmupangidike bulelela bua kushipa Davide.

1 Samuele 18:11

Diakamue Shawule kufuna ne difuma, udiambila ne: “Ndi mbambila Davide ku tshimana eku.” Shawule kuela difuma misangu ibidi, Davide kupanduka.

Nsumuinu 21:30

Meji, lungenyi nansha dimanya bidi tshianana, paudi uluisha Maweja-Nangila.

Yowanane 10:39

Bavua bakeba kabidi kumukuata, kadi yeye kongoloka.

Luke 4:30

Kadi Yezu kupitshila munkatshi muabu, kuya.

Matayi 10:23

Panukengeshabu mu tshimenga kampande, nuye kusokomena mu tshikuabu. Ndi nnujadikila bulelela ne: Muana wa muntu neafike, kanuyi banji kujikija mudimu wenu mu bimenga bionsu bia bena Izrayele.

Osheya 6:4

Kadi Maweja-Nangila udi unukonka ne: “Bena Efrayime, nennuenzele tshinyi? Bena Yuda, nennuenzele tshinyi? Dinnanga dienu didi dijika lukasa, bu mudi dibungi dia mu dinda, nansha bu mudi lumuma, ludi luuma amu mpindiewu.

Yeshaya 54:17

Tshia mvita tshionsu tshidibu bafula, bua kukuenzela natshi bibi, katshiakukuenzela bualu to. Padi muntu musue kukufunda kudi bandumbulula, wewe neumupishishe. Ke tshindi ngenzela bena mudimu banyi bonsu. Ndi mbalama, mbambuluisha bua batshimune baluishi babu. Meme Maweja-Nangila, ndi ngamba nanku.”

Misambu 124:7

Tuakapandukamu, bu mudi nyunyi utuka mu bukondu bua mukuatshi wa tunyunyi; bukondu kupandika, tuetu kupanduka.

Misambu 34:19

Udi pabuipi ne badi ne kanyinganyinga, upandisha badi kabatshiyi ne ditekemena.

Misambu 18:17

Mu diulu nuwuaye, kuololaye tshianza bua kunkuata, kumpatula mu njiwu mumvua mudine ne kasuki.

1 Samuele 19:6

Shawule kumvua mibelu ya Yonatane. Kuambaye ne: — Bu mudi Maweja-Nangila ne muoyi, ndi nditshipa ne: kabena mua kushipa Davide to.

Ebrewu 11:34

kujimabu tupia tukole, kupandukabu ku muele wa mvita. Batua kabayi dikanda kupetabu bukole. Bavua bilobu bia mvita. Kutshimunabu bikulu bia bantu ba bisamba bikuabu.

Nsumuinu 1:16

Bualu badi bipatshila bua kuenza malu mabi. Badi baluijakaja bua kuela mashi a bantu panshi.

1 Samuele 18:10

Butshia dinda, mukishi mubi mutuma kudi Mvidi Mukulu kutulukila Shawule. Kuendakanaye mu nzubu muende bu muntu mupale. Davide uvua umuimbila lunkombe, bu muvuaye wenza misangu yonsu. Shawule uvua mukuate difuma diende mu tshianza.

Misambu 37:32

Muntu mubi udi utentekela muntu wa Mvidi Mukulu, ukeba kumushipesha.