1 Samuele 12:5 - MUKANDA WA MYIDI MUKULU

⁵ Samuwele kuamba ne: — Nanku Maweja-Nangila ne mukalenga Shawule bajadike bualu ebu lelu. Nuenu bena Izrayele kanuena batela bualu bubi nansha bumue bundi meme Samuwele munuenzela. Bena Izrayele kuandamuna ne: — Muwambi amu, mmomu.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Wakabambila ne, Yehowa udi mumanyi wa bualu kunudi, ne wandi wakedibua manyi udi mumanyi wa bualu dituku edi ne kanuakasangana tshintu tshia bende mu tshianza tshianyi. Bakamba ne, Yeye udi mumanyi.

1 Samuele 12:5 Referans Kwoze

Ekesode 22:4

“Pikala muntu mulekela bimuna biende binyange budimi bua bende, nansha mionji yende ya mvinyo, muena bimuna neapingajile muena budimi bimuma bilenga bia mu madimi ende.

Bienzedi 24:20

Kadi udi mua kuebeja kabidi bantu badi apa. Babambile tshilema tshivuabu bansangane natshi, pavuabu bandumbuluisha mu Tshipangu tshikulu tshiabu.

Bienzedi 23:9

Ke bantu kuela mbila mikole. Bamue balongeshi ba mikenji ba luseke lua Baparushe kujuka, babenga tshilumbu, bamba ne: — Katuena bamona ne: muntu ewu mmupile to! Misangu mikuabu mutumibue wa Mvidi Mukulu, nansha mukishi, mmumuambile malu!

2 Korente 1:12

Tudi mua kuditemba, bualu kondu ken ka munda kadi kanjadikila ne: ndi bende panu, nangananga munkatshi muenu, ne muoyi wa didipuekesha, kanyi ndinga bann, balonde bidi Mvidi Mukulu wenza. Nanku tshivua tshindudika ki mmeji a bann nansha, kadi amu dinanga didi Mvidi Mukulu utunanga nadi.

1 Korente 4:4

Bulelela kondu kanyi ka munda kakena kampisha nansha kakese. Kadi ebi kabiena bijadika ne: ndi mubinge to. Mfumu ke mukoshi wanyi wa nsambu.

Bienzedi 24:16

Ke pandi ngenza muanyi muonsu, bua kondu kanyi ka munda kikale katalale kumpala kua Mvidi Mukulu ne kua bantu.

Yowanane 18:38

Pilate kumukonka ne: — Bulelela ntshinyi? Pilate mumane kuamba nanku, kupatukaye tshiakabidi pambelu. Kuyaye kudi bena Yuda, ubambila ne: — Tshiena musangane bualu nansha bumue bundi mua kufundila muntu ewu tshibawu to.

Misambu 17:3

Butuku udi unkenketa, unjooja, unteta, kuyi unsangana ne bualu. Bindi ngela meji ke bindi ngamba.

Yobe 42:7

Maweja-Nangila mumane kuyukila ne Yobe, kuambilaye Elifaze wa mu tshimenga tshia Temane ne: — Wewe ne balunda bebe babidi, ndi munufikile munda. Bualu kanuena balongesha mu bulelela malu adi antangila, bu muvua muntu wanyi Yobe muenze.

1 Samuele 26:9

Davide kubenga ne: — Nansha, kumushipi to. Udi wela meji ne: muntu udi mushipe muntu udi Maweja-Nangila musungule, kena mua kupeta dinyoka anyi?

1 Samuele 12:4

Bena Izrayele kuandamuna ne: — Kuena mutukengeshe, kuena mutuenzele bibi. Katshia kuena muangate tshintu tshia mabuejila to.

Genese 31:50

Wewe mutatshishe bana banyi ba bakaji, musele bakaji bakuabu, wamanya ne: udi mujadike mutudi benzelangane nebe, ki muntu to, anu Mvidi Mukulu nkayende.

Yobe 16:19

Eyowa, mu diulu mudi muntu udi ujadika malu anyi, udi undumbuluila, mutue ku tshianyi.