1 Samuele 10:1 - MUKANDA WA MYIDI MUKULU

¹ Ke Samuwele kuambula kalangi ka mafuta kavuaye naku. Kuelaye Shawule mafuta awu pa mutu. Pashishe kumupukilaye, umuambila ne: — Maweja-Nangila nkayende ke udi mukujidila bua wikale mukalenga wa tshisamba tshiende.

Mukanda wa Nzambi Dihungila Dikulukulu ne Dihungila Dihia-dihia 2003

¹ Hashishe Samuele wakangata mulondo wa manyi, wakâhongolola ha mutu handi, wakamutua mishiku, wakamba ne, Yehowa kakakuela manyi bua wewe wikale mukelenge ku mutu kua buhianyi buandi, anyi?

1 Samuele 10:1 Referans Kwoze

1 Samuele 16:13

Samuwele kuambula mafuta, kuela Davide pa mutu bua kumujidila, bana babu batangile. Mueyelu wa Maweja-Nangila kutulukila Davide, kushalawu nende biangatshile dituku adi too ne kashidi. Pashishe Samuwele kupingana ku Rama.

Misambu 78:71

uvua mumuangate pavuaye ulonda mikoku mu nyima, bua kuikala mulami wa bena Izrayele, bantu bende bavuaye mupite kunanga.

1 Samuele 9:16

“Malaba anu pa diba ditudi edi, nenkutumine muntu wa mu tshisamba tshia Binyamine. Wewe neumujidile bua ikale mukalenga wa bantu banyi bena Izrayele. Neabumushe ku bumfumu bua bena Peleshete. Bualu bantu banyi bena Izrayele, mbambikila bua meme kubambuluisha, kabidi ndi mumone dikenga diabu.”

Misambu 2:12

Nutumikile muanende. Kanuyi benza nanku, yeye mufike munda, nenubutuke. Bualu tshiji tshidi mua kumulunduka lukasa. Bena diakalenga mbonsu badi banyemena kudi Maweja-Nangila!

Bienzedi 13:21

Kadi bankambua betu kulomba mukalenga kudi Mvidi Mukulu. Yeye kubapesha Shawule, muana wa Kishe, wa mu tshisamba tshia Binyamine. Kushalaye mu bukalenga bidimu makumi anayi.

1 Samuele 26:11

Kadi Maweja-Nangila neankandike bua tshishipi mukalenga uvuaye mudisunguile. Nanku, tuambule amu difuma diende didi ku mutu, pabuipi nende, tuambule kabidi ne mulondu wende wa mayi, tuye nabi.

Dielulula 32:9

Udi mudisunguile bena Izrayele, muenze ndelanganyi ya Yakobe bantu bende.

2 Bakalenga 20:5

bua apingane kudi Izkiya, mukalenga wa bantu ba Maweja-Nangila, amuambile ne: “Maweja-Nangila Mvidi Mukulu wa nkambua webe Davide udi wamba ne: Ndi mumvue ditendelela diebe, kabidi ndi mumone binsonji biebe. Nanku ndi musue kujikija disama diebe. Papita matuku asatu, mutuadije kuya kabidi mu nzubu wa Mvidi Mukulu.

2 Bakalenga 9:1

Dituku dikuabu, muambi Elisha kubikila nsongalume wa mu tshisumbu tshia bambi, kumuambila ne: — Udilongolole, ndi nkutuma ku luendu. Angata kalondu ka mafuta a tshijila aka. Uye mu tshimenga tshia Ramote mu ditunga dia Ngilaade.

Didimanyisha 5:8

Yeye mumane kuangata mukanda, Bia muoyi binayi ne bakulu makumi abidi ne banayi kukukuila Muana wa mukoku. Mukulu yonsu uvua ne lunzenze, kabidi ne makopu menza ne mpawungi muwule ne musenga wa kamonya. Musenga awu ke mitendelelu ya bena tshisamba tshia Mvidi Mukulu.

Ebrewu 2:10

Bualu Mvidi Mukulu — udi mufuke bionsu, kabidi udibu bafukila bionsu — uvua ne bua kupitshisha Yezu mu makenga bua kumufikisha ku bujima buende, bua amone mua kubueja bana bende bavule mu butumbi buende. Bualu Yezu ke udi ubafikisha ku lupandu.

1 Tesalonike 5:26

Elayi bana hetu bonsu muoyi, nupukilangane buena muntu.

Osheya 13:2

Mpindiewu, monayi bena Efrayime abu, batshidi anu batungunuka ne buenzayi. mBadienzele mvidie, ne lupingu lua tshiamu tshitoke tshia mushinga mukole. Nansha mudimu ewu muenza kudi basongi ba mpingu, badi anu bamba ne: “Lambulayi mvidie ewu milambu!” Padi bantu bupukilangana ne mpingu ya tuana tua ngombe, nudi mua kumvua bualu ebu anyi?

Yirmeya 10:16

Kadi Maweja-Nangila kena bu mudi mpingu to. Bena Izrayele ntshisamba tshiende tshia bumpianyi. Yeye ke udi mufuke bintu bionsu. Bena Izrayele mbantu bende. Dina diende Maweja-Nangila wa bukole buonsu.

Misambu 135:4

Maweja-Nangila mmusungule Yakobe, musungule Izrayele bua ikale tshintu tshiende.

1 Bakalenga 19:18

Kadi munkatshi mua bena Izrayele, nenshiye bantu bakuabu binunu muanda mutekete ne muoyi, mmumue ne: bonsu badikabayi banji kukukuila mvidie Baale, kabayi banji kutua mpingu ayi mishiku.

2 Samuele 19:39

Mukalenga Davide kuandamuna ne: — Eyowa, mbimpe. Nenye ne Kimhame. Netumuenzele tshionsu tshiudi ujinga. Tshintu tshiwikala mundombe, nenkupeshatshi.

2 Samuele 5:2

Kale patshivua Shawule mukalenga wetu, ukavua ulombola bena Izrayele mu mvita yabu. Maweja-Nangila uvua mumane kukuambila ne: “Wewe Davide newikale, mukalenga wa bantu banyi bena Izrayele, newikale mfumuabu.”

1 Samuele 24:6

Kadi Davide mumane kukosa tshipesa atshi, kuzakalaye bikole.

1 Samuele 13:14

Kadi mpindiewu, kuakushala mu bukalenga matuku a bungi to. Maweja-Nangila mmumane kusungula muntu mukuabu udiye musue bua kuikala mukalenga wa bantu bende bena Izrayele. Bualu wewe kuena mutumikile meyi a Maweja-Nangila to.

1 Samuele 8:19

Bena Izrayele kabawa bitaba bionsu bivua Samuwele ubambila abi to. Kumuandamunabu ne: — Nansha wewe muambe nanku, tudi basue anu mukalenga,

1 Samuele 8:9

Nanku itaba bionsu bidibu bakulomba. Kadi ubabela, ubambile patoke, ubaleje malu onsu abenzelabu kudi mukalenga udi ushala mfumuabu.

1 Samuele 2:10

Maweja-Nangila udi udidisha, makubakuba mu diulu, bua kubutula baluishi bende. Udi mulumbuluishi munene wa buloba bujima. Udi ukolesha mukalenga wa bantu bende mu maboku, udiundisha bukalenga bua udiye musungule.

Ekesode 30:23

— Angata manananshi a mupuya mukole: a mire kilo itanu, a sinamome kilo ibidi ne tshitupa, a kanele kilo ibidi ne tshitupa ne

1 Samuele 9:27

Bafike ku ndekelu kua mikalu ya tshimenga, Samuwele kuambila Shawule ne: — Ambila muena mudimu webe adianjila kumpala. Muena mudimu mumane kuya mutantshi, Samuwele kuamba ne: — Wewe Shawule, mpindiewu, imana muaba ewu. Ndi musue kukumanyisha tshidi Maweja-Nangila wamba.

1 Samuele 12:3

Ke pandi muimana kumpala kuenu, muaba udi Maweja-Nangila ne mukalenga udiye musungule. Pangikala munuenzele bualu bubi, numfunde kudibu patoke too. Ndi muibe ngombe wa muntu anyi? Ndi muibe mpunde wa muntu anyi? Ndi mukengeshe muntu anyi? Ndi muenzele muntu bibi anyi? Ndi muangataku tshintu tshia mabuejila kudi muntu bua tshitangidi buenzayi budiye wenza anyi? Pangikala muangate tshintu tshia muntu, angambile, mmupingajilatshi.

1 Samuele 15:1

Samuwele kuambila Shawule ne: — Ku kale, Maweja-Nangila uvua muntume bua kukujidila, bua ushale mukalenga wa bantu bende bena Izrayele. Nanku, teleja tshindi musue kukuambila mu dina dia Maweja-Nangila.

1 Samuele 16:1

Maweja-Nangila kuambila Samuwele ne: — Neushale anu ne tshiji musangu mule bua Shawule, pandi meme mumane kumubenga, bua kashadi mukalenga wa bena Izrayele anyi? Angata mafuta, uye nawu. Ndi nkutuma kua Ishayi ku Betleyeme. Bualu ndi musungule mukalenga undi musue, munkatshi mua bana bende ba balume.

1 Samuele 26:9

Davide kubenga ne: — Nansha, kumushipi to. Udi wela meji ne: muntu udi mushipe muntu udi Maweja-Nangila musungule, kena mua kupeta dinyoka anyi?

2 Samuele 1:14

Davide kuela lubila ne: — Muudi kuyi mutshine bua kushipa mukalenga uvua Maweja-Nangila musungule mbishi?

1 Bakalenga 1:34

Muaba awu, mutuangaji Sadoke, ne muambi Natane, nebamuele mafuta pa mutu bua kumujidila, bua ashale mukalenga wa bena Izrayele. Pashishe, nuele mpungi, nuele mbila, nuamba ne: “Mukalenga Shelomu akuate ku mundundu.”

Yezekiyele 16:13

Bilengejilu biebe bivua bia tshiamu tshia mpawungi, ne bia tshiamu tshitoke tshia mushinga mukole. Bilamba biebe bisua bia buanda bua ndanda, ne bikuabu bia miosa ya nyama, bizola bimpe. Meme kukudisha ne bukula buimpe, buitshi ne mafuta a olive. Wewe kuakana, kulengela be. Kukusungulabu bua wewe kuikala mukalenga mukaji.

1 Samuele 15:17

Samuwele kumuambila ne: — Ku kale uvua mudimone muntu tshianana. Mpindiewu udi mukalenga wa bisamba bionsu bia bena Izrayele. Maweja-Nangila nkayende ke uvua mukujidile bua wikale mukalenga wa bena Izrayele.

2 Samuele 20:19

Tshimenga tshietu, ntshimenga tshia ku bimenga bidi ne ditalala ne bidi bitaba meyi a bukalenga. Kadi wewe udi musue kunyanga etshi tshimue tshia ku bimenga binene bia bena Izrayele! Udi musue kunyanga tshintu tshidi tshia Maweja-Nangila bua tshinyi?

2 Bakalenga 9:12

Balombodi kuandamuna Yehu ne: — Udi ushima. Mbimpe utuambile bionsu bidiye mukuambila. Nanku Yehu kubambila ne: — Bulelela, muambi ewu mmungambile malu, kadi nangananga mmungambile ne: Maweja-Nangila udi wamba ne: “Ndi nkujidila bua wikale mukalenga wa bena Izrayele.”