1 Bakalenga 9:25 - MUKANDA WA MYIDI MUKULU

²⁵ Mukalenga Shelomu, mua ulambula milambu ya kuosha ne ya bobumue misangu isatu ku tshidimu tshionsu. Uvua osha milambu ayi mu dina dia Maweja-Nangila patshilambuilu tshivuaye muashile Maweja-Nangila. Nanku, mu nzubu wa Mvidi Mukulu bavua benzelamu mudimu uvuabu bamuibakila.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Misangu isatu ku tshidimu ku tshidimu Solomo wakafila milambu ya kuosha ne ya kuvuisha bantu ditalala ha tshioshelu tshiakashileye Yehowa; wakosha musenga wa manananshi ha tshioshelu tshiakadi ku mesu kua Yehowa. Wakamana nsubu nunku.

1 Bakalenga 9:25 Referans Kwoze

2 Kulondolola 8:16

Midimu yonsu ya Shelomu ivuaye musue kuenza, kukumbanayi muvuaye muyilongolole, biangatshile ku tshitaku tshia nzubu wa Mvidi Mukulu too ne midimu ya dijikija nzubu awu kulu. Nzubu wa Mvidi Mukulu uvua muimpe mutambe.

Dielulula 16:16

Ku tshidimu tshionsu, bantu balume bonsu badi munkatshi muenu, nebadileje kudi Maweja-Nangila misangu isatu, muaba wikalaye musungule, bua tshibilu tshia mampa adi kaayi mela buanga, bua tshibilu tshia Dinowa biakudia, ne bua tshibilu tshia tuzubu tua Bisasa. Kadi muntu kafiki mu nzubu wa Mvidi Mukulu wenu kayi ne tshintu tshia kumulambula to.

2 Kulondolola 34:25

Bena Yerushalayime mbambenge, mbalambule mvidie mikuabu milambu. Bionsu bidibu benze mbimfikishe munda. Ke pandi mufikile tshimenga etshi munda bikole. Tshiji tshianyi katshiena tshijika mpindiewu to.

2 Kulondolola 29:11

Nuenu balunda banyi, kanuena mua kulengulula bualu ebu to. Bualu nuenu ke badi Maweja-Nangila musungule, bua nuimane kumpala kuenda, numutendelela, nuosha musenga wa kamonya mu dina diende.

1 Kulondolola 23:13

Bana ba Amrame badi: Arone ne Moshe. Arone ne ndelanganyi yende, bavua babajidila bua bikale benza mudimu kashidi muaba wa tshijila menemene. Bavua ne bua kulambula milambu ya manananshi, kuenzela Mvidi Mukulu midimu, kuela bantu lupemba mu dina dia Maweja-Nangila.

1 Bakalenga 6:38

Pashishe mu ngondu wa Bule, mmumue ne: ngondu wa muanda mukulu, Shelomu mumane kushala mu bukalenga bidimu dikumi ne tshimue, kujikijabu diasa dia nzubu mujima, anu mushindu uvuabu balongolola bua kuasa. Nanku, nzubu wa Mvidi Mukulu awu, bavua bamuasa mu bidimu muanda mutekete.

Ekesode 34:23

“Bantu balume bonsu ba mu ditunga dienu, bikale badisangisha kumpala kuanyi meme Maweja-Nangila Mvidi Mukulu wa Izrayele, misangu isatu ku tshidimu tshionsu bua kuntendelela.

Ekesode 30:7

Pashishe, Arone ikale ungoshilamu manananshi dinda dionsu padiye usukula miendu idi ku tshilambuilu.

Balombodi 11:40

ku tshidimu tshionsu, bansongakaji ba bena Izrayele badi baya kudila matuku anayi, bajinga muana wa bakaji wa Yefete, muena mu Ngilaade.

1 Bakalenga 6:9

Bua kujikija diasa dia nzubu wa Mvidi Mukulu, kuenzabu tshisasa ne mabaya manene ne makese a mutshi wa sedre.

1 Bakalenga 6:14

Bena mudimu bamane kujikija dibaka dia nzubu wa Mvidi Mukulu bu muvua Shelomu mubambile,