1 Bakalenga 8:15 - MUKANDA WA MYIDI MUKULU

¹⁵ Pashishe, kuambaye ne: — Ndi ngela Maweja-Nangila Mvidi Mukulu wa bena Izrayele tuasakidila! Yeye nkayende ke udi mukumbaje bionsu bivuaye mulaye tatu wanyi Davide. Uvua mumuambile ne:

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Yeye wakamba ne, Yehowa, Nzambi wa Isalele, atumbishibue, wakambila tatu wanyi Davidi mukana muandi, bualu buakamana tshianza tshiandi lelu ne,

1 Bakalenga 8:15 Referans Kwoze

Luke 1:68

— Maweja-Nangila Mvidi Mukulu wa bena Izrayele atumbe! mMuvue kusamba ne kupikula bantu bende.

Nehemya 9:5

Pashishe, bena Levi aba: Yeshuwa, Kadmiyele, Bani, Ashabneya, Sherebiya, Odya, Shebanya ne Petakiya, ba-vua bela mbila mikole ne: — Jukayi kulu! Tumbishayi Maweja-Nangila Mvidi Mukulu wenu. Numutumbishe matuku onsu! “Maweja-Nangila, bantu bonsu batumbishe dina diebe dia lumu. Miaku itudi mua kuamba bua kukutumbisha nayi idi amu mikese.

1 Kulondolola 29:20

Davide kuambila kabidi bantu bonsu ne: — Elayi Maweja-Nangila, Mvidi Mukulu wetu tuasakidila. Bantu bonsu kuela Maweja-Nangila tuasakidila, Mvidi Mukulu wa bankambua babu. Kutuabu binu, kutua ne mpala panshi, batumbisha Maweja-Nangila, kabidi ne mukalenga Davide.

1 Kulondolola 29:10

Davide udi utendakena Maweja-Nangila, bena Izrayele bonsu basangile, wamba ne: — Maweja-Nangila, Mvidi Mukulu wa nkambua wetu Yakobe, atumbe lelu ne kashidi!

Luke 1:70

Ke tshivuaye mudianze kumanyisha bantu kale, mukana mua bambi bende ba tshijila.

Misambu 115:18

Kadi tuetu, netuele Maweja-Nangila tuasakidila, mpindiewu ne kashidi. Tutumbishayi Maweja-Nangila, Aleluya!

2 Kulondolola 6:4

Pashishe kuambaye ne: — Ndi ngela Maweja-Nangila Mvidi Mukulu wa Izrayele tuasakidila! Yeye nkayende mmukumbaje bionsu bivuaye mulaye tatu wanyi Davide. Uvua mumuambile ne:

Yoshua 21:45

Nenku malu onsu awa Maweja-Nangila mulaye bena Izrayele, kukumbana. Kakuvua bualu nansha bumue buvua kabuyi buenzeka.

1 Petro 1:3

Tutumbishayi Mvidi Mukulu, Tatu wa Mfumu wetu Yezu Kristu! Bu mudiye ne luse luvule, mmutupe muoyi mupiamupia pa kubisha Yezu Kristu ku bafue. Ke mutudi mua kutekemena bikole,

Efeze 1:3

Tutumbishayi Mvidi Mukulu, Tatu wa Mfumu wetu Yezu Kristu, tumuele tuasakidila! Bualu mmutuele lupemba mu Yezu Kristu, mmutupeshe kudiye mapa onsu a mu diulu.

Luke 1:72

Uvua mulaye bua kuenzela bankambua betu bimpe. Kavua mupue muoyi ndondu wa tshijila uvuaye mutue nabu.

Matayi 24:35

Diulu ne buloba nebijimine. Kadi miaku yanyi kashidi kayena ijimina to.

Yeshaya 1:20

Kadi panuikala bambenge, bantombokele, nenufue ku muele. Meme Maweja-Nangila ndi ngamba nanku.

Misambu 138:2

ndi ela panshi mu nzubu webe wa tshijila. Mvidi Mukulu wa kashidi, ndi nkutumbisha bua bulenga buebe ne bulelela buebe, bualu uvua muvuluke dilaya diebe, mutuvua katuyi batekemene.

Misambu 41:13

Bu mundi tshiyi ne bualu, neutue ku tshianyi, newanyishe bua meme kushala pabuipi nebe kashidi.

2 Kulondolola 20:26

Dituku dinayi, kusangilabu mu tshibandabanda tshia Beraka. — Muaba awu, batshidi bawinyika dina edi too ne lelu, bualu mmuaba uvuabu belela Maweja-Nangila tuasakidilae. —

1 Kulondolola 17:12

Muana awu ke wangibakila nzubu, kabidi nenjadike ndelanganyi yende mu bukalenga kashidi.

2 Samuele 7:25

Nanku Maweja-Nangila Mvidi Mukulu wanyi, ukumbaje biuvua muambe. Bionsu biuvua mumane kundaya meme Davide ne ndelanganyi yanyi, ubikumbaje kashidi.

2 Samuele 7:5

— Ndaku kudi Davide, muntu wanyi. Umuambile ne: teleja tshidi Maweja-Nangila wamba ne: “Wewe Davide kuena mua kungashila nzubu undi mua kusomba to.”

2 Samuele 6:18

Davide mumane kujikija kulambula milambu, kuelaye bantu bonsu lupemba mu dina dia Maweja-Nangila wa bena Izrayele.

1 Kulondolola 16:36

Elayi Maweja-Nangila Mvidi Mukulu wa Izrayele, tuasakidila, numuelayi tuasakidila lelu ne kashidi. Bantu bonsu kupunguluja ne: “Amene! Tumbishayi Maweja-Nangila!”

1 Kulondolola 22:10

Yeye ke wangashila nzubu. Yeye neikale muananyi wa balume, meme nengikale Tatuende. Meme ne-nshindike bukalenga buende mu ditunga dia bena Izrayele.”

1 Samuele 25:32

Davide kuandamuna Abiyayile ne: — Ndi ngela Maweja-Nangila wa bena Izrayele tuasakidila. Yeye ke udi mukutume bua meme kusambakena nebe mpindiewu.