1 Bakalenga 22:5 - MUKANDA WA MYIDI MUKULU

⁵ Mukalenga Yosafate kumuambila kabidi ne: — Kadi, bangabanga, ukonke Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Yehoshafata wakambila mukelenge wa Isalele ne, Ndi nkusengelela ne, Udianjile kukonka dî dia Yehowa.

1 Bakalenga 22:5 Referans Kwoze

Yirmeya 21:2

— Yirmeya, bu wewe musue, utukonkele Mvidi Mukulu, bualu Nebukadnesare, mukalenga wa bena Babilone, udi udiluisha. Ulombe Maweja-Nangila bua adienzele tshishima, bu muvuaye muenze kale, bua bena Babilone batushile muaba bumuke.

2 Bakalenga 3:11

Kadi, Yosafate kukonka ne: — Muaba ewu, kakuena muambi udi mua kutuebejila malu kudi Maweja-Nangila anyi? Mulombodi wa bena mvita ba mukalenga wa bena Izrayele kuandamuna ne: — Tudi ne Elisha, muana wa Shafate. Yeye uvua wambuluisha muambi Eliya bikole.

Dibadika 27:21

Kadi Yoshuwa aye kuebeja mutuangaji Elazare bidiye ne bua kuenza. Mutuangaji akuate mudimu ne Urime, bua amanye tshindi musue, amanyishe Yoshuwa. Nanku Yoshuwa ne bena Izrayele bonsu nebakumbaje bionsu bidi mutuangaji Elazare ubambila.

Yezekiyele 14:3

— Yezekiyele, muoyi wa bantu abu udi amu ku mvidie yabu mibi indi mbenga, idi ibafikisha ku bubi. Nanku, badi bela meji ne: ndi mua kuandamuna ku nkonku yabu anyi?

1 Kulondolola 10:13

Shawule uvua mufue bualu uvua mutombokele Maweja-Nangila. Uvua mubenge diyi diende. Uvua muye kutempa, bua mikishi imuambile malu avuaye uyikonka,

2 Bakalenga 1:3

Kadi, mutumibue wa Maweja-Nangila kuya kuambila muambi Eliya, muena Tishebe, ne: — Juka uye kusambakena ne bantu badi mukalenga Akaziya wa mu Samariya mutume, ubakonke ne: “Mu ditunga dia bena Izrayele kamuena Mvidi Mukulu anyi? Nudi nuya kukonka anu mvidie Baale Zebube, udi mu Ekrone bua tshinyi?”

1 Samuele 30:8

Davide kukonka Maweja-Nangila ne: — Meme mulondakaje bivi aba, nembapete anyi? Maweja-Nangila kuitaba ne: — Eyowa, balondakaja, neubapete. Neusungidile bantu badibu bakuata.

1 Samuele 23:4

Davide kukonka Maweja-Nangila tshiakabidi, Maweja-Nangila kuandamuna ne: — Juka, uye mu tshimenga tshia Keyila! Nemfile bena Peleshete mu bianza biebe.

1 Samuele 23:2

Ke Davide kukonka Maweja-Nangila ne: — Ndi ne bua kuluisha bena Peleshete aba anyi? Maweja-Nangila kuandamuna ne: — Eyowa, ubaluishe! Nanku neusungidile bena Keyila.

1 Samuele 14:18

Nanku Shawule kuambila mutuangaji Akiya ne: — Ambula mushete wa ndondu wa Maweja-Nangila, ufike nawu apa. (Dituku adi mushete wa ndondu uvua mu mitanda ya bena Izrayele).

Balombodi 20:29

Bena Izrayele kusokoka bena mvita babu, banyungulule tshimenga tshia Ngibeya.

Balombodi 20:23

Maweja-Nangila kuitaba bua baye kuluangana. Nanku bena mvita ba bena Izrayele kupeta bukole. Kuelabu mualu wa mvita, anu muaba uvuabu bimanyine dituku dikuabu.

Balombodi 20:18

Bena Izrayele kuya ku Betele, kuebeja Mvidi Mukulu bua kumanya tshisamba tshia ku bisamba biabu tshivua mua kudianjila kuya kuluisha bena Binyamine. Maweja-Nangila kuleja tshisamba tshia Yuda.

Balombodi 1:1

Yoshuwa mumane kufua, bena Izrayele kuebeja Maweja-Nangila bua kumanya tshisamba tshiabu tshivua mua kudianjila kuluisha bena Kenaane.

Yoshua 9:14

Bena Izrayele kulengulula bua kukonka Maweja-Nangila tshilumbu tshia bantu aba. Kudiabu ne bintu bivuabu nabi.

1 Bakalenga 22:4

Nanku, Akabe kukonka mukalenga Yosafate ne: — Udi mua kuya kumfila mu mvita bua tuetu kukuata tshimenga tshia Ramote, tshidi mu ditunga dia Ngilaade anyi? Mukalenga Yosafate kuandamuna ne: — Wewe ne meme tudi bantu bamue. Bantu bebe, mbanyi meme. Bantu banyi, mbebe wewe. Nyama yanyi ya tubalu nyebe wewe.

1 Bakalenga 22:6

Nanku, Akabe, mukalenga wa bena Izrayele, kubikidisha bambi bende bonsu bu nkama inayi, ubakonka ne: — Ndi mua kuya kuluangana, bua meme kukuata tshimenga tshia Ramote tshidi mu ditunga dia Ngilaade, anyi tshiena mua kuya? Bambi kuandamuna ne: — Udi mua kuya. Maweja-Nangila neafile tshimenga atshi mu bianza biebe.