1 Bakalenga 22:14 - MUKANDA WA MYIDI MUKULU

¹⁴ Kadi, muambi Mika kuandamuna ne: — Bu mudi Maweja-Nangila ne muoyi, nemmuambile anu tshidi Maweja-Nangila ungambila.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Mibi ya wakamba ne. Bu mudi Yehowa ne muoyo, meme nemmuambile anu mei adi Yehowa ungambila.

1 Bakalenga 22:14 Referans Kwoze

Dibadika 24:13

“Balake, nansha yeye mumpeshe tshiamu tshitoke tshia mushinga mukole, ne mpawungi, bionsu bidi mu nzubu muende mua bukalenga, tshiena mua kubenga diyi dia Maweja-Nangila wanyi to. Ndi ne bua kuamba amu tshidiye ummanyisha!”

Dibadika 22:18

Balaame kubenga wamba ne: — Balake nansha yeye muntumine tshiamu tshia mpawungi tshionsu, ne tshiamu tshitoke tshia mushinga mukole tshionsu, tshidiye natshi mu nzubu wende wa bukalenga, tshiena mua kubenga diyi dia Maweja-Nangila, Mvidi Mukulu wanyi, ku kalu nansha kamue to.

Ngalate 1:10

Nudi nuela meji ne: ndi nkeba bua bantu banganyishe anyi? Nansha! Ndi musue amu bua Mvidi Mukulu anganyishe! Ndi nkeba kusankisha bantu anyi? Bu meme nkeba kusankisha bantu, tshi vua mua kuikala muena mudimu wa Kristu to.

2 Korente 4:2

Tukadi bamane kubenga malu a mu musokoku adi atufuisha bundu. Katuena tukuata mudimu ne budimu. Katuena tuandamuna muaku wa Mvidi Mukulu bua kuwenza wa dishima. Kadi tudi mmanyisha bantu patoke malu a Mvidi Mukulu amu pa wowu. Ke patudi basue kudileja kudi muntu yonsu udi witaba Mvidi Mukulu bilondeshile kondu ka munda muende.

2 Korente 2:17

Tuetu katuena bu bantu bakuabu ba bungi badi batangila muaku wa Mvidi Mukulu bu bintu bia kuenda nabi mushinga. Kadi tuetu tudi tunumanyisha muaku wa Mvidi Mukulu, katuyi tukeba kudisankisha muinshi muinshi. Mvidi Mukulu mmututume. Ke patudi tuvuluka mudiye uditangila, tukuata mudimu badisange ne Kristu.

Yirmeya 42:4

Muambi Yirmeya kubandamuna ne: — Mbimpe munudi nundomba! Nentendelele Maweja-Nangila Mvidi Mukulu wetu. Pashishe tshiakunusokoka bualu nansha bumue. Nennumanyishe muikale Maweja-Nangila muambe.

Yirmeya 23:28

Padi muambi ulota ndota, mbimpe awule anu ndota yende! Kadi padiye ne bualu bundi mumuambile bua kumanyisha bantu, abuambe anu bu mudibu. Ki mbimpe kufuanyikija mpengelane nyimu to. Meme Maweja-Nangila ndi ngamba nanku!

1 Bakalenga 18:15

Muambi Eliya kuandamuna ne: — Bu mudi Maweja-Nangila ne muoyi, Maweja-Nangila wa bukole buonsu, undi nkuatshila mudimu, ndi nkujadikila ne: lelu netumonangane ne Akabe.

1 Bakalenga 18:10

Bu mudi Maweja-Nangila Mvidi Mukulu webe ne muoyi, ndi nkujadikila ne: mfumuanyi Akabe mmutume bantu mu bisamba bionsu ne mu makalenga onsu bua kukukebabu. Pavua bamfumu ba matunga bamba ne: “Muambi Eliya kena kuetu to,” bavua ne bua kuditshipa bua kujadika ne: kabena bakumona to.

Dibadika 22:38

Balaame kuandamuna ne: — Mbafiki! Kadi tshiena ne tshia kuamba to! Nenkuambile amu bualu budi Mvidi Mukulu ummanyisha.

1 Bakalenga 17:1

Muambi Eliya uvua mu musoku wa Tishebe, mu ditunga dia Ngilaade. Kuambilaye mukalenga Akabe ne: — Bu mudi Maweja-Nangila ne muoyi, Mvidi Mukulu wa bena Izrayele undi ngenzela mudimu, ndi ngamba ne: “Bidimu bidi kumpala ebi, lumuma kaluena mua kumata kabidi, mvula kena mua kuloka, amu meme mumulombe.”

1 Bakalenga 22:13

Muntu uvua muye kukeba Mika, kuambilaye Mika ne: — Teleja, bambi bonsu mbambile mukalenga Akabe anu meyi a mushindu umue ne: neutshimune. Wewe kabidi umuambile anu meyi a mushindu umue ne bambi bakuabu. Umuambile ne: neutshimune.

Dibadika 22:8

Balaame kubambila ne: — Lalayi munemu. Patshiabu dinda, nennuandamune malu onsu adi Maweja-Nangila mummanyishe. Bakulu ba bena Mowabe abu kulala kua Balaame.

Yirmeya 34:6

Ke bualu buvua muambi Yirmeya muambile Sedekiya mukalenga wa bena Yuda mu Yerushalayime.